Fréttablaðið - 01.10.2008, Blaðsíða 4
MARKAÐURINN 1. OKTÓBER 2008 MIÐVIKUDAGUR4
F R É T T A S K Ý R I N G
L
andsbankamenn komu að við-
ræðum ríkisins og Glitnis um
helgina, vegna slæmrar stöðu
hins síðast nefnda. Slíkar hug-
myndir eru enn á lofti.
Ráðherrar ríkisstjórnarinnar fullyrtu
eftir ríkisstjórnarfund í gær að engar
formlegar viðræður ættu sér stað.
Davíð Oddsson Seðlabankastjóri tók
fram á fundi í Seðlabankanum í fyrra-
dag að Glitnir stæði vel, eignasafnið
væri gott og hann vel rekinn. Vandamál-
ið væri fjármögnun til skamms tíma.
Hefði ríkið ekki komið til skjalanna
hefði Glitnir rúllað á hausinn.
SVIKIN LOFORÐ
Eftir því sem Markaðurinn kemst næst
hafði Glitnir loforð um fjármögnun frá
þýska bankanum Landes til að mæta
væntanlegri endurgreiðslu láns um miðj-
an næsta mánuð. Fjármögnunarþörfin
mun hafa numið um 150 milljónum evra,
og lánsloforðið í samræmi við það.
Hins vegar fékk ríkið lán hjá hinum
sama banka. Forsætisráðherra kynnti
lánið í skýrslu sinni um efnahagsmál í
byrjun september.
Það var svo fyrir helgina, þegar fyrir
lá að Glitni fengi ekki lánið, að leitað var
til Seðlabankans. Lyktir þess máls urðu
að ríkið eignaðist þrjá fjórðu hlutafjár í
bankanum.
HLUTUR RÍKISINS HÆKKAR Í VERÐI
Fyrir hlutinn greiðir ríkið 600 milljónir
evra, eða sem nam 84 milljörðum króna
á mánudagsmorgun. Ríkið hefur tekið
yfir stjórn bankans, en gjörningurinn er
samt sem áður háður samþykki hluthafa-
fundar Glitnis og Alþingis.
Forsætisráðherra sagði á mánudag að
ekki væri stefnt að því að ríkið ætti hlut-
inn til langframa. Fitch sér ekki hvernig
ríkið á að losna við hlutinn á næstunni.
Þegar þetta er skrifað, eftir hádegi
á þriðjudegi, hefur hlutur ríkisins auk-
ist að verðmæti um vel á annað hundrað
milljarða króna.
MISMUNANDI FJÁRMÖGNUN
Landsbankinn segir að hlutfall innlána á
móti útlánum sé 63 prósent.
Þá sé lausafjárstaða bankans sterk. Á
síðari hluta þessa árs og fyrri hluta hins
næsta þurfi bankinn að standa skil á 855
milljónir evra. Í byrjun vikunnar hafi
lausafjárstaða bankans verið átta millj-
arðar evra, svo staðan sé sterk.
HVER ER ÞÁ VANDI LANDSBANKANS?
Landsbankinn hefur samt sem áður ekki
farið varhluta af erfiðleikum í efnahags-
lífinu. Stórum viðskiptavinum bankans
hefur gengið illa og hafa þau vandamál
verið að koma upp á yfirborðið undanfarn-
ar vikur og mánuði. Nefna má Icelandic
Group, Eimskipafélagið og ekki síst Nýsi.
Þá er Landsbankinn meðal helstu lánar-
drottna Stoða, sem fóru í greiðslustöðv-
un á mánudag. Heildarskuldir Stoða nema
260 milljörðum króna. Undanfarið rúmt
ár hefur hlutfall innlendra lánadrottna
farið vaxandi. Þar hefur Kaupþing einnig
hagsmuna að gæta.
ÞRÍR VIÐ BORÐIÐ
„[Það] voru ýmsar markaðslausnir uppi
á borðinu,“ sagði Davíð Oddsson í fyrra-
dag, um atburði helgarinnar.
Sameining Glitnis og Landsbankans
hefði verið rædd, samkvæmt heimildum
Markaðarins, án beinnar þátttöku ríkis-
ins en með stuðningi þess og vilja.
Hugmyndin er á lífi. Seinast í fyrra-
kvöld sat Björgólfur Thor Björgólfsson,
einn eigenda Landsbankans, og raun-
ar Straums einnig, fund með forsæt-
isráðherra í stjórnarráðshúsinu. Fund-
inn sátu einnig Halldór J. Kristjánsson
og Sigurjón Þ. Árnason, bankastjórar
Landsbankans.
Forsætisráðherra segir að þar hafi
verið farið yfir stöðu mála. Heimildir
Markaðarins herma að Landsbankamenn
sýni því áhuga að sameinast Glitni til að
treysta eiginfjárstöðu sameinaðs banka.
Heimildir innan ríkisstjórnarinn-
ar herma einnig að Landsbankamenn
vilji á þessum tímapunkti komast inn í
Glitnisviðskiptin, en það verði aldrei á
því verði sem ríkið greiddi fyrir hlut sinn
í bankanum.
TILFÆRSLA MILLI RÍKRA MANNA
Ýmsir voru fræddir um stöðu mála seint
á sunnudagskvöld, þegar verið var að
ganga frá innkomu ríkisins. Þá kom fram
að Landsbankasameining hefði verið
rædd, en hún hefði farið út af borðinu.
ÚR STJÓRNARRÁÐINU Í BANKANN Fundað var fram á tíunda tímann í stjórnarráðinu í fyrrakvöld. Björgólfur
Thor Björgólfsson og bankastjórar Landsbankans ræddu við Geir H. Haarde forsætisráðherra.
MARKAÐURINN/DANÍEL
Sameinaður banki
yrði á við Kaupþing
Enn er rætt um hugsanlega sameiningu Landsbanka og Glitnis í kjölfar þjóðnýtingar hins síðarnefnda. Ingimar Karl Helgason
fór yfir málið og heyrði meðal annars að slíkur samruni teldist líklega brjóta gegn samkeppnislögum, nema ef sett yrðu lög eða
talið væri að annar bankinn stæði höllum fæti.
Hlutfall lánsfjármarkaða í útlánum
Kaupþing 56%
Glitnir 72%
Landsbankinn 37%
Glitnir+Landsbanki 55%
F J Á R M Ö G N U N I N
HugurAx / Guðríðarstíg 2-4 / 113 Reykjavík / Sími 545 1000 / Fax 545 1001 / www.hugurax.is
TOK, bókhalds- og launakerfið er hægt er að
fá í nokkrum mismunandi útgáfum sem henta
fyrirtækjum af öllum stærðum.
Þegar fyrirtæki stækka þá stækkar kerfið með.
Með þessu móti spara fyrirtæki sér fé með því að
nota bókhalds- og launakerfi sem hentar hverju
sinni sama hvort hjá fyrirtækinu starfa þrír eða
þrjúhundruð.
TOK er eitt algengasta bókhalds- og launakerfið hjá
íslenskum fyrirtækjum, stórum sem smáum, í öllum
greinum atvinnulífsins. Kynntu þér kosti TOK.
Góður kostur fyrir þitt fyrirtæki
S
K
A
P
A
R
IN
N
A
U
G
L
Ý
S
IN
G
A
S
T
O
FA