Tíminn - 20.03.1988, Blaðsíða 7

Sunnudagur 20. mars 1988
Tíminn 7
Rennt upp að hlið Rathkyle við 7 bauju, þar sem tekið er á móti öllum útlendum skipum sem koma til
hafnar í Reykjavík. (Tímamynd Gunnar)
Siglt að viðlegunni við Laugarnestanga þar sem olíunni var dælt úr
skipinu. Einbeitingin skín úr svip stjórnendanna í brúnni, f.v. Bill Clear
stýrimaður, John Burrows skipstjóri og Jóhannes Ingólfsson.
(Tímamynd Gunnar)
Einir tíu skipverjar biðu eftir okkur
á dekkinu og aðstoðuðu okkur um
borð, síðan var okkur fylgt til fundar
við skipstjórann í brúnni. Eftir stutt
orðaskipti milli Jóhannesar og skip-
stjórans ákváðum við að spjalla
aðeins við hann.
„Við erum að koma frá Mongstad
í Noregi," sagði John Borrows skip-
stjóri. „Við losuðum tæplega helm-
ing olíunnar í Hafnarfirði í gærdag
og afganginn losum við síðan hérna.
Síðan munum við halda aftur til
Mongstad og taka olíu sem á að fara
til Þýskalands. Við lentum í mjög
slæmu veðri á leiðinni hingað, sem
gerði það að verkum að við vorum
fjóra daga á leiðinni í stað þriggja."
Þetta var fyrsta ferð hans til Islands
og fannst honum fjallasýnin hreint
stórkostleg, en ekki bjóst hann við
því að þeir færu í land, þar sem þeir
þyrftu að komast sem fyrst aftur til
Noregs til að ná í næsta farm, enda
eins og hann sagði „tíminn er pen-
ingar“. Við drógum okkur því í hlé
og fylgdumst með þegar Jóhannes
lóðsaði skipið inn að Laugarnes-
tanga þar sem skipið var bundið. Að
því loknu var gengið frá formsat-
riðunum, kvittað fyrir leiðsögnina.
Þar með var starfi hafnsögumannsins
um borð lokið og héldum við því til
hafnar með Magna, en starfsmenn
olíufélagsins tóku að undirbúa losun
skipsins. Þegar að landi var komið
kvöddum við þá Jóhannes, Hrein og
Torfa sem héldu áfram að sinna
skyldustörfum sínum við höfnina.
ABÓ

Áhöfnin á Magna f.v. Hreinn Sveinsson skipstjóri, Torfi Ólafsson háseti og Jóhannes Ingólfsson hafnsögumaður.
(Tímamynd Gunnar)
NO SMOKING
SAFETY + FIRST
• • • i
Þeir voru hressir áhafnarmeðlimirnir og bentu okkur á til frekara öryggis að Þegar búið var að binda skipið var starfi hafnsögumannsins lokið og haldið var til
reykingar væru stranglega bannaðar á dekki. nímamynd Gunnar) hafnar eftir ánægjulega ferð til móts við olíuskipið. (Tímamyná Gunnar)