Tíminn - 01.12.1989, Blaðsíða 3
Föstudagur 1. desember 1989
Tíminn 3
Greiðslukortaviðskipti breytast með tilkomu íslandsbanka eftir áramótin:
Gefa allir bankar út
allar tegundir korta?
Þegar íslandsbanki tekur til starfa snenuna á næsta ári
tekur tii starfa einn banki sem soðinn er saman úr Alþýðu-
banka, Útvegsbanka, Verslunarbanka og Iðnaðarbanka.
Þessir bankar hafa allir verið umboðsaðilar fyrir krítarkorta-
fyrirtækin tvö sem hér starfa; Visa ísland og Kreditkort h.f.
sem er umboðsaðili Eurocard. Hins vegar hefur enginn
þessara banka sem senn hætta starfsemi höndlað samtímis
með bæði krítarkortin; Visa og Eurocard.
Hvaða augum líta forsvarsmenn
kortafyrirtækjanna á það að einn og
sami bankinn verði skyndilega um-
boðsaðili fyrir bæði kortin? Við
spurðum fyrst Einar S. Einarsson
framkvæmdastjóra Visa fsland og
Greiðslumiðlunar h.f.:
„Þetta mál er til meðferðar hjá
stjórn Visa og ekki hægt að slá neinu
föstu um niðurstöðu enn. Visa ísland
er samtök íslensku bankanna sem
umboð hafa fyrir Visakortin um
hópaðild að Visa International.
Markmið Visa ísland er að gefa út
Visa greiðslukort og veita Visa þjón-
ustu og Greiðslumiðlun h.f. sér um
daglegan rekstur og útgáfu á kortun-
um, útskrift reikninga og slíkt.
Hvort að síðan aðrir aðilar sem
eru með sams konar rekstur verða
samþykktir inn í þessa hópaðild er
enn til meðferðar hjá stjóm Visa en
þreifingar em í gangi milli aðila um
lausn á málinu," sagði Einar S.
Einarsson framkvæmdastjóri Visa
Island.
Einar sagði að svokölluð tvíkorta-
þjónusta væri orðin mjög algeng í
heiminum. Þannig væm fjölmargir
bankar farnir að þjónusta fleiri teg-
undir korta en aðeins eina. Hann
nefndi að Lloyd's bankinn í Eng-
landi hefði áður verið með Eurocard
en væri nú einnig með Visa. Sömu
sögu væri að segja um Barclaycard
sem væri rótgróinn Visabanki frá
fyrstu tíð. Hann væri nú fárinn að
gefa út Master Card þannig að segja
mætti að þetta væri hin almenna
þróun og eins líklegt að hún yrði
einnig hér.
„Það er rétt að það verður einn
banki eftir áramótin með bæði
kortin. Að því er við vitum best er
það ákvörðun f slandsbanka að verða
með þjónustu fyrir bæði greiðsluk-
ortin og þá verður spurning hvað
hinir bankarnir þrír og sparisjóðirnir
gera í því og hvort þeir sætti sig að
verða með aðeins annað kortið hver
þeirra," sagði Gunnar Bæringsson
forstjóri Kreditkorta h.f., umboðs-
aðila Eurocard. Gunnar tók í sama
streng og Einar og sagði að þróunin
væri sú að ailir bankar gæfu út öll
kort og sjálfsagt yrði það raunin hér
einnig. - sá
Halldór Runólfsson hjá Hollustuvernd ríkisins segir að DV fari rangt
með staðreyndir í frétt um að 30% af allri mjólk sé óhæf til neyslu:
MJÓLK ER GÓD
„Staðreyndin er sú að mjólk sem er hér á markaðinum er
mjög góð,“ segir HaUdór Runólfsson dýralæknir hjá Hollust-
uvernd ríkisins. Halldór segir að rangt sé að einblúna á
frumutölu mjólkurinnar þegar rætt sé um hoUustu hennar.
Undanfama daga hefur DV birt
fréttir um gæði íslenskrar mjólkur.
Meðal annars er fullyrt að nærri
30% af allri neyslumjólk sé óhæf til
neyslu. Af þessu tilefni hafði Tíminn
samband við Halldór Runólfsson
hjá Hollustuvemd ríkisins, en sú
stofnun hefur samkvæmt lögum yfir-
umsjón með eftirliti á mjólk og
mjólkurvömm.
„Það em gerðar miklu meiri kröf-
ur til fyrsta flokks mjólkur í dag en
var fyrir nokkmm ámm. Fyrir fáum
ámm vom mörkin milli fyrsta og
annars flokks 300-400 þúsund gerlar
í millilítra en núna em mörkin 100
þúsund gerlar í hverju millilítra.
