Fréttablaðið - 20.10.2005, Page 42

4 ■■■ { Hafnarfjörður } ■■■■■■■■■■■■■■■■■■■■■■■■■■■■■■■■■■■■■■■■■■■■■■
Rígurinn milli íþróttafélaganna FH
og Hauka er sögufrægur og samof-
inn menningunni í bænum. Bæjar-
stjórarnir í Hafnarfirði hafa margir
hverjir verið áberandi í starfi þessara
félaga. Við ræddum við tvo af þeim,
Guðmund Árna sem er fyrrverandi
bæjarstjóri og þann sem nú situr í
stólnum, Lúðvík Geirsson. Báðir
vilja þeir meina að rígurinn milli fé-
lagana sé á góðu nótunum og hatr-
ið sem einkenndi hann áður sé nú
nánast horfið þó samkeppnin sé til
staðar.
Guðmundur Árni Stefánsson, FH-
ingur og fyrrverandi bæjarstjóri:
„Þessi rígur er umfram allt mjög
heilbrigður en það fer algjörlega
eftir því hver á í hlut hve sterkur
hann er. Ef ég tala bara fyrir sjálf-
an mig þá kemur það oft fyrir að
Hafnarfjarðartilfinningin komi upp
í mér og ég haldi með Haukum í
leikjum gegn öðrum andstæðing-
um. Þegar bæði lið hafa verið í
ákveðnum lægðum þá hefur sú um-
ræða komið upp að sameina félög-
in en það yrði ansi slæmt að missa
þessa grannaslagi, það er þó leiðin-
legt að geta ekki keppt við þá í fót-
boltanum en vonandi fara þeir
bráðum að komast upp í úrvals-
deildina svo við getum unnið þá
þar! Stjórnmálaflokkarnir í bænum
þurfa að huga að því að það séu
svipað margir sem styðji Hauka og
FH þegar þeir raða niður í sæti. Það
voru örugglega einhverjir Hauka-
menn óánægðir með það að FH-
ingur væri bæjarstjóri þegar ég
gegndi því hlutverki og öfugt núna
með Lúðvík. Á heildina er þessi ríg-
ur milli félagana tveggja þó bara á
góðu nótunum og er mjög heil-
brigður bara.“
Lúðvík Geirsson, Haukamaður og
núverandi bæjarstjóri:
„Haukar og FH eru hreyfiaflið í
Hafnarfirði og menn komast ekki hjá
því að taka afstöðu. Áður fyrr var
mikil togstreita og heift, menn máttu
kannski þola tap sem erfiðleika dög-
um saman. Þetta hefur mikið breyst
síðan þá og menn eru orðnir miklu
umburðalyndari þó keppnisandinn
sé auðvitað alltaf til staðar. Það eru
ekki lengur sömu drottninsvikin þó
menn fari núna á milli klúbba eins
og það var. Hafnarfjörður væri ekki
þessi góði íþróttabær ef samkeppnin
væri ekki til staðar. Þessi tvö félög
hafa haft heilmikil áhrif á bæjarpóli-
tíkina í gegnum tíðina og munu
hafa það áfram. Menn minnast enn
fyrsta handboltaleiksins milli FH og
Hauka sem fór fram rétt fyrir 1940,
þá var það Hafsteinn Hinriksson sem
fór fyrir liði FH. Boðað var til hand-
boltaleiks í litla íþróttahúsinu og átti
að tryggja að það væru engir áhorf-
endur. Um miðjan leikinn varð allt
vitlaust og einn lá rotaður eftir á
gólfinu. Hafsteinn harðneitaði að
láta endurtaka hann, þessi lið skyldu
ekki spila aftur saman. Alveg síðan
þessi leikur fór fram hefur verið
deilumál hver staðan var þegar leik-
urinn var blásinn af.
Ekki sama
hatrið og áður
Guðmundur Árni Stefánsson og Lúðvík Geirsson fjalla um ríginn fræga milli FH og Hauka.
Konan úr
Hafnarfirði
GUNNAR HELGASON BÝR Í
HAFNARFIRÐI
AF HVERJU FLUTTIR ÞÚ Í
HAFNARFJÖRÐ?
„Ég flutti í Hafnarfjörð því konan
mín er þaðan og hún vildi flytja
þangað. Þar líður mér vel, æðis-
legt að búa þar.“
Fann
draumahúsið
í hrauninu
ÓLI PALLI, ÚTVARPSMAÐUR
Á RÁS 2 BÝR Í HAFNARFIRÐ-
INUM
AF HVERJU FLUTTIR ÞÚ Í
HAFNARFJÖRÐ?
„Það er vegna þess að konan mín
á svo margar vinkonur úr Hafnar-
firði og þá er bærinn mjög falleg-
ur. Við fundum draumahúsið í
hrauninu og stundum þegar ég
horfi út um stofugluggann á
góðviðrisdögum sé ég bæjarstjór-
ann vera að grilla. Ég er með
toppfélagsskap og get ekki haft
það betra.“
Upphaf Hafnarfjarðarbrandara
Leikarinn góðkunni, Magnús Ólafsson, vann á Vísi í gamla daga þar sem hann samdi brandara.
Margir af ástsælustu gamanleikur-
um þjóðarinnar hafa komið úr
Hafnarfirðinum og bærinn oft
tengdur við grín og gamanmál.
Landsþekktir eru hinir svokölluðu
Hafnarfjarðarbrandarar sem allir
þekkja en færri vita að þeir eru
komnir upprunalega frá Magnúsi
Ólafssyni leikara. „Þetta var þegar
ég var að vinna á Vísi í gamla daga.
Ég byrjaði að semja þessa brandara
um Akureyringa en því var tekið
mjög illa þar og menn fóru að segja
blaðinu upp fyrir norðan villt og
galið. Þá tók ég á það ráð að snúa
þessu bara yfir á Hafnfirðinga þar
sem ég var búsettur í bænum,“
sagði Magnús, en sumir Hafnfirð-
ingar tóku því ekki vel.
„Fyrst til að byrja með varð ég fyr-
ir nokkru aðkasti vegna þess hér í
Hafnarfirðinum, sérstaklega af eldri
íbúum sem fannst þetta ekkert
fyndið. Það er þó ekki hægt að
neita því að með þessum hætti
komst Hafnarfjörður á kortið,“
sagði Magnús.
Eru Hafnfirðingar fyndnir eða
halda þeir bara að þeir séu það?
„Þeir eru stundum fyndnir en geta
líka verið leiðinlegir. Ef vel liggur á
þeim þá eiga þeir til að segja Hafn-
arfjarðarbrandara.“ Magnús Ólafsson er upphafsmaður Hafnarfjarðarbrandaranna frægu.
„Haukar og FH eru hreyfiaflið í Hafnarfirði og menn komast ekki hjá því að taka afstöðu. Áður fyrr var mikil togstreita og heift, menn
máttu kannski þola tap sem erfiðleika dögum saman.“