Tíminn - 11.04.1987, Qupperneq 3

Laugardagur 11. apríl 1987
, Tíminn 3
Sameiginlegur framboösfundur í Norðurlandi eystra:
Árangri st jórnarinnar ógnað
Sameiginlegur framboðsfundur var
haldinn í Norðurlandskjördæmi
eystra á fimmtudag. Allir níu listarn-
ir sendu fulltrúa sína á fundinn.
„Framsóknarflokkurinn vill þjóð-
félag án öfga til hægri eða vinstri. Ég
vil benda stjórnarandstöðunni á að
það er ekki síður vandasamt að
stjórna landinu í góðæri en í harðæri.
Við verðum að leggja áherslu á að
varðveita þann árangur sem núver-
andi ríkisstjórn, undir forsæti
Steingríms Hermannssonar hefur
náð í hinum ýmsu málaflokkum. Þar
ber hæst árangurinn í efnahagsmál-
um, húsnæðismálum og landbúnað-
armálum," sagði Valgerður Sverris-
dóttir frá Lómatjörn, en hún skipar
annað sæti á lista Framsóknarflokks-
ins í kjördæminu. Valgerður ræddi
um kjör þeirra lægst launuðu. „Kjör
þeirra hafa verið bætt. Við megum
ekki rífa slíkan árangur niður með
ríkisstjórn sem er fjandsamleg fólk-
inu.
Ef borinn er saman árangurinn af
þeim málaflokkum sem Framsókn-
arflokkur hefur veitt forystu og þeim
sem Sjálfstæðisflokkurinn veitti for-
ystu fæst athyglisverð niðurstaða,"
sagði Valgerður. Nefndi hún Haf-
skipsmálið, Útvegsbankann,
fræðslustjóramálið, fjárlagahallann,
sameiningu Norðurlanda um kjarn-
orkuvopnalaus Norðurlönd og
námslán. Valgerður sagði niður-
stöðuna aðeins geta verið eina.
„Framsóknarflokkurinn vill leggja
niður öll hernaðarbandalög, hvort
sem þau heita NATO eða eitthvað
annað. Framsóknarflokkurinn vill
styrka stefnu í umhverfismálum og
hefur þegar lagt fram tillögu um
verndun gegn eyðingu ozon lagsins,
alþjóðlegt eftirlit með kjarnorkuver-
um og að ísland verði vettvangur
friðsamlegra viðskipta, ekki vopna-
viðskipta," sagði Guðmundur
Bjarnason alþingismaður og efsti
maður á lista Framsóknarflokksins,
þegar fundargestur spurði hann um
stefnu flokkins í friðarmáium.
Guðntundur hafði nóg að gera við
að svara spurningum fundarmanna,
enda var það mál manna að hann
hefði greitt mjög vel úr spurningum
sem beint var til hans. Hann var
spurður um stefnu flokksins í vaxta-
málum. Hann svaraði að númer eitt
væri að vextir væru jákvæðir. Raun-
vextir eins og eðlilegt væri. „Vextir
eiga að hvetja til aðhalds og sparnað-
ar. Tvö til þrjú prósent væri góð
tala,“ sagði Guðmundur.
Fundurinn var vel sóttur og lífleg-
ur og gerðu menn góðan róm að
framsöguerindum fulltrúa flokk-
anna. SÓL/ES
Upplestrarfrí
Nemendur Verslunarskólans héldu uppá upplestrarfrí sitt í gær. Klæddust þeir skrautlegum búningum og lögðu
leið sína í miðbæ Reykjavíkur þar sem þeir sungu fyrir vegfarendur. Sjálfsagt hefur einhver þeirra vaknað upp
við vondan draum í morgun, þarsem komið erað prófum ogskólaárinu að Ijúka. Alvaran tekin við. Tímamynd Pjetur
Framboösfundur á
Vesturlandi:
A-flokkar
hræddir
Taka ekki áskorunum
framsóknarmanna
Magnús Ma^nussou fréttaritari Tímans í Burgar*
firdi:
Viðbúið er að fjörugur framboðs-
fundur verði haldinn að Logalandi í
Reykholtsdal á þriðjudagskvöld
klukkan 20:30. Er þctta einn af fáum
sameiginlegum fundum frambjóð-
enda í kjördæminu og sennilega sá
síðasti í þessari kosningabaráttu.
Það er mál manna hér að A-flokk-
arnir þori ekki að taka áskorun
Framsóknarflokksins, að mæta hon-
um á sameiginlegum framboðsfund-
um um kjördæmið. Hafa menn jafn-
vel viðurkennt þetta í samtölum.
Búist er við gríðarlegri aðsókn á
fundinn, enda þarf hann að þjóna
stóru svæði sem er allt Vesturlands-
kjördæmi. Fluttar verða stuttar
framsöguræður og síðan svara full-
trúar flokkanna skriflegum fyrir-
spurnum.
íslenska lambakjötið:
»Mjög gott“ segir
57% þjódarinnar
„Gott“ segja 30 prósent segir í niðurstöðum könnunar Hagvangs á
neysluvenjum íslendinga
Rúmum helmingi þjóðarinnar
finnst lambakjöt mjög gott og rúm-
um 30% til viðbótar finnst það gott.
Aðeins 0,6% þjóðarinnar finnst það
vont. 67% finnst lambakjöt betra en
kjúklingar og 45% finnst lambakjöt
betra en nautakjöt.