Þetta er svipað og er hjá öðmm
þjóðum.“
Það er vitað að frumutala í mjólk
hér á landi er hærri en í nágranna-
löndunum. Það em ýmsir þættir sem
hafa áhrif á fmmutöluna. Júgur-
bólga hefur mest áhrif, en einnig
aldur kúnna og hvar þær em staddar
í mjólkurskeiðinu. Fmmutalan
hækkar þegar kýmar geldast og eins
er hún jafnan há skömmu eftir að
þær bera.
Halldór var spurður hvort að segj a
mætti að mjólk með hárri fmmutölu
væri vond eða óhæf til neyslu.
„Það er erfitt að taka af skarið og
segja að hún sé algerlega heilbrigð
eða algerlega óhæf. Það er ekki rétt
áð einblína of mikið á fmmutöluna.
Hún ein sér segir ekki mikið um
heilnæmi mjólkurinnar. Júgurbólgu-
mjólk er auðvitað ekki í lagi. Við
vildum gjaman sjá þessar fmmutöl-
ur lægri. Spumingin er bara um
skilgreiningu, hvenær verður mjólk-
in júgurbólgumjólk?
Það er til svokölluð krónísk júgur-
bólga. Sú júgurbólga er dulin og því
verða bændur ekki varir við hana.
Eina leiðin til að finna hana er með
fmmumælingum. Það erþessi júgur-
bólga sem veldur hárri fmmutölu.
Mjólk með hárri fmmutölu fer til
okkar neytenda í einhverjum mæli
en þegar búið er að gerilsneyða hana
er þetta orðið heilnæm vara.“
Fer DV þá ekki með rétt mál?
„Nei, mér finnst DV taka ansi
æsifréttalega á þessu máli og fara
rangt með staðreyndir. Þeir tala t.d.
um slímkennda og strimlaða mjólk.
í mjólkurreglugerðinni frá 1986 er
talað um svona mjólk eigi að henda
og það er gert. Menn gera sér grein
fyrir að svona mjólk myndi aldrei
komast í fyrsta flokk. í DV er látið
liggja að því að þessi mjólk sé send
í mjólkurbúin en það er ekki rétt.“
Halldór sagðist telja skynsamlegt
að herða reglur um flokkun mjólkur
enn frekar. Það myndi bæta hráefnið
og létta mjólkurbúunum vinnsluna.
Halldór sagði að framleiðendur og
mjólkurbúin væru ábyrgir aðilar og
þeir gerðu sér mæta vel grein fyrir að
markaðurinn væri viðkvæmur.
Halldór sagði að það sem ylli
mjólkurbúunum fyrst og fremst erf-
iðleikum væri ef fúkkalyf væru í
mjólkinni. Slík mjólk er óhæf til
neyslu. Ef þetta gerist er ekki hægt
að sýra mjólkina en það veldur
erfiðleikum við jógurt- og súrmjólk-
urgerð. Halldór sagði að fylgst væri
mjög náið með þessum þætti. Flest
mjólkurbúin eru með góða aðstöðu
til að athuga hvort lyf eru í mjólk-
inni. Halldór sagði að það væri orðið
mjög óalgengt að erfiðleikar kæmu
upp vegna lyfja í mjólk og að það
heyrði til algerra undantekninga að
lyf fyndust í neyslumjólk. - EÓ
Atkvæðagreiðsla í A-Skaftafellssýslu:
Fimm hreppar
sameinast
Tillaga um sameiningu fimm
hreppa í Austur-Skaftafellssýslu
var samþykkt í almennri atkvæðag-
reiðslu síðast liðinn laugardag.
Aðeins í einum hreppi, Leiðvalla-
hreppi, var veruleg andstaða við
sameiningu, en þar greiddu 18
atkvæði með tillögunni en 24 voru
á móti henni. Þessi andstaða var þó
ekki nægilega mikil til að fella
tillöguna því að samkvæmt lögum
verður helmingur atkvæðisbærra
manna að greiða atkvæði gegn
sameiningartillögu til að hún falli.
Alls greiddu 302 atkvæði og
voru samtals 222 fylgjandi samein-
ingu en 80 á móti. Á kjörskrá voru
476. Kosningaþátttaka var því
63,5%. Hrepparnir fimm eru
Álftavershreppur, Leiðvallahrepp-
ur, Skaftártunguhreppur, Kirkju-
bæjarhreppur og Hörglandshrepp-
ur.
Að sögn Húnboga Þorsteinsson-
ar skrifstofustjóra í félagsmála-
ráðuneytinu verður á næstunni
haldinn sameiginlegur fundur allra
sveitarstjórnarmanna á svæðinu. í
framhaldi af því verður málið sent
ráðherra. Allt bendir því til þess að
þessir hreppar sameinist í vor.
Væntanlega verður kosin sameig-
inleg hreppsnefnd fyrir hreppana
um leið og almennar sveitarstjórn-
arkosningar fara fram í vor. Þá
verður væntanlega einnig kosin
sameiginleg hreppsnefnd fyrir
Hofsós, Hofshrepps og
Fellshrepps, en þessir hreppar hafa
þegar samþykkt að sameinast.
- EÓ