Fréttablaðið - 20.10.2005, Blaðsíða 56
18 ■■■ { Hafnarfjörður } ■■■■■■■■■■■■■■■■■■■■■■■■■■■■■■■■■■■■■■■■■■■■■■
Jólaþorpið í Hafnarfirði opnar á ný-
uppgerðu Thorsplaninu í Hafnarfirði
fyrstu helgina í aðventu. Undirbún-
ingur gengur vel, að sögn Helgu H.
Magnúsdóttur verkefnisstjóra. „Út-
leiga á húsum gengur vel og mikill
áhugi hjá þeim sem hafa tekið þátt
áður,“ segir Helga. „Það er mikil al-
menn ánægja með staðsetningu
þorpsins sem er nú komið heim og
verður framvegis á Thorsplaninu.“
Þetta er í þriðja sinn sem jóla-
þorpið er opið og það verður með
svipuðu sniði og áður, tuttugu fagur-
lega skreytt hús þar sem boðið verð-
ur upp á ýmislegt sem tengist jólun-
um á einn eða annan hátt. Helga seg-
ir að spennan nái langt út fyrir Hafn-
arfjarðarbæ. „Grýla er alltaf að senda
sms og er gríðarlega spennt. Hún fór
á námskeið í fyrra í því að hætta að
borða börn og er nú búin að læra á
síma. Hér verða einnig jólasveinar og
tónlistarfólk á ferli. Þegar fólk kemur
í jólaþorpið á það að upplifa jólin
með öllum skilningarvitum og hér
verða kerti, glögg, piparkökur og
brjóstsykur.“ Opið verður allar helgar
aðventunnar og á Þor-
láksmessu. Þeim sem
vilja taka þátt í Jóla-
þorpinu er bent á að
senda tölvupóst á jolat-
horp@hafnarfjordur.is.
sögubrot }
Fólkið var steinhissa
RAFMAGN VAR KOMIÐ Á Í HAFNARFIRÐINUM UPP ÚR
ALDAMÓTUNUM 1900.
Árið 1904 var fyrsta almenningsrafstöðin á Íslandi tekin í notkun í Hafn-
arfirði að frumkvæði Jóhannesar Reykdals trésmíðameistara. Hann hafði
dvalið í Noregi og kynnst þar vatnsaflsvirkjunum Norðmanna og þótt mik-
ið til koma. Jóhannes átti lóð við Hamarskotslækinn og hugkvæmdist að
virkja lækinn til framleiðslu á raforku.
Skömmu fyrir jólin 1904 var kveikt á fyrstu ljósunum í 16 húsum. Stöð-
in gat framleitt 9 kílóvött og var verðið fyrir rafmagnsafnot 6 krónur á ári
fyrir 16 kerta ljós. Notendur greiddu fyrir ákveðinn fjölda ljósa, oftast tvö
ljós, en ljósastæðin voru fleiri og perurnar þá fluttar milli herbergja. Ári
síðar var lagt rafmagn í nokkur hús til viðbótar en svo kom að því að raf-
stöðin var ekki lengur aflögufær og greip þá Jóhannes til þess ráðs að reisa
nýja stöð rétt ofan við Hörðuvelli á landi í eigu Garðakirkju. Ljósatímabil-
ið var níu mánuðir, frá 15. ágúst til 15. maí og var kveikt á ljósunum þeg-
ar skyggja tók á daginn og þau látin loga
til miðnættis. Á öðrum tímum sólar-
hringsins var ekkert rafmagn að
hafa.
Rafmagnið var selt neyt-
endum fyrir visst gjald án til-
lits til þess hvort logaði leng-
ur eða skemur á ljósaperun-
um. Seljandi rafmagnsins,
Jóhannes J. Reykdal, varð
sjálfur að gæta þess að ekki
væru notuð fleiri rafljós en
greitt var fyrir. Hann seldi því
perurnar sjálfur gegn því að hin-
um ónýtu væri skilað.
Til er lýsing á því hvernig þessi
fyrstu rafmagnsljós komu bæjarbúum
fyrir sjónir: „Og svo var það galdra-
maðurinn hann Jóhannes Reykdal.
Hann gat smíðað allt mögulegt, og svo
gat hann tendrað ljós af hreint engu.
Hann þurfti enga olíu og lampaglösin
voru bara kaldar kúlur! Þetta kallar
hann rafljós! Fólkið er steinhissa á
þessum ósköpum.“
Jólaþorpið í Hafnarfirði gladdi mörg jólaþyrst hjörtu í fyrra
og á örugglega eftir að gera það einnig í ár.
Jólin undirbúin á Thorsplaninu
Jólaþorpið í Hafnarfirði opnar 26. nóvember og undirbúningur er í fullum gangi.
Helga M. Magnúsdóttir,
verkefnisstjóri
Jólaþorpsins.