Atuagagdliutit - 25.11.1987, Qupperneq 14

14
ATUAGAGDLIUTIT/GRØNLANDSPOSTEN
NR. 48 1987
Eqqartuussissutigut
Maanna piffissanngorpoq aaliangissallugu kina SIK-ip matuersaa-
taanik tigummiaqassasoq. Piffissaq sivitsoriartortillugu SIK-ip ilaa-
sortai pisuussuteqanngitsut akissaajarneqaraluttuinnassapput. SIK-
ip akiitsugarujussui ullut tamaasa immannguungitsoq erniaqarput,
qanorlu iliortoqanngippat tamakku peqatigiiffimmut ilaasortat aki-
lertariaqassavaat, massa SIK-ip ataatsimeersuarnerani imminnut siu-
lersuisunngortittut taamaaliortariaqaraluartut. Taakumi ullumikkut
akornusersimavaat SIK-ip siulersuisui pissusissamisoortumik qini-
gaasut.
Qularisariaqanngilaq SIK-ip ataatsimeersuarnera inatsisai malil-
lugit taamaatinneqartoq oktoberip 29-ianni — massa ilaasortat ilaat
taasereernerup kinguninngua peqqissimileraluartut, taamaattoq taa-
matut nangittoqarsinnanngilaq una pissutigiinnarlugu qinigaasunit
imminut pitsaanerusorineq.
Immaqa qanoq iliuuseqartoqarnissaq namminersornerusut inat-
sisitigut aaqqissinnaavaat nalunaarlutik SIK-ip siulersuisuisa akue-
risaasut tunisinnaagaat kattuffiup Nuummi illuutaa. Pisariaqarpoq
landsdommeri tamatumuuna piaartumik aaliangiissalluni. Sooruna-
mi tamanna politikkertalerujussuuvoq, landsdommerillu taamaal-
laat qulakkiissavaa periaasiusartut SIK-illu ileqqoreqqusai eqqortin-
neqarsimanersut, kikkullu taamaaliorsimanersut.
Politiit
Politeeqarfimmi pisortaq AG-imi apersorneqarsimavoq, tamannalu
issaq radioaviisimi issuarneqarpoq itisilerneqarlunilu. Tassaana avii-
siliortoqatitta arnat ilaat eqqartuisimasoq politiit akissarsiaannik sus-
saanngitsunik. Tupinnaqaaq suliaq taama akilernerlugaatigisoq uf-
falu navianaatsunngitsoq pilerigineqartarmat.
Tamanna pillugu Danmarkimi annertuumik aviisitigut oqallinne-
qarpoq politiit peqatigiiffiata tungaanit, tamannalu eqqartuussiso-
qarnikkut ministerip akerliuffiginngilaa. Danmarkmissaaq ajorna-
kusoorpoq inuusuttunik pikkorissarsimasunik naamattunik politiis-
sarsiornissaq, akissaatit aamma appasippallaarnerat pissutigalugu.
Politeeqarfimmi pisortaq AG-imut oqaluttuarpoq politiit akissar-
siaannik sulinermilu atugaannik pitsaanngitsunik, tamannalu pillu-
gu nammineq oqarneratut »politiimesterimit naveersissimavoq«.
Tupinnanngitsumillu aperaaq: Politiit naqisimaneqanngitsumik o-
qaaseqarsinnatitaappat akissaatitik sulinermilu atukkatik pillugit?
Soorunami taamaaliorsinnaatitaapput, eqqarsaatigalugulu quia-
nakujuppoq politiimesteri nipangersaasimasoq annertuumik iliuu-
seqarsimagaluarmat sulisumi akissarsiaat pitsanngorsarniarlugit.
Kukkusumilli iliorpoq isertuaarani oqallinnissaq akueriumannginna-
miuk.
Kisermaassineq
Aviisit naqitat Inatsisartunit ikiorserneqangartanngillat. Tusagassiuu-
teqarneq pillugu isumaliutissiissut kinguarsarneqaannalerpoq, massa
aviisit naammattunik annoncissaqanngikkaluartut, inuit iluameer-
sumik tusarlerneqartarnissaat isumagissallugu.
Kujataata Naqiterivia qanga aallarnerneqarsimavoq tusarliisarnis-
saq qaammarsaanerlu ingerlatissallugit. Ullumikkut aviisit naqiteri-
vimmut imittartuinaapput, naqiterivillu aviisit suliarineqartarneran-
nik kisermaassisuugami qanorluunniit iliorsinnaavoq.
Taamaattumik aviisit tungaannit assut nuannaarutigineqarpoq
Inatsisartut toqqaasimammata naqiteriviup siulersuini aviisit sinner-
lugit ilaasortassamik.
Naqiteriviup siulersuisa tamanna akerlerisimagaluarpaat, aviisit
imittartuunerat pissutigalugu. Qujanartumilli Inatsisartut aalianger-
nertik allanngortikkumasimanngilaat, aviisit periarfissinneqassam-
mata naqiteriviup akigitittagai misissuataassallugit isumannaallisas-
sallugulu kisermaassinerup atornerlunneqannginnissaa.