Þetta er m.a. niðurstaða könnunar
sem Hagvangur framkvæmdi fyrir
Markaðsnefnd landbúnaðarins dag-
ana 19. til 26. mars sl. Þúsund
einstaklingar á öllu landinu voru
spurðir nokkurra spurninga varð-
andi viðhorf til atvinnugreina, inn-
kaup, neyslu, verðlagningu og gæði
með tilliti til bragðs. Svör fengust frá
779 einstaklingum á aldrinum 18 til
67 ára eða 77,9% af þeim sem
spurðir voru.
í könnun þessari kom fram, að
71% heimilanna hafði keypt lamba-
kjöt sl. hálfan mánuð og tæp 42%
kaupa eingöngu lambakjöt í helgar-
matinn. 45% kaupa lambakjöt bæði
í helgar-og hversdagsmatinn. Hins
vegar kom fram að um helmingur
aðspurðra töldu sig hafa minnkað
innkaup á lambakjöti til heimilisins
á síðustu þremur árum.
Nokkurra spurninga var spurt
varðandi verð á lambakjöti. Þegar
þeir einstaklingar sem ekki höfðu
haft lambakjöt í síðasta helgarmat
voru spurðir af hverju þeir hefðu
ekki gert það sögðu 17% ástæðuna
vera of hátt verð. Þegar spurt var
hvað þyrfti að gera til þess að auka
neyslu á lambakjöti svöruðu 59%
því til að verð þyrfti að lækka, en
jafnframt svöruðu rúm 17% að þeir
myndu ekki kaupa meira af lamba-
kjöti, hvað sem gert yrði. 36% töldu
að aukin birgðasöfnun stafaði af of
háu verði og 32 töldu að lækka þyrfti
verðið til þess að minnka birgðirnar.
Margir bentu á að endurskipulagn-
ing framleiðslunnar og aukin sölu-
mennska stuðlaði að aukinni sölu.
Spurt var hvað lambakjöt kostaði
og hvort verð á lambalæri væri hærra
eða lægra heldur en verð á nauta-
kjöti og kjúklingakjöti og þar kom
fram að um 60% vissu ekki hvað
lambalærið kostaði. Um það hvort
fólk gat til um rétt eða rangt verð
skal tekið fram að Hagvangur hafði
einungis verð úr einni búð til viðmið-
unar en smásöluálagning er frjáls
hjá kaupmönnum. Samkvæmt því
viðmiðunarverði sögðu um 18%
svipað verð en um 16% sögðu verðið
hærra.
Því hefur stundum verið haldið
fram að unga fólkið kaupi minna af
lambakjöti heldur en eldra fólk.
Könnun þessi sýnir að ekki er svo
mikill munur þar á.
í spurningum um almennt viðhorf
til atvinnugreina kom fram að helm-
ingi þjóðarinnar fannst ástæða til að
þróa og efla sjávarútveg á næstu
árum og fjórðungur sagði að ástæða
væri til að þróa iðnað. Rúm 11%
sögðu að einna helst væri ástæða til
að þróa og efla landbúnað. ABS
Verslunarráð íslands:
Gefur út rit um
upphaf fríhöndlunar
- í tilefni af 200 ára afmæli frjálsrar verslunar á íslandi
Sigfús Haukur Andrésson hefur
ritað bók um upphaf fríhöndlunar
og almennu bænaskrána.
Er bókin gefin út í tilefni af því
að 1. janúar næstkomandi verða
liðin 200 ár frá því að verslun hér
á landi var gefin frjáls við alla
þegna danakonungs.
I ritinu verður rakin saga ís-
landsverslunar á tímabilinu frá
1774 til 1807, lok einokunarversl-
unar og upphaf fríhöndlunar. Segir
m.a. annars frá útgerð konungs-
verslunarinnar síðari frá Hafnar-
firði, skipsvegabréf, sjóvátrygging-
ar, kjör verslunarmanna á 18. öld,
gjaldmiðli, vörulán og hjálparað-
gerðir í harðærum, stofnun kaup-
staða og löggildingu verslunar-
Istaða, búsetubreytingar og fleira
og fleira. ABS
Sr. Felix Ólafsson:
w
i
Varði ritgerð
Hafnarháskóla
Sr. Felix Ólafsson sem hefur starf-
að um árabil sem prestur í Kaup-
mannahöfn, hefur varið ritgerð í
Afqreiðsla Ti'mans er opin
kl. 9-5 daglega nema
laugardaga 9-12.
Sími afgreiðslu 686300
Áskrift og dreifingTímans í
Garðabæ og Hafnarfirði,
sími641195
kirkjusögu við háskólann í Kaup-
mannahöfn.
Ritgerð sr. Felix er um Ebeneser
Henderson sem stofnaði Biblíufé-
lögin í Rússlandi, Danmörku, Sví-
þjóð og síðan árið 1815 á íslandi.
Ritgerðin fjallar aðallega um störf
Hendersons að biblíumálum í Dan-
mörku með sérstöku tilliti til stefnu-
marka hans og vinnureglna. Sr.
Felix hefur fengist við þessar rann-
sóknir í frístundum sínum undanfar-
in 10 ár og fann í skjalasöfnum í
London og Oxford ýmsar athygl-
isverðar upplýsingar m.a. eiginhand-
arrit Henderson um sögu danskra
biblíuþýðinga.
Felix Ólafsson, árið 1969.