Atuagagdliutit - 23.02.1995, Blaðsíða 17

Nr. 16 • 1995
17
GRØNLANDSPOSTEN
Hotel Hans Egede
suli tuniniarpaat
- akikinaarneqassappalli
tunineqassanngilaq. Akunnittarfik
1994-imi angusaqarluartoq
NUUK (KK) - Akunnittar-
finnik ingerlatsineq ataatsi-
meersuarnernillu aaqqis-
suussineq kakkaffigineruar-
put, taamaattumik Nuummi
allat imerniartarfinnik inger-
latsineq isumagisariaqar-
paat.
Taama oqarpoq Hotel
Hans Egede-mi pisortaq
Niels Vester, sap. akunnera-
ta naanerani 1994-imi a-
ngusarineqarsimasut pitsaal-
luinnartut siulersuisunut
saqqummiukkamigit.
Nuummi akunnittarfinnik
ingerlatsineq ukiuni arlaqar-
tuni annertuumik ajornator-
siorfiusumik ingerlareersoq
siorna Hotel Hans Egedep
aamma Hotel Grønland-ip
ingerlanneqarnerat 6 millio-
ner koruuninik sinneqartoor-
fiuvoq. Assersuutigalugulu
1993-imi akunnittarfinnik i-
ngerlatsineq 1 million ko-
ruuninik amigartoorfiuvoq.
Niels Vester 40-nik ukiu-
lik 1. januar 1994-imi Hotel
Hans Egede-mi atorfinip-
poq, erseqqissumik sulias-
sinneqarluni ukiut marluk i-
ngerlaneranni amigartoorutit
sinneqartoorutinngor.tinne-
qassasut. 1994-imut naat-
sorsuutit takutippaat 1994-i-
mi ingerlatsineq aningaasa-
nik iluanaarfiusinnaalereer-
soq. 1995-imilu init atukki-
unneqartarnerat ataatsimeer-
suarnernillu aaqqissuussi-
sarnerit suli annertusineqas-
sappata 1995-imut isumallu-
arneq annerulersussaavoq.
N aleqqussarneq
Hotel Hans Egedep 1994-i-
mi imerniartarfini marluk -
Tugtupit aamma Queens
Pub - Hotel Grønland-imiit-
tut matuai, ininik atukkiussi-
sarneq ataatsimeersuartitsi-
sarnerillu aallunnerujumal-
lugit.
Tamatumunnga atatillugu
sulisut 1993-imi 89-iniit
1994-imi 45-nut ikilineqar-
put. 1993-imi kaaviiaartin-
neqarsimapput 53 millioner
koruunit, 1994-imilu kaavii-
aartinneqarsimallutik 42
millioner koruunit.
Hotel Hans Egede 1'05-i-
nik initaqarpoq, inillu 1994-
imi atorneqarnerat 49,6 pro-
centimik annertussuseqar-
poq. Ukiup qanoq ilinerani
Kalaallit Nunaanni akunnit-
tarfinni ineqartartut allan-
ngorarnerujussuat pissutiga-
lugu akunnittarfiup naam-
magisinnaavaa init atorne-
qartamerat 60 procentiup-
pat.
Ulluinnarni akunnittar-
fimmik ingerlatsineq allaa-
soq, aamma allaapput erniat
akiitsunillu akilersuineq.
Nuummi ingerlatsivinnut al-
lanut naleqqiullugu Hotel
Hans Egedep immikkut inis-
simassutigaa sanaartorner-
mut taarsigassarsiniartarfim-
mit Nykredit-imit pigineqar-
nini. Taamaalilluni piginnit-
toq aamma tassaavoq ani-
ngaasanik pissarsisussaq.
Sanaartornermut taarsi-
gassarsiniartarfimmi taarsi-
gassarsianit nalikilliliinerit
arlallit ilanngaatigereerlugit
erniat akiitsunullu akilersuk-
kat 6 millioner koruuninik
naleqarput, taamaattumik
naatsorsuutit naatsorsorne-
qartarneranni periutsit nali-
nginnaasut malillugit 1994-
imi angusat 0 koruunimik
allanneqassapput.
Angusat taakku 1993-i-
mut naleqqiullugit pitsaa-
nerupput, taamanikkut naat-
sorsuutini amigartoorutaam-
mata 7 millioner koruunit.
