Fréttablaðið - 09.08.2002, Page 2

2 9. ágúst 2002 FÖSTUDAGUR
Íslensk þrívíð
teiknimynd:
Fyrsta tölvu-
gerða teikni-
myndin
KVIKMYNDIR Fyrsta íslenska tölvu-
gerða teiknimyndin, Litla lirfan
ljóta, verður frumsýnd 30. ágúst.
Þetta er þrívíð teiknimynd, hálf-
tíma löng. Í myndinni er fylgst með
litlu lirfunni ljótu fyrsta daginn í
lífi hennar. Höfundur myndarinnar
er Gunnar Karlsson og er hún gerð
eftir sögu Friðriks Erlingssonar.
Myndin hefur þegar verið seld í
sjónvarp til nokkurra landa og búið
er að semja 26 þátta sjónvarpsröð
með lirfunni og félögum hennar í
aðalhlutverkum. Sú þáttaröð var
valin til að taka þátt í keppni sem
heitir Cartoon Forum og lýkur í Wa-
les í haust. Um þessar mundir er
unnið að talsetningu myndarinnar á
íslensku. Framleiðendur hennar er
CAOZ hf.

Óhapp undan ströndum
Frakklands:
226 manns
þurftu að
yfirgefa ferju
BREST, FRAKKLANDI, AP 226 manns
þurftu að yfirgefa ferjuna Atlante
eftir að hún tók að leka undan norð-
vesturströnd Frakklands. Talið er
að vatn hafi flætt inn í vélarrúm
ferjunnar. Engan sakaði í óhappinu
en þó nokkrir farþegar þurftu á
áfallahjálp að halda. Farþegarnir
voru fluttir til næstu hafnar í bæn-
um Quiberion þar sem hópur
sjúkrastarfsmanna beið til vonar
og vara. Ferjan, sem er 27 metra
löng, var smíðuð árið 1998.

Sprengisandur:
Ítali í
ógöngum
LÖGREGLA Ítalskur ferðamaður
villtist á Sprengisandi á miðviku-
dagskvöld. Maðurinn, sem skildi
við hóp húsbíla, hugðist fara
hjólandi frá Nýjadal suður
Sprengisand, en villtist þegar
hann tók sveig austur að Hágöng-
um. Hann skilaði sér síðan klukk-
an 10 í gærmorgun.
Þegar hann hafði ekki skilað
sér um kvöldið höfðu félagar hans
samband við lögregluna á Hvols-
velli og fóru sjálfir að leita að
honum. Þegar ekkert hafði spurst
til mannsins í gærmorgun var
kallað eftir aðstoð þyrlu Land-
helgisgæslunnar, en leitin var
blásin af þegar ferðafélagar
mannsins tilkynntu að þeir hefðu
fundið hann.

LITLA LIRFAN
LJÓTA
Litla lirfan lend-
ir í margs konar
ævintýrum og
hættum.
ALÞINGI „Ég hef ekki tekið ákvörð-
un um framboð í vor. Ég hef hug-
leitt það, meðal annars í ljósi átak-
anna um SPRON, hvort kröftum
mínum kunni að vera betur varið
utan þings. Það er auðvitað merki-
legt að lög eru varla samin á þingi
heldur koma þau annars staðar
frá. Mér virðast áhrifin utan
þings því hugsanlega vera meiri,“
segir Pétur H. Blöndal, 10. þing-
maður Reykvíkinga.
Hann hefur setið á þingi fyrir
Sjálfstæðisflokkinn síðan 1995 og
oftar en ekki verið á öndverðum
meiði við flokksfélaga sína í stóru
málunum. Hann segir Evrópumál-
in verða þung í kosningabarátt-
unni.
„Svo koma alltaf upp mál sem
enginn átti von á. Kannski
SPRON-málið verði að stórmáli í
þinginu,“ segir Pétur Blöndal.
„Það eru gild rök að betur sé
eftir því tekið sem ég segi innan
þingsins. Það hefur áhrif á mína
ákvörðun sem ég tek væntanlega
með haustinu,“ segir Pétur Blön-
dal.

PÉTUR H. BLÖNDAL
Telur kröftum sínum betur
varið utan þings en innan.
Pétur Blöndal þingmaður Reykvíkinga:
Hef líklega meiri áhrif
utan þings en innan
SPRON „Við höfum tryggt okkur
fjárhagslega. Það eru sparisjóðirn-
ir í landinu og dótturfyrirtæki þeir-
ra sem veita okkur fyrirgreiðslu
vegna kaupa á stofnfénu. Takmark-
ið var að ná 51% og því höfum við
náð. Við munum hins vegar skoða
það með jákvæðum huga ef ein-
hverjir stofnfjáreigendur vilja
selja. Við komumst ekki hjá því,“
sagði Ari Bergmann Einarsson, for-
maður Starfsmannasjóðs SPRON.
Kaup á öllu stofnfé SPRON þýða
allt að þriggja milljarða fjárútlát.
Ljóst er að Starfsmannasjóður
SPRON mun ekki halda eftir nema
litlum hluta stofnfjárins.
„Það er ekki ljóst hver stór hlut-
ur starfsmanna verður. Frestur
þeirra og maka þeirra til að skrifa
sig fyrir hlut í félaginu rennur út í
dag. Þátttakan hefur verið mjög
góð. Starfsmenn leggja inn stofnfé
sitt og maka sinna. Í gærkvöldi
höfðu um 200 einstaklingar, starfs-
menn og makar, skráð sig í félagið.
Við munum selja þorra stofnfjárins
frá okkur. Sparisjóðirnir sem veita
okkur fyrirgreiðslu munu þó ekki
kaupa sjálfir heldur fjárfestar sem
við veljum þegar þar að kemur,“
segir Ari.
„Við náðum okkar markmiðum.
Við fórum af stað til að slá skjald-
borg um SPRON og um leið spari-
sjóðina í landinu. SPRON er sterkt
afl í keðju 24 sparisjóða í landinu.
Ef yfirtökutilboð Búnaðarbankans
hefði gengið eftir, þá hefði það eyði-
lagt sparisjóðakerfið. Þetta var því
fyrst og fremst spurning um líf eða
dauða sparisjóðanna í landinu. Þeir
lifa áfram sýnist mér,“ segir Ari
Bergmann.

