Fréttablaðið - 15.06.2005, Síða 10

OFURÞOTA Á FLUGI Hér má sjá Airbus 380
ofurþotuna á flugi á 46. flugsýningunni í
Le Bourget utan við París. Vélin var afhjúp-
uð með viðhöfn í vetur en nokkrar tafir
hafa orðið á framleiðslu hennar fyrir þá
kaupendur sem nú þegar hafa pantað sér
nokkur stykki.
10 15. júní 2005 MIÐVIKUDAGUR
Sex borgfirskir hestamenn:
Ri›i› yfir Hvítá í fyrsta sinn
HESTAMENNSKA Sex borgfirskir
hestamenn tóku sig til og riðu
þvert yfir Hvítá, frá Hvanneyri
að Einarsnesi á sunnudaginn var.
Ekki er vitað til þess að þessi leið
hafi verið riðin fyrr, enda bæði
álar og sandbleytur að fara yfir á
þessari þriggja kílómetra leið.
„Þetta er örugglega í fyrsta
skipti sem þetta er gert,“ segir
Jón Ólafsson á Báreksstöðum,
einn þeirra sem riðu yfir ána.
„Þessi hugmynd kviknaði fyrir
tveimur árum þegar verið var að
draga rafstreng yfir ána. Ég fór
þá yfir með beltavél sem notuð
var við verkið og í kjölfarið datt
mér í hug hvort þetta væri mögu-
leiki.“
Síðan hófust athuganir á ánni
úr lofti og með bát, þar sem reynt
var að staðsetja álana og grennsl-
ast fyrir um dýpt þeirra. Og svo
var lagt í hann.
„Þetta var ekki alveg greið
leið,“ segir Jón. „Við lentum í
sandbleytu við ál nærri Einars-
nesi og misstum tvo hesta niður.
Þá hugleiddum við að snúa við. En
það gekk greiðlega að ná hestun-
um upp og við skelltum á sund að
gamni okkar áður en við komum í
land. Það ætti enginn að fara þetta
án kunnugra manna og alls ekki
að láta sér detta í hug að fara yfir
með rekstur.“ -jss
OLÍUBÍLL EYÐILAGÐI FÓLKSBÍL
Olíubíll ók á kyrrstæðan fólksbíl
á Strandgötu á Eskifirði í fyrra-
dag og gjöreyðilagði hann. Fólks-
bíllinn var mannlaus og honum
hafði verið lagt upp við gang-
stétt. Ökumaður vörubílsins virð-
ist ekki hafa séð bílinn í tíma.
BÍLVELTA Í GRÍMSNESI Bíll valt á
Sólheimavegi í Grímsnesi stuttu
fyrir miðnætti á mánudagskvöld.
Bíllinn var dreginn í burtu með
dráttarbíl. Ökumaðurinn var einn
í bílnum og slapp með minnihátt-
ar meiðsli.
DRYKKJULÆTI Í VESTMANNAEYJ-
UM Kalla þurfti lögreglu á
skemmtistað í Vestmannaeyjum á
aðfaranótt þriðjudags. Drukkinn
karlmaður hafði brugðist illa við
því að vera vísað af staðnum og
þurfti aðstoð til að koma honum
úr húsi.
Ráðherra græðir
hundruð þúsunda
á prestsjörð
LÖGREGLUFRÉTTIR
Kárahnjúkavirkjun:
Tvö verk
bo›in út
VIRKJANAMÁL Landsvirkjun óskaði í
gær eftir tilboðum í tvær stór-
framkvæmdir vegna Kárahnjúka-
virkjunar. Annað verkefnið er
gröftur og gangagerð vegna botn-
rásar við Jökulsá í Fljótsdal fyrir
væntanlegra Ufsarstíflu. Þau
göng eiga að vera 57 metra löng
og sjö metra breið.
Hitt verkefnið er strengplæg-
ing fyrir Hraunveitur og felst í að
leggja og tengja átta kílómetra
langan rafstreng milli Ufsarstíflu
og Kelduárlóns, ásamt lagningu
ídráttarröra fyrir ljósleiðara.
Nánari upplýsingar má finna á
www.landsvirkjun.is. ■
LANDBÚNAÐUR „Segja má að ís-
lenska lambakjötið sem stendur
til boða í verslunum í dag sé ekki
fyrsta flokks því flestar vænustu
steikurnar eru uppseldar,“ segir
Jóhann Ólafsson, fulltrúi hjá
Bændasamtökunum. Grillvertíð
landsmanna er að sönnu hafin og
léleg birgðastaða lambakjöts
veldur því að hætta er á að kjötið
klárist áður en nýslátrað kemur
aftur á markaðinn í byrjun ágúst.
