Tíminn - 10.04.1988, Blaðsíða 6

6 Tíminn
Sunnudagur 10. apríl 1988
/

Friörik Sophusson, orku- og iðnaðarráðherra hefur haft
mörgu að sinna að undanförnu, og einna hæst hefur borið
gagnrýni og umræðu sem stafað hefur af miklum mun á
orkuverði í landinu vegna hins iága verðs á gasolíu. Þarna
þarf að gefa gætur að mörgum þáttum og sætta ólík sjónarmið og
velja milli ýmissa kosta. Þannig berst eitt málið af öðru inn á borð
ráðherra til úrlausnar og þegar þetta verðm' að baki er engin hætta
á að ný viðfangsefni skjóti ekki upp kollinum.
í fyrri viku fundum við Friðrik að máli í ráðuneyti hans í
Arnarhváli og inntum hann eftir hvernig honum félli ráðherrdómur-
inn, hvernig leið hans hefði legið inn í pólitíkina og eins og vera ber
í slíku viðtali hver uppruni hans sé og helstu viðkomustaðir í
lífshlaupinu. Varla þarf þó að spyrja að því hvort fyrsti þingmaður
Reykvíkinga sé ekki áreiðanlega fæddur í kjördaæminu?
„Jú, ég er fæddur Reykvíkingur,
átti fyrstu tvö árin heima í Norður-
mýrinni," segir Friðrik, „nánar til-
tekið á Kjartansgötu 2. Það má
kannske geta þess til gamans að þá
bjó uppi á efri hæðinni í húsinu
strákur, sem sendur hafði verið til
Reykjavíkur í skóla, bjó þarna hjá
frænda sínum. Hann er nú orðinn
landbúnaðarráðherra og heitir Jón
Helgason. Ég man auðvitað ekki
eftir honum, en hann man hins vegar
eftir mér frá þessum árum sem
reifabarni. Foreldrar mínir hafa sagt
mér að hann hafi haft gaman af að
koma og líta á litla drenginn í
kjallaranum.
Nú, en síðan flutti ég niður í
Bergstaðastræti, þar sem móður-
amma mín átti heima, en þaðan lá
leiðin upp í Hlíðar og til fullorðins-
ára bjó ég í Mávahlíðinni. Eftir
þetta hef ég átt heima við Lynghaga
og Öldugötu og í Skógargerði og nú
við Sóleyjargötu. Já, og um tíma átti
ég íbúð í Breiðholti. t>ú sérð að ég
hef því búið nokkuð víða í kjördæm-
inu.
Jú ég var skáti, var eiginlega
fæddur inn í skátahreyfinguna. For-
eldrar mínir eru þau Sophus A.
Guðmundsson, skrifstofustjóri Al-
menna bókafélagsins, og Áslaug M.
Friðriksdóttir, skólastjóri Öldusels-
skóla, og þegar móðir mín gekk með
mig, var hún foringi Kvenskátafélags
Reykjavíkur. Hún starfaði mikið í
þeirri hreyfingu. Tveggja og þriggja
ára gamall var ég austur á Úlfljóts-
vatni, þar sem mammma var skóla-
stjóri Kvenskátaskólans. Ég gerðist
ylfingur nfu ára og var síðan skáti
langt fram eftir aldri, allt til tvítugs.
Ég hef að vísu ekki verið virkur í
hreyfingunni nú um áratuga skeið,
en það er rétt sem orðtakið segir:
„Eitt sinn skáti ávallt skáti.““
En hvenær kemur stjórnmálaáhug-
inn til sögunnar?
„Ég býst við að hann hafi blundað
með mér allt frá því er ég var
smástrákur. Pabbi var mjög pólitísk-
ur og allt hans fólk. Til dæmis var ég
í sveit hjá Jóhannesi föðurbróður
mínum á Auðunarstöðum í Víðidal
og hann var ákaflega mikill áhuga-
maður um stjórnmál, sat reyndar á
þingi sem varaþingmaður Sjálf-
stæðisflokksins um skeið. Aftur á
móti var ég ekki svo pólitískur á
menntaskólaárunum og hafði þá
meira gaman af öðrum hlutum. Þar
á meðal var leiklistin, en ég lék
tvívegis í Herranótt - „Erasmus
Montanus" eftir Holberg í staðfær-
ingu Lárusar Sigurbjörnssonar og
„Kappar og vopn,“ eftir Bernard
Shaw. Þar voru meðal leikaranna
Andrés Indriðason, Ásdís Skúla-
dóttir, Kjartan Thors, Þórunn Klem-
ensdóttir, Stefán Benediktsson og
fleiri og fleiri. Sjálfsagt hefur manni
- RÆTT VIÐ
ORKU- OG
IÐNAÐAR-
RÁÐ-
HERRA,
FRIÐRIK
SOPHUS-
SON, UM
VANDAí
ATVINNU-
LÍFINU,
STÖÐU
SJÁLF-
STÆÐIS-
FLOKKSINS
OG FLEIRA
dottið í hug að leggja stund á leiklist
á þessum árum. En það var bara
ekki í tísku þá að láta undan slíkum
löngunum, heldur þótti sjálfsagt að
leggja stund á nám, sem skila-mundi
manni sómasamlegri lífsafkomu.
Þess vegna settist ég í læknadeild
Háskólans, þar sem ég var við nám
í tvö ár, en venti þá mínu kvæði í
kross og fór í lagadeild. Meðan ég
var við læknisfræðinámið stundaði
ég kennslu við gagnfræðadeild
Hlíðaskólans og var raunar við þessa
kennslu í fjögur ár. Ég hafði gaman
af kennslunni, en ég kenndi fyrst og
fremst stærðfræði og náttúrufræði.
Það eru líka margir kennarar í minni
ætt, móðir mín er kennari og það
voru báðar ömmur mínar líka og afi
og auk þess margt frændfólk, eink-
um í móðurættinni. Tvö af okkur
fjórum systkinunum hafa kennara-
menntun.
Já, ég er sannfærður um að það er
erfiðara að vera kennari núna, en
þegar ég var við þetta. Þessu veldur
fyrst og fremst mikið lausari agi. Nú
virðist svo sem ekki megi halda uppi
ströngum aga, og það á ekki aðeins
Ásamt Weizsácker, forseta þýska Sambandslýðveldisins, á þingmannaráð-
stefnu í Bonn um öryggismál Evrópu árið 1986.
Friðrik hefur um árabil verið fomaður íslensku nefndarinnar á þingum
alþjóðlega þingmannasambandsins. Hér er hann ásamt leiðtoga Kúbu, Fidel
Castro, árið 1985, er þingið var haldið í Havana.