Tíminn - 22.11.1988, Síða 5

Þriðjudagur 22. nóvember 1988
’Tíminn 5
Stjórnmálaályktun flokksþings Alþýðuflokksins:
Ný stjórnmálahreyfing
á grundvelli stefnunnar
„Stefna Alþýðuflokksins byggir
annars vegar á aukinni áherslu á
markaðsbúskap og minni afskiptum
ríkisins af atvinnumálum en hins
vegar á almennum aðgerðum til að
stuðla að stöðugleika í efnahagsmál-
um.“ Þessi tilvitnun er úr víðtækri
stjórnmálaályktun sem var sam-
þykkt á 44. flokksþingi Alþýðu-
flokksins, þar sem stefna flokksins í
veigamiklum málum var mörkuð.
I ályktuninni kemur einnig fram
sú skoðun að jafnaðarstefna Al-
þýðuflokksins geti orðið grundvöllur
að þeirri stjórnmálahreyfingu sem
nauðsynlegt sé að mynda nú þegar
Sjálfstæðisflokkurinn hafi ekki innri
burði til þess að vera leiðandi afl í
íslenskum stjórnmálum. - Nú sé
betra tækifæri en áður að sameina
krafta allra jafnaðarmanna.
Af einstökum áherslum í stefnu
flokksins má nefna að í fyrrnefndri
ályktun kemur fram að flokkurinn
leggur mikla áherslu á að samnings-
rétturinn sé grundvallarréttur launa-
fólks, og í framhaldi af því er bent á
nauðsyn þess að samningsrétturinn
verði endurreistur.
Ályktunin felur einnig í sér vilja
flokksmanna til að hrinda í fram-
kvæmd þeim tillögum um nýja
verkaskiptingu ríkis og sveitarfélaga
sem byggist á því að fleiri verkefni á
sviði opinberrar þjónustu séu falin
sveitarfélögum jafnframt því sem
sveitarfélögunum sé gert fjárhags-
lega kleift að takast á herðar aukin
umsvif.
Á flokksþinginu var einnig sam-
þykkt ályktun þess efnis að taka beri
verktakastarfsemi fyrir varnarliðið
til gagngerrar endurskoðunar. f
stjórnmálaályktuninni sjálfri er ekki
að finna afstöðu til varnarliðsins eða
verktakastarfseminnar en Samband
ungra jafnaðarmanna lagði fram til-
lögu þess efnis að varnarsamningur-
inn verði endurskoðaður með það
fyrir augum að herinn hverfi af landi
brott í áföngum. í tillögu SUJ var
m.a. ákvæði þess efnis að hugmynd-
inni um kjarnorkuvopnalaus
Norðurlönd verði fylgt eftir. Tillögu
SUJ var vísað frá með tilvísun í
ályktanir starfshóps um utanríkis-
mál. ssh
Jón Baldvin Hannibalsson formaður Alþýðuflokksins.
Tímamynd:
5-^UFLOKKS!NS s m tífcP o 44. H6>YÐufKIoS5|
m ' ■ : * 1 o 4(t' 33
Cl&g
Blöndun og átöppun lcy-vodka að
hefjast í Mjólkursamlagi Borgarness:
Framleidslugetan
tvær milljónir lítra
Fyrsti farmurinn, 20 þúsund lítr-
ar af spíra, flöskur og ýmis hráefni
til framleiðslu á Icy-vodka, er kom-
inn til landsins og er vonast til að
blöndun og átöppun geti hafist í
Mjólkursamlagi Borgarness í byrj-
un desember.
Indriði Albertsson, mjólkurbús-
stjóri í Borgamesi, sagði í samtali
við Tímann að búið væri að koma
upp blöndunarstöð og pökkunar-
vél í kjallara mjólkurbúsins, en þar
er jafnframt rekin pizzu-gerð.
Mjólkursamlagið á blöndunarstöð-
ina, en Sproti hf. ásamt bandaríska
fyrirtækinu Brown Forman eiga
pökkunarvélina, og er mjólkur-
samlagið verktaki hjá Sprota hf.
Þegar reksturinn verður kominn í
fullan gang má búast við að 10 til
12 manns hafi atvinnu af blöndun-
inni, en framleiðslugetan er2 millj-
ónir lítra á ári, sem samsvarar
2.666.666 þriggja pela flöskum.
Allar umbúðir eru komnar til
landsins og er spírinn, sem er í 20
þúsund lítra tanki, ótollafgreiddur
en beðið er eftir leyfisveitingum
frá fjármálaráðuneytinu. Sam-
kvæmt heimildum Tímans var ætl-
unin að fá að flytja spírann inn án
þess að ÁTVR hefði þar milli-
göngu um, en sem kunnugt er
hefur ÁTVR einkaleyfi á innflutn-
ingi spíra.
Ráðuneytisstjóri í fjármálaráðu-
neytinu, Sigurgeir Jónsson, sagði
að sótt hefði verið um leyfi til
framleiðslu á Icy-vodka í Borgar-
nesi og væri umsóknin til afgreiðslu
hjá ráðuneytinu. Hann sagði að
þeim hefði áður verið veitt fram-
leiðsluleyfi til bráðabirgða, en nú
væri framtíðarleyfi til umfjöllunar.
Aðspurður sagðist Sigurgeir reikna
með að spírinn yrði að fara í gegn
um ÁTVR, „það er það sem lögin
segja“.