SPRON
Sparisjóðirnir í landinu og dótturfyrirtæki þeirra veita starfsmönnum fyrirgreiðslu vegna
kaupa á stofnfénu.
Sparisjóðirnir tryggja kaup starfsmanna á SPRON
Endursala meginþorra
stofnfjárins undirbúin
SÍMAÞJÓNUSTA Harðnandi sam-
keppni blasir við Símanum en Tal
bætist í haust í hóp símafyrir-
tækja sem bjóða talsímaþjónustu
fyrir heimili. Símafyrirtækin
hafa öll boðið fyrirtækjum upp á
talsímaþjónustu. Þessi fjölbreytni
mælist vel fyrir, að sögn tals-
manna einkareknu símafyrirtækj-
anna. Öll bjóða þau frían flutning
viðskipta frá Símanum, menn
halda gamla númerinu og gjald-
skráin verður, að þeirra sögn, 10-
30% lægri en hjá Símanum.
Einkareknu símafyrirtækin stef-
na að því að ná til sín þriðjungi til
helmingi talsímaþjónustunnar,
eða sem nemur 50 til 80 þúsund
notendum. Fyrirtækin hafa lagt út
í kostnaðarsama uppbyggingu
kerfa, sett upp símstöðvar og til-
heyrandi búnað.
Íslandssími reið á vaðið haust-
ið 2000 og bauð svokallað „fast
forval“. Talsímaþjónustan er þá
flutt til Íslandssíma, en heimtaug-
argjaldið eða fastagjaldið þarf að
greiða Símanum. „Nú eru tæplega
30.000 númer skráð hjá okkur, þar
af rúmlega 9.000 hjá
einstaklingum. Það er
mikil hreyfing þessa
dagana, jöfn fjölgun,
ekki síst eftir verð-
breytingar Símans,“
segir Pétur Pétursson,
upplýsingafulltrúi Ís-
landssíma.
Halló kom inn á
heimilissímamarkað-
inn nú í júní og bauð
þjónustu, sem felur í
sér að fyrirtækið sér
um allt sem tengir
saman símstöð og
símtæki notandans.
Þar með var Halló
fyrst fyrirtækja til að bjóða að-
gang að heimtauginni og rauf
jafnframt tæplega 100 ára einok-
un Símans á heimtauginni. „Fast
forval“ er einnig í boði hjá Halló.
„Viðtökurnar hafa verið framar
vonum. 3 þúsund manns hafa
þegar skráð sig í fulla þjónustu,
helmingur er þegar tengdur. Við-
skiptavinir okkar eru nú um 17
þúsund og þeim fjölgar stöðugt.
Markmið okkar er að ná að
minnsta kosti 30.00 viðskipta-
mönnum,“ segir Guðlaugur
Magnússon, sölu- og markaðs-
stjóri Halló.
Og nú hefur Tal gefið út að tal-
símaþjónusta fyrir heimili verði
boðin í haust. „Við teljum okkur
geta boðið þessa þjónustu á hag-
stæðara verði en Síminn en gef-
um ekki upp að sinni hver mun-
urinn verður,“ segir Þórólfur
Árnason, forstjóri Tals. „Tal er
stærsti keppinautur Símans á
fjarskiptamarkaði með um 70
þúsund viðskiptamenn, þar af um
60 þúsund í GSM-þjónustu. Þegar
þessi hópur telur hagstæðara að
vera með öll sín viðskipti hjá Tali
er hætt við að einhverjir verði
hissa,“ segir Þórólfur Árnason.

Sótt að Símanum
úr þremur áttum
Einkareknu símafyrirtækin telja sig geta náð stórum hluta notenda fastlínukerfisins frá
Símanum. Fyrirtækin áforma að ná til sín þriðjungi af talsímaþjónustu heimila, hið minnsta.
Bandarísk þingnefnd:
Kreppa í
vopnasölu
WASHINGTON, AP Efnahagskreppan í
heiminum hefur áhrif á vopnasölu
til þriðja heimsins. Bandarísk
þingnefnd komst að því að vopna-
sala til þróunarlanda hefur ekki
verið minni síðan 1997.
Þrátt fyrir að Kaldastríðið sé
löngu búið einbeita vopnafram-
leiðendur sér enn að því að selja
þróunarlöndum vopn og þar sem
salan hefur dregist saman hefur
samkeppnin á vopnamarkaðnum
sjaldan verið harðari. Árið 2001
seldu Bandaríkin vopn til þróun-
arlanda fyrir um 600 milljarða
króna og Rússar fyrir tæpa 500
milljarða.

ÞÓRÓLFUR
ÁRNASON,
Hætt við að ein-
hverjir verði hissa
þegar þúsundir
viðskiptamanna
telja hagstæðara
að vera með öll
sín viðskipti hjá
Tali.
PÉTUR
PÉTURSSON
Mikil hreyfing
þessa daga og
jöfn fjölgun við-
skiptamanna, ekki
síst eftir verð-
breytingar Sím-
ans.
GUÐLAUGUR
MAGNÚSSON
Erum með 17
þúsund viðskipta-
menn. Markmið
okkar er 30.00
viðskiptamenn.