Tíminn - 28.05.1988, Blaðsíða 3

Laugardagur 28. maí 1988
Tíminn 3
Sigurður B. Þorsteinsson smitsjúkdómalæknir:
Hermannaveiki er ekki
meiri háttar faraldur
„Okkar niðurstaða er sú að það gildir engin sérstaða um þessa
tilteknu sjúkrastofnun, umfram aðrar sjúkrastofnanir hér í
Reykjavík,“ sagði Sigurður Þorsteinsson smitsjúkdómalæknir í
samtali við Tímann, en hann hefur tekið þátt í rannsóknum á vatni
sjúkrastofnana þar sem bakterían sem veldur svokallaðri her-
mannaveiki er talin leynast, en hún hefur skapað mikið vandamál
fyrir viðkomandi spítala.
Sigurður sagði að full vissa væri fyrir sjö tilfellum á þrem
spítölum á þriggja ára tímabili. Spítalarnir sem hér um ræðir eru
Landspítalinn, Vífilsstaðir og Landakot. Fyrsta tilvikið var
greint í janúar 1985 og síðasta tilfellið sem greindist var fyrir tveim
mánuðum.
„Við höfum ræktað bakteríuna
frá þessum einstaklingum og vitum
að af þessum sjö hafa fimm dáið
með þessa lungnabólgu, en
kannski ekki eingöngu vegna
hennar, en hún hefur að minnsta
kosti verið samverkandi ástæða.
Sjálfsagt eru tilvikin eitthvað fleiri,
þetta eru þau sem við höfum alveg
órækar sannanir fyrir,“ sagði Sig-
urður.
Heimildir sem Tíminn studdist
við í frétt sinni af þessu máli í gær
töluðu hins vegar um 8 staðfest
tilfelli á fjórum spítölum og leið-
réttist sú ónákvæmni hér með.
Ástæðan fyrir því að verið er að
rannsaka eina sjúkrastofnun um-
fram aðrar þessa dagana er sú að
óvenju mörg dauðsföll urðu á til-
tölulega skömmum tíma. Sigurður
sagði þó að ekkert þessara dauðs-
falla hefði beinlínis verið óvænt.
Sjúklingarnir voru með mjög alvar-
lega sjúkdóma og í sjálfu sér ekkert
óvænt þó eitthvað komi uppá,
einkum þegar inflúensa gengur í
umhverfinu. „Þetta var miklu frek-
ar öryggisathugun á þessari sjúkra-
stofnun. Þá á því hvort einhver
meiriháttar faraldur væri á ferð-
inni, sem væri að fara fram hjá
okkur. Niðurstaðan er sem sagt sú
að svo hafi ekki verið. Þó er ég
ekki að segja að það sé alveg
óhugsandi að eitthvað af þessum
dauðsföllum tengist hermanna-
veiki, en á þessari sjúkrastofnun
var ekki um faraldur á hermanna-
veiki að ræða,“ sagði Sigurður.
Yfirgnæfandi líkur eru á að einn
eða tveir sjúklingar hafi haft bakt-
eríuna í sér þegar þeir létust á
umræddri sjúkrastofnun og voru í
þessu sambandi í kring um 12 til 14
lík á sjúkrahúsinu krufin. „Það er
það sem okkur finnst líklegast í
dag,“ sagði Sigurður aðspurður,
„en reyndar er verið að endur-
skoða öll þessi sýni, þannig að
þetta er ekki endanleg niðurstaða,
en það gæti verið nálægt þessari
tölu.“
Sigurður sagði að þeir hefðu
öðlast nokkuð góða yfirsýn yfir
hegðun bakteríunnar og hvernig
hún breiðist út. Sagði hann að
grípa þyrfti til aðgerða í rólegheit-
unum sem fyrst og stuðla að því að
útrýma bakteríunni úr neysluvatni
sjúkrahúsanna. „Við teljum að leið
bakteríunnar sé með vatninu, en
ekki í gegnum loftræstikerfið, sem
er mörgum sinnum hættulegra og
forsendan fyrir faraldri er að bakt-
erían dreifist með loftræstingu,"
sagði Sigurður.
Þegar bakterían er í neysluvatni
þá verður mengunin mjög stað-
bundin, einkum í kringum krana
og sturtu. Ef menn anda bakterí-
unni að sér, og þá einungis þeir
sem eru mjög veikir, gætu þeir
smitast. Heilbrigt fólk finnur ekki
fyrir neinu og engum verður meint
af því að drekka vatn sem inniheld-
ur bakteríuna. -ABÓ
Rúmlega 30 þúsund manns
fleira á kjörskrá en árió 1980:
Um 73% Reykvíkinga
en66%Vestfirðinga
fá að kjósa forseta
Áætlað er að um 173.800 manns
hafi rétt til að kjósa sér forseta nú í
júní, sem er fjölgun úr 143.200 á
kjörskrá í júní 1980. Af þessari
rúmlega 30 þús. manna fjölgun á
kjörskrá hafa tæplega 12 þús. bæst
við í Reykjavík (21%), rúmlega 10
þús. á Reykjanesi (35%) en aðeins
rúmlega 8 þúsund í hinum kjör-
dæmunum sex (15%). Um 2.400
fleiri verða á kjörskrá í sumar en við
alþingiskosningarnar 1987, hvar af
um 2.160 eru í R-kjördæmunum.
