Fréttablaðið - 27.10.2005, Side 68

Umsjón: nánar á visir.is
Aldurstengd íhaldssemi
Egill Helgason, sá ágæti stjórnmálaskýrandi, varð
pirraður yfir leiðara Markaðarins í fyrradag, þar
sem velt var upp spurningu um hvað væri rétt
verð. Egill segir leiðarann, sem hélt því fram að
forsendan fyrir núverandi verði væri ekki á hvaða
verði hlutir hefðu verið keyptir nokkrum mánuðum
áður, stórfurðulegan og kallar nýja hagkerfisbull.
Reyndar er það nú svo að nýja hagkerfið var langt
undan í leiðaranum og kenningarnar sem lagð-
ar voru til grundvallar teljast til klassískra
markaðskenninga sem rekja má aftur til
Adams Smith og jafnvel enn lengra. Egill
hefur að undanförnu sagst hafa færst til
hægri í pólitík, en við lestur pistilsins
virðist sú hreyfing skoðana hans fremur
vera sökum hægari líkamsstarfsemi en
hugmyndafræðilegrar gerjunar. Eða
með öðrum orðum sú stað-
reynd að íhaldssemin vex með
aldrinum.
Allt kostar en hve mikið?
„Hlutir kosta sitt; það kemur barasta ekki alltaf að
skuldadögunum fyrr en seinna. Og þá er spurning
hverjir borga,“ segir Egill í pistli sínum. Þessar full-
yrðingar eru góðra gjalda verðar, Hlutir kosta sitt,
um það efast enginn, en hvað þeir eigi að kosta er
ekki alltaf augljóst. Skuldadagarnir koma, svo mik-
ið er víst og þar hefur Egill enn rétt fyrir sér. Síð-
asta setningin er líka rétt svo langt
sem hún nær. Þar vantar aftan á
...eða græða. Egill virðist nefnilega
gefa sér fyrirfram að fjárfestingin
sé óráð og á alltof háu verði. Það er allt í
lagi að hafa þá skoðun og þeir
sem eru sammála honum selja þá bréf
sín í FL Group og þeir sem eru
ósammála honum kaupa. Egill veit
hins vegar ekkert frekar en flestir
aðrir hvað framtíðin ber í skauti
sér.
MESTA HÆKKUN
ICEX-15 4.676 Fjöldi viðskipta: 249
Velta: 2.045
+0,01%
MESTA LÆKKUN
MARKAÐSFRÉTTIR...
Hannes Smárason, forstjóri FL Group,
segir í samtali við norska blaðið Dagens
Næringsliv að félagið muni ná samningum
um áframhaldandi samstarf Icelandair og
SAS flugfélagsins.
Breyta á nafni Og fjarskipta í Dagsbrún
á hluthafafundi 3. nóvember nk. Einnig á
að fá heimild til að hækka hlutafé um 1,2
milljarða að nafnverði með útgáfu nýrra
hluta.
Mósaík hækkaði nokkuð fyrri part dags í
gær í Kauphöll Íslands. Fór gengið hæst í
15,9 en stóð í 15,10 klukkan rúmlega tvö.
Voru fjölmörg viðskipti þar að baki fyrir um
alls 158 milljónir.
Sjávarafurðir hækkuðu um 2,8 prósent í
september miðað við mánuðinn á undan
samkvæmt mælingu Hagstofu Íslands.
Greiningardeild Íslandsbanka segir afurð-
arverð sögulega hátt mælt í erlendri mynt.
32 27. október 2005 FIMMTUDAGUR
Peningaskápurinn…
Actavis 43,00 -0,20% ...
Bakkavör 44,00 +0,00% ... FL Group 14,05 -1,10% ... Flaga 3,74
+0,80% ... HB Grandi 9,35 +0,00% ... Íslandsbanki 15,10
+0,70% ... Jarðboranir 22,00 +0,00% ... KB banki 605,00 -0,20%
... Kögun 54,00 -0,40% ... Landsbankinn 22,80 +0,40% ... Marel
65,20 +1,10% ... SÍF 4,44 -0,90% ... Straumur 13,25 -0,40% ...
Össur 92,00 -1,60%
Tölur miðast við stöðu í Kauphöll Íslands kl. 14.45.
Mosaic Fashions +4,47%
Tryggingamiðstöðin +2,13%
Marel +1,09%
Atorka Group -1,75%
Össur -1,60%
FL Group -1,06%
HLUTABRÉF Í ÚRVALSVÍSITÖLU:
Yfir tuttugu milljar›a
fjárfesting. Engra yfirl‡s-
inga a› vænta frá FL
Group.
FL Group hefur bætt við sig hluta-
bréfum í breska lággjaldaflug-
félaginu easyJet fyrir um þrjá
milljarða króna og er þar með orð-
inn stærsti einstaki hluthafinn í
easyJet með 16,2 prósenta hlut.
Bréfin voru keypt á mánudag
og þriðjudag þegar gengi easyJet
hækkaði skarpt eða um tólf pró-
sent. Eignarhlutur FL Group er
því orðinn meira en tuttugu millj-
arða króna virði en verðmæti
hlutabréfa í breska flugfélaginu
hefur aukist um 130 prósent síðan
kaup íslenska fjárfestingarfélags-
ins hófust fyrir ári síðan. Þá
keypti það 8,4 prósenta hlut.
Óinnleystur gengishagnaður af
fjárfestingunni nemur um sjö
milljörðum króna.