ILLIT isummat AG-imi oqallinnermtit ilannf>utassiariuk
— nanlsukullanngorlugu ntikingiullugulti. Aaqqissuiso-
qarfimmi naliliisinnaarusuppugut, snut tamaasanaqissin-
naajumallugit. Kinaassutsit iserluussinnaaviat, oqallin-
nermulli aaqqissuisorisatla atit sumilu najugaqarncrit
nalunngittariaqarpaa.
Naliligaaffik
Allattoq Lars Chemnitz, Inatsisartunut ilaasortaq, Atassut
Ultoq naatsorsuiffik nalliuppoq,
naatsorsuutilluamigartoorfiorujus-
suarput. Oqaatsit angisuut Nammi-
nersornerulernerup eqqunneqarne-
rani atorneqartut, ukiunilu qaangi-
. uttuni ineriartorfiini aninneqartut
tangeeru ttuulerpu t. Ullumitut inger-
laannassagutta Nunarput navianar-
torsiorpoq naalagaaffimmit aqunne-
qaleqqinnisaminut. Taamaalissap-
pat namminersornerulersimanerput
qatangiinnarsinnaavoq imaarullu-
nilu.
EF-imit aninerput — ullumikkut
oqaluuseriunnaareeraluagarput aal-
laqqaatigilara. EF-imiilli aninerput
aallaqqaataasimavoq ullumikkut
naalakkersuisorisatta imminnut
naammagisimaarpallaarlutik kajusi-
lernerujussuannut, soorlumi nammi-
neersinnaassuserujussuarmutpillu-
akataarfissamut ammaanneqartu-
gut, suullu tamarmik iluatsiffissaat
aallartittoq.
Aninerput ajunngitsortaqarpoq.
Nammineq aalajangiisinnaassuse-
qarnerulersimavugut namminerisat-
sinnut nunattalu pisuussutaanut,
taamaattorli aamma killeqartumik.
EF-imiut aalisagartassaqartittaria-
qarsimavavut anereernitsigut aali-
sakkanut akiliutaat taartissaqartin-
niarlugit.
Aammalu qiimmattarnitsinni pu-
iussanngilarput ullumikkut akissa-
qartinngisarpassuaqalersimagatta,
EF-ip aningaasaateqarfiinit aningaa-
salersorsinnaasaraluatsinnik. Asser-
suutitut taasinnaavavut erngup nu-
kinga atorlugu nukiliorfiit allallu
atassuteqaqatigiinnermut inuutissar-
siornermullu iluaqutissat. Tamakku
aningaasanut inatsisissami aningaa-
sartornartunik taaneqarput suli inis-
sissallugit akissaqartinngilluinnak-
kavut.
Atassutip tamakku EF-imut taa-
sinissap tungaanut qinersisartunut
paasisitsiniutigisimagaluarpai.
Tuniluunneq
EF-imut akerliusut aninitsinni qiim-
mattarnerat, ajugaaff gisassaanngit-
sutullu imminnut isumaqarfigilerne-
rat tuniluussimavoq namminersor-
nerulernerup ineriartupiloortinne-
qarneranut alliartupiloorneranullu.
Naalakkersuisuvut kajusillutik mal-
Iip qaani kaassalilinnguarput, kaas
salereernerup kingorna mallip itisior-
nera puiortuussillugu, qanoq inger-
lalluartiginertik nillerratigiuanngu-
arlugu.
Partiit naalakkersuisuutitaqartut
tappiillisitaasimapput upperivallaa-
ramikku namminersornerulernerput
sutut angisuutut pilluarnartutullu in-
eriartortikkamikku. Ineriartornerli
tamarmi pilluarnermik kinguneqar-
neq ajorpoq, ullumikkullu siumu-
karnitta killiffia pilluarnanngilluin-
narpoq.
Hempel skibsmaling
Forhandler:
Nuuk farvelager ApS
Industrivej 9 . Box295
3900 Nuuk . Telefon 2 33 96
ATASSUT
mianersoqqusigaluarpoq
Ukiut ingerlaneranni A tassut arlale-
riaqaluni mianersoqqusisarsimaga-
luarpoq »iisinnaaj unnaarsinnaasat-
sinnik tamussersorpallaaleqigatta«,
partiinilli aquttuusunit nikassarne-
qaannartarsimalluni sapiissuseqann-
gitsutut qanoq iliuuseqarnianngitsu-
tullu.
A tassutip siulittuutigisirrlavaa aki-
leraarutitqaffakkiartupiloornissaat
naalakkersuisuvut piisaarpallaarlu-
tillu piniataarpallaaqimmata. A tas-
sutip oqaluttua arlaanni oqarpoq
suut angisuut tamarmik Siumukkut
aj unngitsuusorigaat.
A tassutip siulittuutigisarsimavaa
piffissaagallartillugu killiliinianngik-
kutta aningaasaaruttuussasugut, tas-
salu pissutigalugit EFimit anisima-
gatta aammalu naalakkersuisuvut pi-
isaarpallaarmata, piniataarpallaar-
lutillu ineriartortitsiniarmata.