Höskuldur Jónsson forstjóri
Áfengis- og tóbaksverslunar ríkis-
ins sagði í samtali við Tímann að
engin pöntun á spíra hefði borist
inn á borð til þeirra. Hann taldi þó
líklegt að þessi innflutningur færi í
gegn um þá. Aðspurður sagðist
Höskuldur ekki eiga von á því að
framleiðsla Icy-vodka kæmi til með
að hafa áhrif á framleiðslu ÁTVR.
„Þó veit maður aldrei, það er nú
svo að menn auka ekki drykkju í
hvert skipti sem eitthvað bætist við
heldur hefur það áhrif á það sem
er fyrir. Hvort þau áhrif komi fram
á Bandaríkjamarkaði veit ég ekki,
get ekki sagt um það að svo
stöddu," sagði Höskuldur. ÁTVR
fytur Eldurís vodka m.a. til Banda-
ríkjanna og fleiri landa. í lok
vikunnar fara tveir gámar til
Bandaríkjanna og einnig nokkurt
magn til Noregs og Þýskalands.
-ABÓ
SYNINGU A „STORUM
0G SMÁUM" FRESTAÐ
Frumsýningu Þjóðleikhússins á
leikritinu „Stór og smár“ sem átti að
verða sl. laugardag hefur verið frest-
að um fjóra daga.
Ástæða frestunarinnar er sú, að
sögn Gísla Alfreðssonar þjóð-
leikhússtjóra, að gera þarf lagfæring-
ar á verkinu en Gísli vildi ekki
upplýsa hvers eðlis lagfæringarnar
væru. Hinsvegar sagði Gísli að þetta
væri alls ekki óalgengt og samráð
væri haft við leikstjóra um allar
breytingar. „Málið er bara það að
leikritið fékk of lítinn tíma í tækni-
vinnu og sviðsetningu, þannig að
það þurfti að fresta frumsýningu.“
Frumsýning leikritsins verður því
n.k. miðvikudag kl. 20:00. ssh
Áhöfn Áskels ÞH bjargað þegar eld-
ur kom upp í bátnum á Selvogsbanka:
Báturinn mjög
mikid skemmdur
Eldur kom upp í Áskeli ÞH 48,70
tonna eikarbáti frá Grenivík um
hálffimmleytið í fyrrinótt, þar sem
báturinn var að veiðum á Selvogs-
banka. Áhöfninni, fjórum mönnum,
var bjargað um borð í Reyni GK,
sem flutti þá til Þorlákshafnar. Einn
skipverjanna meiddist á hendi þegar
þeir yfirgáfu brennandi bátinn.
Stokksey ÁR, sem kom fýrst að
bátnum tók hann í tog og dró hann
til hafnar í Eyjum.
Ágúst Bergsson skipstjóri á Lóðs-
inum, dráttar- og hafnsögubát þeirra
Eyjamanna, sagði í samtali við Tím-
ann að þeir hefðu verið ræstir um
klukkan fimm í gærmorgun og þá
þegar farið af stað ásamt sex slökkvi-
liðsmönnum til móts við Stokksey,
sem var með Áskel í togi á leið til
Eyja. Tvær öflugar dælur voru hafð-
ar með í förinni, önnur til að slökkva
með eldinn, en hin til að dæla sjó úr
bátnum og var Lóðsinn kominn til
skipanna á nfunda tímanum. Ágúst
sagði að þegar þeir hefðu komið að
hefði töluverður eldur logað í
bátnum. „Við lögðumst að honum
og byrjuðum að sprauta. Það bar
fljótt árangur og því héldum við
slökkvistarfi áfram. Síðan töldum
við okkur vera búna að slökkva
eldinn og fórum yfir í Lóðsinn aftur.
Skömmu seinna gaus eldurinn upp
aftur og við renndum okkur upp að
síðunni aftur, en Stokksey dró hann
á hægri ferð undan austan golunni
og við vorum að brasa í honum held
ég til að verða tólf. Það gaus upp
eldur í þriðja skiptið, þá í þilinu
fram við vélarhúsið," sagði Ágúst.
Hann sagði að mesta brasið hefði
verið að fást við eldinn sem var á bak
við olíutankana og voru þeir á
tímabili hræddir um að tankarnir
myndu jafnvel springa. Þá þurftu
þeir að rjúfa gat á dekkið til að
komast betur að eldinum.
Lóðsinn og Stokksey með Áskel í
togi komu til Vestmannaeyja um
klukkan þrjú í gærdag. Áskell er
mjög mikið skemmdur. Óvíst er um
eldsupptök. -ABÓ
Hleypt af
byssuí
heimahúsi
Lögreglunni á Selfossi var að
morgni laugardags tilkynnt um
að skot hefði hlaupið úr byssu í
íbúðarhúsi í Hveragerði. Ekki
urðu slys á mönnum en einhverj-
ar skemmdir urðu á eldhúsborði.
Þrír ungir menn höfðu setið að
drykkju í húsinu og hafði húsráð-
andi fyrr um nóttina sýnt gestum
sínum haglabyssu, sem hann
hafði nýlega fest kaup á. Tveir
piltanna fóru eitthvað að rífast og
tók sá þriðji þá byssuna og mun
hafa mundað hana. Eigandinn
greip þá um byssuna og beindi
henni til hliðar og í sömu mund
hljóp skot úr byssunni. Ekki urðu
meiðsli á mönnunum en skemmd-
ir urðu á eldhúsborði.
Sá sem skaut af byssunni var
handtekinn og færður í fangag-
eymslur, þar sem ekki var hægt
að yfirheyra hann sökum ölvun-
ar. -ABÓ