1995-imulli isumalluar-
neq ima angitigaaq, »nali-
nginnaasumik« piginnittuu-
nikkut emianut akiitsunullu
taarsersugassanut akissaqar-
toqarsinnaassalluni.
Annaasarpassuit
Sanaartornermut taarsigas-
sarsiniartarfiup Nykredit-ip
Hotel Hans Egede aamma
Hotel Grønland suli tunini-
arpai. Akikinaarneqassappa-
tali tuniumanagit.
Aningaasat isertitat anner-
tusiartornerat ilutigalugu sa-
naartornermut taarsigassar-
siniartarfiup naatsorsuutigaa
pisisussamik nassaarnissaq
ajornannginnerulissasoq.
Nykredit-ip piumaneruaa
Hotel Hans Egede aamma
Hotel Grønland tunineqas-
sasut Kalaallit Nunaanni pi-
ginnittussanut.
Ullumikkut Hotel Hans E-
gede tunineqassaguni 70
millioner koruuninik nale-
qassangatinneqarpoq. Hotel
Hans Egedep pisiarineranut
Nykredit-ip 120 millioner
koruunit atorsimavai, taa-
maattumik sanaartornermut
taarsigassarsiniartarfiup ne-
riuutigaa »taamaallaat« 50
millioner koruuninik annaa-
saqarnissani. 1980-ikkunni
aningaasaqarluarnerup na-
laani Hotel Hans Egede sa-
naneqarpoq, ajutoorlunili
1990-ikkunni aningaasakil-
liulernerup nalaani.
Hotel Grønland ullumik-
kut naleqassangatinneqar-
poq 15 millioner koruuni-
nik. Akunnittarfiutillit Hel-
ge Tang-ip aamma Carl Ju-
hl-ip februar 1987-imi akun-
nittarfik 30 millioner koruu-
nilerlugu pisiaraat, unam-
millertillu peersinneqarnis-
saanut aningaasat taama a-
merlatigisut atorneqarsima-
nerat ullumikkut akisual-
laartutut isumaqarfigineqar-
sinnaavoq.
Hotel Grønland ullumik-
kut initaqarpoq 60-inik, su-
liffeqarfinnut namminersor-
tunullu atukkiunneqarsima-
sunik, sivisuumik atorneqar-
nissaat isumaqatigiissute-
qarfigalugu. Init allat ator-
neqarput atisaarniarfittut,
Thailand-imiusut neriniar-
tarfittut aamma allaffittut.
Kalaallit Nunaanni Aalisak-
kanik Misissuisoqarfik u-
ngasinngitsukkut nuussaaq,
Hotel Grønland-ip neriartar-
fikuani ineqassalluni. Akun-
nittarfimmi tassani Hotel
Hans Egedep taamaallaat in-
gerlassaraa Cafe Himmel-
blå.
Hotel Grønland ullumik-
kut annikkitsuinnarmik sin-
neqartoorfiusarpoq.
Siulersuisut nutaat
Sap. akunnerata naanerani
ataatsimeersuarnermi Hotel
Hans Egede nutaanik siuler-
suisortaarpoq.
Ingerlatsiviup manna tik-
illugu siulittaasua eqqartu-
ussissuserisoq Wilhelm
Malling siulersuisunit tunu-
arpoq, kisiannili akunnittar-
fiutilinnut eqqartuussissuse-
risutut ingerlaannassalluni.
Akunnittarfiutillit siuler-
suisup taarserneqarnissaanut
pissutaatippaat, akunnittarfi-
up iluamik ingerlalerneragut
pisariaaruttoq siulersuisut
eqqartuussissuserisumik siu-
littaasoqaannarnissaat.
Siulersuisuni siulittaasun-
ngorpoq Grønlandsfly-mi
pisortaq Ole Bjerregaard,
Royal Greenland-imi pisor-
taq Ole Ramlau-Hansen
aamma Magnus Agerskov
Nykredit-imeersoq siuler-
suisunut ilaasortanngortut.
AALAK00RNARTUA 3,6 %. AKUUTISSIAT 0,0 %. IMMIAARAVIK100 %
3,6 % ALKOHOL. 0,0% TILSÆTNINGSSTOFFER. 100 % PILSNER
Nlimm ILISMMTILIK
mmssusM immm