Jóhann segir það af sem áður
var þegar birgðir af lambakjöti
hlóðust upp ár eftir ár.
Margir bændur hafi snúið sér
að öðru og vegna þess hve fáir séu
eftir er hætta á að lambakjöts-
birgðirnar í landinu klárist áður
en sláturhús hefja aftur slátrun í
ágústmánuði.
Hann segir tilraunir hafa verið
gerðar til að hefja slátrun fyrr á
sumrin til að anna þeirri auknu
eftirspurn sem orðið hefur undan-
farin sumur en þær hafi tekist
misvel.
„Það er hægara sagt en gert.
Auðvitað væri óskandi að slíkt
næðist en þessar tilraunir hafa
gengið upp og niður og því ein-
hver tími enn áður en tekst að
bjóða neytendum nýtt kjöt fyrr á
sumrin en nú er.“ -aöe
Grillvertíðin að ná hámarki:
Lambakjöti› er
ó›um a› klárast
VART MÁ SJÁ TIL SÓLAR ÞESSA DAGANA ÁN ÞESS AÐ ÞÚSUNDIR GRILLMEISTARA VÍÐA
UM LAND ÞEYSI ÚT Í GARÐ MEÐ STEIKUR. Blikur eru á lofti um það hvort magn lamba-
kjöts í landinu dugi öllum sem vilja.
IBRAHIM AL-JAAFARI Ríkisstjórn hans fékk
afgerandi umboð frá íraska þinginu í gær.
Íraska þingið:
Trausti l‡st
á stjórnina
BAGDAD, AP Yfirgnæfandi meiri-
hluti íraskra þingmanna lýsti yfir
trausti á ríkisstjórn Ibrahim al-
Jaafari en slík yfirlýsing var á
dagskrá þingsins í gær.
Stjórnin hefur átt undir högg
að sækja að undanförnu þar sem
henni hefur ekki tekist að slökkva
ófriðarbálið sem geisar í landinu
þrátt fyrir að hafa sagt að það
væri hennar helsta verkefni. Yfir
þúsund manns hafa fallið síðan
hún tók við völdum 28. apríl síð-
astliðinn.
Miklar deilur hafa staðið á
íraska þinginu að undanförnu um
hlut súnnía í stjórnarskárgerðinni
en þeir telja sig bera skarðan hlut
frá borði í stjórn landsins. ■
FR
ÉT
TA
B
LA
Ð
IÐ
/A
P
EVRÓPUSAMBANDIÐ, AP Tony Blair,
forsætisráðherra Bretlands, sagði
í gær að það yrði erfitt að leysa
þann ágreining sem ríkir milli
ráðamanna Evrópusambandsríkj-
anna um fjárhagsramma sam-
bandsins næstu árin. Kallaði Blair
eftir víðtækri umræðu um fram-
tíðartilhögun fjármögnunar sam-
bandsins.
Blair átti viðræður við Jacques
Chirac, forseta Frakklands, í Par-
ís í gær og dró enga dul á það á
blaðamannafundi að í viðræðun-
um hefði komið skýrt í ljós að
ágreiningurinn væri djúpstæður.
Hagsmunaárekstrar Frakka og
Breta í þessu sambandi hafa kom-
ið mjög skýrt fram í aðdraganda
leiðtogafundar ESB sem hefst í
Brussel á morgun, en á honum
stóð til að ganga frá samkomulagi
um fjárlagaramma ESB fyrir árin
2007-2013. Blair hefur lagt
áherslu á að ekki komi til greina
fyrir Breta að hreyft verði við
milljarðaendurgreiðslum sem
þeir fá úr sjóðum ESB og Chirac
hefur á móti ekki tekið í mál að
hreyft verði við landbúnaðarnið-
urgreiðslunum sem franskir
bændur njóta einkum góðs af. ■
KOMNIR YFIR Komnir yfir sandbleytur og ála, á leið í land, Jón Ólafsson, Sigursteinn Sig-
ursteinsson, Einar Karelsson, Karl Björgúlfur Björnsson, Ari Ingimundarson og Jóhann
Hólmar Ragnarsson. Hvanneyri í baksýn.
Bretar og Frakkar deila um fjárhag ESB:
Samkomulag
ekki í sjónmáli
KÝTA UM KOSTUN ESB Tony Blair og Jacques Chirac á tröppum forsetahallarinnar í París í
gær.
FR
ÉT
TA
B
LA
Ð
IÐ
/A
P