Hannes Smárason, forstjóri FL
Group, segir að félagið muni ekki
hafa frumkvæði að því að gefa út
yfirlýsingu um frekari fjárfest-
ingar í flugfélaginu nema stjórn
easyJet óski eftir slíku. Ef FL
Group fer upp í tuttugu prósent
verður félaginu heimilt að færa
easyJet inn í bækur sínar sem
hlutdeildarfélag.
Samanlagt eiga Stelios Haji-
Ioannou, stofnandi easyJet, og tvö
systkina hans um 40 prósent. Ekki
er hlaupið að því að komast yfir
hlut þeirra systkina þar sem Steli-
os hefur lýst því yfir að gengi
easyJet þurfi að hækka nokkuð
áður en hann íhugi að selja. Hann
hefur bent á að gengi easyJet hafi
eitt sinn farið yfir 500 pens á hlut
en það stendur nú í 300 pensum.
Það er vanmetið að hans mati.
Greiningardeild Landsbankans
hefur bent á að í samþykktum fé-
lagsins sé að finna ákvæði um að
erlendir aðilar megi ekki eiga
meira en 40 prósent af hlutafé
þess. Deildin hefur reyndar bent á
hægt sé að komast fram hjá þess-
um kvöðum með því að taka upp
samstarf við bresk fyrirtæki sem
sérhæfa sig í áhættufjármögnun.
Um helgina var tilkynnt um
kaup FL Group á norræna
lággjaldaflugfélaginu Sterling
fyrir tæpa fimmtán milljarða
króna og ætlar fyrirtækið að fjór-
falda eigið fé sitt á næstunni eða í
65 milljarða króna. Geta FL
Group til enn frekari kaupa í
easyJet er því fyrir hendi.
eggert@frettabladid.is
FL Group or›i›
stærst í easyJet
KAUPHÖLL ÍSLANDS [Hlutabréf ]
Sænska fjármálaeftirlitið hefur
veitt Kaupþing banka í Svíþjóð
áminningu fyrir meðferð á eignar-
hlutum í tveimur sjóðum bankans.
Rannsókn á meðferð eignarhlut-
anna hófst árið 2003 en um er að
ræða bókhaldslega meðferð í
tveimur sjóðum sem bankinn rek-
ur, Kaupthing Bas og Kaupthing
Småbolag. Í báðum tilfellum varð-
ar málið meðferð eignarhluta sjóð-
anna í fyrirtækinu Airsonett AB.
Í tilkynningu frá Kaupþingi
banka segir að félagið taki áminn-
inguna alvarlega og það hafi frá
upphafi rannsóknarinnar veitt öll
þau gögn sem rannsakendur hafa
óskað eftir. Bankinn segir enn
fremur að reikningslegri meðferð
á eignarhluta í félaginu Airsonett
AB hafi verið breytt strax á árinu
2003. „Ef einhver okkar viðskipta-
vina hefur beðið fjárhagslegt tjón
vegna þessa, munum við bæta
tjón þeirra,“ segir í tilkynning-
unni.
Alls er um að ræða um bók-
færðan eignarhlut fyrir um eina
milljón sænskra króna eða um sjö
milljónir íslenskra króna.
- hb
Hagnaður Össurar var 52 milljón-
ir króna á þriðja ársfjórðungi eða
812 þúsund bandaríkjadalir. Á
sama tíma í fyrra nam hagnaður-
inn 338 milljónum króna. Félaginu
hafði verið spáð heldur slöku upp-
gjöri af greiningardeildum bank-
anna en uppgjörið er um 62 pró-
sentum lakari en meðaltalsspá
greiningardeildanna.
EBITDA-hagnaður lækkar um
rúmlega 360 milljónir nettó vegna
óvenjulegra liða en stærsti ein-
staki liðurinn er kostnaður við
endurskipulagningu og samþætt-
ingu á rekstri Royce Medical eða
tæplega 260 milljónir. Gert er ráð
fyrir því að endurskipulagningin
komi til með að lækka rekstrarút-
gjöld um allt að 220 milljónir frá
og með árinu 2007.
Ef litið er fram hjá óvenjuleg-
um rekstrarliðum var framlegð
um 62 prósent og EBITDA-hlut-
fall um 23 prósent.
Félagið telur að rekstrarhorfur
fyrir fjórða ársfjórðung séu ágæt-
ar en vekur athygli fjárfesta á því
að rekstrarleg áhætta til skamms
tíma er nokkru meiri en verið hef-
ur vegna samþættingar á rekstri
Royce Medical. - hb
Kaupfling fær áminningu
sænska fjármálaeftirlitsins
Össur undir væntingum
HÖFUÐSTÖÐVAR KB BANKA Á ÍSLANDI Kaupþing í Svíþjóð hefur nú fengið áminn-
ingu sænska fjármálaeftirlitisins.
JÓN SIGURÐSSON, FORSTJÓRI ÖSS-
URAR Afkoma Össurar á þriðja ársfjórð-
ungi varð heldur lakari en greiningardeild-
irnar höfðu búist við að jafnaði.
AFKOMA OG SPÁ ÖSSURAR Á
3. ÁRSFJÓRÐUNGI
(í milljónum króna)
Hagnaður Össurar 52
Íslandsbanki 127
KB banki 76
Landsbankinn 45
Meðaltal 83
Sama tímabil 2004 338
STÆRSTIR Í EASYJET Hannes Smárason, forstjóri FL Group, segir að engra yfirlýsinga sé
að vænta frá félaginu eftir að tilkynnt var um að félagið hefði farið yfir fimmtán prósenta
hlut í easyJet. FRÉTTABLAÐIÐ/E.ÓL.