Fréttablaðið - 11.10.2005, Side 36

Straumar og stefnur í innréttingum á baðherbergjum eru einfaldar og stílhreinar. Til að brjóta upp einfalt um-
hverfi á baðherberginu má nota litrík og hlý handklæði. Nú er hægt að fá stór handklæði sem mætti nota til að
fela fílskálf og allt niður í litlu þvottapokana sem allir þekkja og allar stærðir þar á milli. Handklæðin má líka fá
í öllum litum, einlit eða mynstruð, með blómum, röndum, eða myndum. Gott er að eiga sparihandklæði fyrir gest-
ina sem má draga fram við hátíðleg tækifæri. Munstrin breytast líka eftir árstíðum. Hægt er að fá jólahandklæði
eða sumarhandklæði.
Fátt er betra en að smeygja sér í dúnamjúkan baðslopp eftir góða sturtu. Þeir sem vilja halda stíl og
samræmi innan baðherbergisins geta víða fengið baðsloppa í stíl við handklæðin og baðmott-
urnar. Það er alveg óþarfi að vera lummulegur í rauðum sloppi með grændoppótt hand-
klæði. Þeir sem vilja ganga enn lengra geta klætt alla fjölskylduna í stíl. Þá er „flæði“ í
fjölskyldunni og baðherberginu.
10 { hús og heimili }
Handklæðaofnar
Verð frá 13.900,-
NÝTT
Mjúkt, hlýtt og fagurt
Handklæðin stór og smá og sloppur í stíl.
Debenhams: Dömusloppur
hvítur úr 100 prósent bómull.
Debenhams: Handklæði úr
egypskri bómull. Handklæðin
eru til í 15 litum og fimm
stærðum. Svo er hægt að fá
mottur í stíl.
Debenhams: Herrasloppur.
Blár með köflóttu mynstri. 100
prósent bómull.
Debenhams: Það gerist
ekki mikið sætara. Barna-
sloppur, ljósblár með
mynd af apa á hettunni.
Slopparnir eru til í fleiri lit-
um með alls konar
dýramyndum.
Z-brautir og gluggatjöld: Cavö-
handklæði. 100 prósent bóm-
ull. Litrík handklæði í fimm
stærðum.
Vaskur í kommóðu
GÓÐ LAUSN Á LÍTIÐ BAÐHERBERGI
Plássleysi er oft til vansa á litlum baðherbergjum og lausnirnar oft dýrar
eða hreinlega ekki til boða. Hér er falleg og mjög notadrjúg lausn úr pínu-
litlu baðherbergi í Hlíðunum.
Byrjað er á að mæla hæðina og breiddina á vaskinum og lengd frá vegg.
Svo er sniðugt að fara í Rúmfatalagerinn og velja kommóðu sem á eftir að
setja saman. Gæta þarf þess að kommóðan sé hvorki of há né of lág fyrir
vaskinn en það er hægt að stilla það með því að ákveða hvernig fætur
maður vill hafa undir. Síðan er gott að setja pappaspjald yfir vaskinn og
strika í kring til að fá lögunina á vaskinum og búa svo til skapalón sem
óhætt er að minnka um fimmtán prósent en það fer þó eftir hæð
kommóðunnar. Svo er bara að saga út úr borðplötunni smám saman þang-
að til hún passar miðað við hæð kommóðunnar og setja kommóðuna
saman. Ekki er ráðlegt að líma borðplötuna á kommóðuna heldur nægir
að kítta meðfram vaskinum og veggnum til að auðveldara sé að ná plöt-
unni af seinna meir. Þegar skúffurnar eru settar í þarf að gera ráð fyrir rör-
unum bakvið vaskinn og því þarf örugglega að stytta nokkrar skúffur og
jafnvel ein eða tvær sem ekki verður hægt að nota. Svo er bara að kaupa
fallega hnúða á skúffurnar og þá er komin prýðileg innrétting, falleg lausn
á lítið bað.
baðherbergi }