Tíminn - 20.09.1988, Side 18
18 Tíminn
Þriðjudagur 20. september 1988
Kóreanskar stúlkur dansa „Puk Chum“, gamlan trommudans sem upphaflega fór aðeins fram í musterum Búddhatrúarmanna.
Ólympíuleikarnir í Suður-Kóreu:
Heimamenn hlakka til
að sýna gestum
endurfædda þjóð
Ólympíuleikarnir eru nú hafnir í Seoul, höfuðborg
Suður-Kóreu og er þar mikið um dýrðir eins og vera ber.
Undirbúningur leikanna hefur ekki gengið hávaðalaust
fyrir sig. Lengi vel voru Norður-Kóreumenn með hávæAr
kröfur uppi um að hluti leikanna færi fram í ríki þeirra. Og
þegar útséð varð um að svo yrði tóku herskáir suður-kóre-
anskir námsmenn málstaðinn upp á sína arma og undan-
farnar vikur og mánuði hafa stöðugt borist fréttir af
óeirðum og látum þar sem ást hafa við stúdentar og
óeirðalögregla.
En vonandi verður allt fallið í
ljúfa löð þegar leikarnir fara fram,
því að víst er um það að engir líta
með eins mikilli tilhlökkun til Ól-
ympíuleikanna í Suður-Kóreu og
Suður-Kóreumenn sjálfir. Og
sjaldan áður hefur þjóð bundið
eins mikiar vonir við íþróttavið-
burð og Kóreumenn nú við Ól-
ympíuleikana.
Suður-Kóreumenn
ætla að sýna gestum
endurfædda þjóð
Ólympíuleikarnir sem nú fara
fram í Seoul eru þeir 24. í röðinni.
13.000 íþróttamenn frá 161 landi
taka þátt í leikunum og búist er við
250.000 gestum til borgarinnar.
15.000 blaðamenn eru líka mættir
til leiks.
Kim Yong Nae, borgarstjórinn í
Seoul, er þess fuli viss að „Ól-
ympíuleikarnir tilkynna hátt og
skýrt að við erum endurfæddir“.
Suður-Kóreumenn ætla að nota
Ólympíuleikana til að sýna heimin-
um hvers þeir eru megnugir á
efnahagssviðinu og sýna öðrum
þjóðum menningu sína, en hún er
blanda af áhrifum úr mörgum
áttum.
í Suður-Kóreu búa ellefu millj-
ónir Búddhatrúarmanna, 7,5 millj-
ónir mótmælenda og fimm milljón-
ir eru áhangendur Konfúsíusar.
Búddhatrúarmenn sýna gestum
trommudansa, sem þeir nefna
„Puk Chum“. Þessir dansar voru
áður aðeins viðhafðir í musterun-
um en kóreanskir furstar fluttu þá
inn í hallir sínar.
Bændur, skrýddir trégrímum,
stjórna þjóðdönsum. Tónlistina
leika menn með svartar hettur á
höfði.
Tvískipt land
Kórea liggur milli 35. og 43.
norðlægra breiddarbauga. Land-
inu er skipt í tvennt og landamærin
eru aðeins í 48 kílómetra fjarlægð
frá Seoul.
í kommúnistaríkinu Norður-
Kóreu búa 20 milljónir manna
undir órokkanlegri stjórn öldungs-
ins Kim II Sung. Höfuðborg ríkis-
ins er Pyongyang.
í Suður-Kóreu, sem er fimmt-
ungi minni en Norður-Kórea, búa
42,5 milljónir manna. Æðsti maður
ríkisins er Roh Tae-Woo, sem í
desember sl. var kosinn forseti.
Hann er 55 ára gamall.
Almenningi beggja ríkja er
bannað að hafa samgang sín á milli.
Rithöfundurinn Lee O. Young
ritar: „Saga lands vors er saga
auðmýkingar og smánar. Öldum
saman höfum við verið þjóð í
sárum.“
Kínversk og japönsk áhrif
Saga Kóreu hefur mótast mikið
af báðum nágrannaríkjunum Kína
og Japan.
Af Kínverjum lærðu Kóreu-
menn ritmálið. Þeir fengu líka
stjórnkerfið og lögin þaðan og
þróuðu síðan eigin menningu út
frá þessum áhrifum. Kóreanskir
vísindamenn fundu upp regnmæl-
inn og vatnsmælinn.
Öldum saman voru Japanir erki-
fjendur Kóreumanna. Kóreumenn
lögðu hatur á þessa landvinninga-
menn sem eyðilögðu menningu
innfæddra. Af þessari ástæðu er í
hugum Kóreumanna staður í ná-
grenni borgarinnar Chinju heilag-
ur. Sagan segir að þegar Japanir
gerðu innrás 1592 hafi kóreanska
stúlkan Non Gae verið neydd til að
skemmta japönskum hcrshöfð-
ingja. Hún fór með honum á
klettabrún, faðmaði hann að sér og
stökk með hann í fanginu fram af
brúninni, beint í dauðann.
Erlendir herir á 20. öld
Árið 1910 innlimuðu Japanir
Kóreuskaga. 35 árum síðar héldu
bandarískir hermenn innreið sína í
Suður-Kóreu en sovéskir í Norður-
Kóreu.
Á árunum 1950-1953 geisaði
Kóreustríðið. t>ví lauk með því að
landamæri Suður- og Norður-
Kóreu voru mörkuð við 38. breidd-
arbaug. Svæðin báðum megin við
þau mörk voru í rúst.
í kommúniska norðurhlutanum
var sett á fót „alþýðulýðveldi", en
í suðurhlutanum náði Park Chung
Hee hershöfðingi undir sig völdun-
um með byltingu. Hann fyrirskip-
aði iðnvæðingu landsins án tillits til
þess hvað kynni að glatast þar^
,með. Suður-Kóreumenn hlýddu.
Spáð að Kórea
verði heimsveldi
Margir íbúar landsins trúa á
„Chonggam Rok“, safn spádóma.
Þar er því spáð að á næsta árþús-
undi verði landið heimsveldi.
Nú er Suður-Kórea í tíunda sæti
yfir mestu iðnaðarþjóðir heims og
þjóðarframleiðslan er yfir 100
milljarða Bandaríkjadollara.
í Suður-Kóreu eru smíðuð 30%
allra skipa í heimi. Landið er
næstmesta skipasmíðaland heims,
næst á eftir Japan.
Verið er að koma fótunum undir
bílaframleiðslu í landinu. I byrjun
þessa áratugar voru framleidd
123.000 vélknúin farartæki, á þessu
ári er framleiðslan þegar komin
upp í 1,3 milljón stykki.
Hagvöxtur var 12% á ári undan-
farin tvö ár. Vinnuvika Kóreu-
manna er 54 stundir á viku.