Athyglivert er að aðeins 26,7%
Reykvíkinga komust ekki á kjörskrá
vegna ungs aldurs en t.d. 33,5%
Vestfirðinga. Ef hlutfall barna og
unglinga væri svo hátt í höfuðborg-
inni væru Reykvíkingar á kjörskrá
um 6.400 færri en raun er á.
Á höfuðborgarsvæðinu hefur
fjölgun á kjörskrá frá 1980 orðið
mest:
Bessastaðahreppur.......... 124%
Mosfellsbær..................71%
Garðabær ....................67%
Seltjarnames ................53%
Utan nöfuðborgarsvæðisins finnst
mest á eftirtöldum stöðum:
Egilsstaðir..................41%
Hveragerði...................40%
Blönduós.....................32%
Selfoss .....................29%
Sauðárkrókur.................28%
Reyðarfjörður ...............28%
Þingeyri ....................26%
Hvammstangi..................25%
Dalvík.......................25%
Húsavík......................25%
f tveim sýslum, A-Barðastrandar-
sýslu og N-ísafjarðarsýslu hefur
kjósendum hins vegar fækkað þrátt
fyrir lækkaðan kosningaaldur. Og á
mörgum stöðum er fjölgunin aðeins
1-7% á þessum átta árum. - HEI
Sjálfsbjörg þingar
Sjálfsbjörg, landssamband fatl-
aðra, heldur sitt 24. þing í Sjálfs-
bjargarhúsinu nú um helgina.
Aðalmál þingsins er samþykkt á
stefnuskrá fyrir Sjálfsbjörg. Þá ber
að geta þess að Theodór A. Jónsson
lætur nú af störfum sem formaður
sambandsins eftir áratugar langt
starf.
Skipað verður í umræðuhópa og
hin ýmsu hagsmunamál fatlaðra
verða rædd á þinginu. Einnig verður
skýrsla framkvæmdastjórnar kynnt
og reikningar fyrir 1986 og ’87 lagðir
fram. Að lokum verður kosið í
stjórn og ýmis embætti sambandsins.
Steingrímur
styður Vigdísi
„Ég er prýðilega ánægður með
störf Vigdísar og ég tel að hún hafi
verið þjóð sinni til sóma. Ég hef
tjáð henni minn stuðning og það er
að sjálfsögðu óbreytt," sagði
Steingrímur Hermannsson í sam-
tali við Tímann. Sem kunnugt er
munu forsetakosningar fara fram
25. júní í sumar þar sem Sigrún
Þorsteinsdóttir, húsmóðir frá Vest-
mannaeyjum, hefur boðið sig fram
gegn Vigdísi Finnbogadóttur, for-
seta. JIH
BREYTT
KÍLÓMETRAGJALD
ÍSTAÐGREÐSLU
FRÁ 1. MAÍ1988
Frá og með 1. maí 1988 breytist áður auglýst skattmat á kílómetragjaldi, sbr.
auglýsingu ríkisskattstjóra nr. 3 frá 4. janúar sl.
Mattil tekna á endurgjaldslausum afnotum launamanns af bifreið sem launagreiðandi
hans lœtur honum í té hœkkar þannig:
Fyrírfyrstu 10.000 kmafnotúr 15,50 pr. kmfkr. 16,55pr. km.
Fyrirnœstu 10.000 km afnot úr 13,90 pr. km fkr. 14,85 pr. km.
Yflr20.000 km afnot úr 12,25 pr. km fkr. 13,10 pr. km.
Mat á endurgreiddum kostnaði til launamanns vegna afnota launagreiðanda af
bifreið hans, sem halda má utan staðgreiðslu, hœkkar þannig:
Fyrirfyrstu 10.000km afnotúr 15,50pr. km f kr. 16,55 pr. km.
Fyrírnœstu 10.000 km afnotúr 13,90pr. kmíkr. 14,85 pr. km.
Yfir20.000 km afnot úr 12,25pr.kmíkr. 13,10pr.km.
Fái launamaður greitt kílómetragjald frá opinberum aðilum vegna aksturs í þágu
þeirra sem miðastvið „sérstakt gjald" eða „torfœrugjald" sem
Ferðakostnaðarnefnd ákveður má hœkka kílómetragjaldið sem hér segir:
Fyrir 1 - 10.000 km akstur- sérstakt gjald hœkkun um 2,55 kr. pr. km.
torfœrugjald hœkkun um 6,90 kr. pr. km.
Fyrir 10.001 -20.000kmakstur-sérstaktgjaldhœkkun um2,25kr.pr. km.
torfœrugjald hœkkun um 6, lOkr. pr. km.
Umfram 20.000 km akstur-sérstaktgjald hœkkun um 2,00 kr. pr. km.
torfœrugjald hœkkun um 5,40 kr. pr. km.
Önnur atriði í áðurnefndri auglýsingu nr. 3 frá 4. janúar sl. breytast ekki.
RSK
RÍKISSKATTSTJÓRI