Mallip itisiorneranut
Killissaqanngitsumik kaassalisoqar-
sinnaanngilaq. Ullumikkullu naalak-
kersuisuvut mallip itisiorneranut
nakkarsimapput, nakkarfiallu ite-
qaaq.
Akileraarutit qaffaleqaat nioqqu-
tissallu akitsuutaat qaffakkiartupilu-
ulerlutik. Aningaasat pisissutaasin-
naassusiat ammut aallarpoq peq-
qaannagu. Partiit naalakkersuisuu-
titaqartut imminnut unnersiutigine-
rat nipaaruttuulerpoq. Qinersinerup
kingulliup tungaanut imminnut ner-
sorput inuutissarsiutitigut ingerlatsi-
nerminni amigartoorutit ima atsigi-
sumik ikileriartissimagamikkik af-
faannangajanngorlugit. Ukiumut
tullermut aningaasanut pilersaarusi-
ami nikinngitsuussapput, ukiumilu
tullermi suli amigartoorutit amerle-
riaqqissallutik.
Nakkarneq iteqaaq
1988-imut aningaasanut pilersaaru-
siaq annilaarnaqaaq. Amigartooru-
tissat ima amerlatigaat aningaasat
taarsigassarsiarisariaqartut assut
naatsorsoruminaallutik. Ukiuni tul-
lerni sanaartugassat aningaasassa-
qartissagutsigik malliardinik nalilin-
nik taarsigassarsisariaqassaagut.
Taakkununngalu ilanngutissavavut
ingerlatsinermi amigartoorutit sulilu
ulluni kingullerni akuerineqarsin-
naanngitsunik qulaajarneqartut an-
ingaasatigut ingerlatsinerlunnerit.
Tamakku qulaajarneqartut naa-
lakkersuisunut nassuerutigissallugit
assut oqimaassimapput. Aningaasa-
qarniarnermut ataatsimiititaliaq eq-
qunngitsumik nassuiaaffigineqarsi-
mavoq. Naalakkersuisuttaerserner-
luttumik nassuiaaniarnermikkut ma-
toorniaraluartutut ippaat.
Taarsigassarsiniarneq
Inatsisartut ataatsimiinnissaata tun-
gaanut naalakkersuisutta aningaasa-
nik attartornissaq imaaliinnarlugu
pineqarsinnaasututtaakkartorpaat,
soorluluunniimmi kisimi pilluarnar-
tussatut ersersinniarneqartoq.
Sunaaffali qulaarneqarumaartoq
akiliisinnaassuseqarnitta tatigine-
qarsinnaanera nungulluinnareersi-
masoq. Aningaaserivivut atukkiiu-
majunnaarput. Naalagaaffik assut
nangaavoq. Makkulu allanneqarne-
ranni aningaasanik attartorsinnaa-
nissarput suli qularnaarneqarsi-
manngivippoq, Namminersornerul-
luni Oqartussaqarfimmilu uippaller-
simasutut pissuseqarneq malugine-
qarsinnaalluni.
Maanna Naalagaaffik akuliuppoq
ikiuunniarluni, aningaasaqarniar-
nerput nalilersorneqarpoq aningaa-
sanik attartornissamik qinnuteqaa-
tissatta ilusilersornissaanut ikiuunni-
arluni. Massakkut naalagaaffik inus-
siarnersumik iliorpoq. Maannali si-
lattuaqinngikkutta naalagaaffik taa-
maaliortuarumassava? Naalagaaf-
fiup nangaasooqqaarnera assut eq-
qarsariaallannarpoq takussutis-
saammat ingerlatsinerput tamakki-
isumik naalagaaffiup naammagisi-
manngikkaa.
Suleqatigiinneq
Taamaattumik massakkut piffis-
sanngorpoq partiit naalakkersuisu-
utitaqartut illua’tungiliuttullu peqa-
tigiillutik ingissallutik, suleqatigiillu-
tillu nunarput annaanniassallugu.
Unitsiartariaqarpugut nu nattalu pi-
sinnaasai ataatsimoorluta nalilerni-
arlugit. Taamaaliunngikkutta innut-
taasut nammakkersortuassavavut,
kingulissattalu akiligassaannik inger-
latsineq pilersikkiartuinnassallugu.
Proklama
Alle og enhver der som kreditor, arving eller legatar har noget at
fordre i dødsboet efter elværksbestyrer Erik Neergaard Morten-
sen, cpr. nr. 020527-1899, Radiovej B 153, 3961 Uummannaq,
død den 26. oktober 1987, indkaldes herved med 6 måneders var-
sel at anmelde og bevisliggøre deres krav overfor kredsretten i U-
ummannaq, box nr. 14, 3961 Uummannaq, der behandlpr boet
som offentligt skifte. Arvingerne har ikke vedgået gældsan-
svaret.
Uummannaq kredsret, d. 30.10. 1987.
Karl Lange
Kredsdommer
Box 250 Kiissu.iq iDi't hl-i hu
Til 2 35 04