Fréttablaðið - 08.12.2003, Blaðsíða 25
25MÁNUDAGUR 8. desember 2003
hvað?hvar?hvenær?
5 6 7 8 9 10 11
DESEMBER
Mánudagur
FÓTBOLTI Real Madrid vann um
helgina sinn fyrsta sigur á
Barcelona á Camp Nou í 20 ár en
síðasti sigur Real á Nývangi fyrir
helgina var 22. október 1983.
Leikurinn sjálfur stóð aldrei und-
ir væntingum en það fór ekki á
milli mála hvort liðið var
sterkara.
Roberto Carlos skoraði fyrsta
mark leiksins á 37. mínútu með
föstu skoti fyrir utan teig. Boltinn
hafði reyndar viðkomu í varnar-
manni áður en hann fór í netið.
Landi Carlos, Ronaldo, bætti svo
við öðru marki fyrir gestina
stundarfjórðungi fyrir leikslok.
Hollenski framherjinn, Patrick
Kluivert, klóraði í bakkann fyrir
heimamenn með marki sjö mínút-
um fyrir leikslok og þrátt fyrir
ágæta tilburði þá tókst Börsung-
um ekki að jafna leikinn.
Real situr eftir leikinn sem
fyrr á toppi deildarinnar og hef-
ur nú 13 stig forskot á Börsunga
sem falla lóðrétt niður töfluna
þessa dagana. Meistaratitillinn
er ekki lengur raunhæft mark-
mið og þeir þurfa að hafa mikið
fyrir því ef þeir ætla að komast
í meistaradeildina á næstu leik-
tíð.
Það var létt yfir Carlos
Queiros, þjálfara Real Madrid,
eftir leikinn. „Við áttum sigurinn
skilið. Barca stóð aðeins í okkur í
fyrri hálfleik enda stilltu þeir upp
varnarsinnuðu liði. Sigurvilji
minna manna var aftur á móti
mikill og þeir ætluðu alltaf að
fara héðan með þrjú stig, sem
þeir og gerðu með glæsibrag.“
Það er mikil pressa á hinum
hollenska þjálfara Barcelona,
Frank Rijkaard. Strákarnir hans
fengu stóran skell fyrr í vikunni
er þeir lágu, 5-1, gegn Malaga.
Hann stillti upp varnarsinnuðu
liði í leiknum og varði þá ákvörð-
un sína eftir leikinn.
„Þegar lið hefur tapað stórt
eins og við gerðum gegn Malaga
þá er ósköp eðlilegt að maður
reyni að þétta vörnina og komast
fyrir lekann. Það gekk líka ágæt-
lega og þeir sköpuðu sér aðeins
eitt færi í fyrri hálfleik og ekki
mikið fleiri í þeim seinni,“ sagði
Rikjaard en margir spá því að
hann verði rekinn vinni liðið ekki
næsta leik. ■
■ ■ LEIKIR
19.30 ÍS-Keflavík, 1. deild kvenna í
körfubolta í íþróttahúsi Kennaraháskólans.
■ ■ SJÓNVARP
15.00 Ensku mörkin á Stöð 2.
16.40 Helgarsportið á RÚV.
17.30 Ensku mörkin á Sýn.
18.30 Spænsku mörkin á Sýn.
19.30 NFL-tilþrif á Sýn.
20.00 Enski boltinn á Sýn.
22.00 Olíssport á Sýn.
22.30 Ensku mörkin á Sýn.
23.25 Spænsku mörkin á Sýn.
23.35 Markaregn á RÚV.
Leeds United:
Tilboð frá Barein
FÓTBOLTI „Hópurinn hefur gert Leeds
United tilboð og við væntum svars í
næstu viku,“ sagði Sheikh Abdel Ra-
hman Ben Moubarak Al-Khalifa.
„Tilboðið er í höndum stjórnar
Leeds. Við hvetjum stjórnarmenn
Leeds til að ákveða sig eins fljótt og
kostur er því það gæfi okkur kost á
að kaupa nýja leikmenn um leið og
félgaskiptaglugginn verður opnaður
að nýju.“ Sheikh Abdel Rahman Ben
Moubarak Al-Khalifa kemur úr bar-
einsku konungsfjölskyldunni en hef-
ur stutt Leeds í um aldarfjórðung.
John McKenzie, stjórnarformað-
ur Leeds, segir að félagið sé góður
fjárfestingakostur þrátt fyrir mikl-
ar skuldir. „Reksturinn er í jafn-
vægi og við höfum lækkað skuldir
félagsins um tuttugu milljónir
punda. Þetta er tækifæri fyrir þá
sem hafa áhuga á úrvalsdeildar-
félagi.“ ■
FÓTBOLTI „Sepp Blatter hefur rétt
fyrir sér að einu leyti, sá sem
mætir ekki í lyfjapróf á að fara í
keppnisbann,“ sagði Sven Göran
Eriksson, landsliðsþjálfari Eng-
lendinga. „Rio Ferdinand hefur
verið í þessari stöðu í tíu vikur og
það er alltof langur tími. Fyrir-
komulagið er rangt en ég held að
því verði breytt núna. Það er ekki
íþróttinni í hag og það er ekki
leikmanninum í hag.“
Ferdinand var ekki valinn í
hópinn sem lék gegn Tyrkjum í
Evrópumeistarakeppninni í októ-
ber og heldur ekki í vináttuleikinn
gegn Dönum í nóvember.
Manchester United hefur engu að
síður teflt honum fram í úrvals-
deildinni og meistaradeildinni.
„Manchester United er að sjálf-
sögðu hagur að því að hann leiki
þar til Wes Brown verður leikfær
að nýju,“ sagði Eriksson. ■
FÓTBOLTI „Við skulum leiða hjá
okkur allt þetta tal um þrjú töp í
röð. Við skulum tala um tvo síð-
ustu leikina í A-deildinni,“ sagði
Marcello Lippi, þjálfari Juventus,
eftir, 2-0, tapið fyrir Lazio á laug-
ardag. „Leikurinn gegn Galata-
saray í vikunni var öðruvísi. Hann
telur ekki með sama hætti,“ sagði
Lippi. Tapið fyrir Tyrkjunum
skiptir ekki máli því Juventus er
þegar komið í sextán liða úrslit
meistaradeildarinnar en töpin
gegn Inter og Lazio í deildinn
vega þyngra. Fram að taphrinunni
var Juventus ósigrað í sextán
leikjum í röð.
Juventus er þrátt fyrir tapið
enn í þriðja sæti deildarinnar
en félagið er fjórum stigum á
eftir AC Milan sem vann
Empoli 1-0 á laugardag. Lippi
segir að töpin þrjú séu bara
hiksti. „Þetta er ekki kreppa.
Fyrir viku var ég spurður hvort
við værum ósigrandi. Liðið er í
lágu nótunum um þessar mund-
ir en það er engin ástæða til að
afskrifa okkur,“ sagði Lippi.
„Við voru sex stigum á eftir
efsta liðinu um tíma í fyrra og
urðum samt meistarar. Við erum
aðeins fjórum stigum á eftir efsta
liðinu núna.“ ■
SVEN GÖRAN ERIKSSON
Sá sem mætir ekki í lyfjapróf á að fara í
keppnisbann, segir landsliðsþjálfarinn
Mál Rio Ferdinand:
Eriksson sammála Blatter
LAZIO SKORAR
Bernardo Corradi skorar fyrir Lazio í, 2-0,
sigri á Juventus á laugardag. Nicola
Legrottaglie, varmarnaður Juve, kemur
engum vörnum við.
Juventus:
Ekki kreppa aðeins hiksti
LEEDS UNITED
Sheikh Abdel Rahman
Ben Moubarak Al-
Khalifa, meðlimur bar-
einsku konungsfjöl-
skyldunnar, hefur gert
tilboð í félagið.
REAL MADRID
Leikmenn Real Madrid fagna sigurmarki Ronaldo gegn Barcelona. Real sigraði á Camp
Nou í fyrsta sinn í tvo áratugi.
Við áttum
sigurinn skilið
Real Madrid vann Barcelona á
Camp Nou í fyrsta sinn í tuttugu ár. Real er
þrettán stigum á undan Barcelona í deildinni.