Tíminn - 08.02.1991, Qupperneq 2
2 Tíminn
Föstudagur 8. febrúar 1991
Kostnaður Landsvirkjunar við að virkja hefur hækkað um 20%.
Jón Sigurðsson ætlar að leggja fram frumvarp um álver á næstunni:
„Ekki bara arðsemi Lands-
virkjunar sem skiptir máli“
Landsvirkjun hefur látiö endurskoða kostnað við byggingu virkjana
vegna nýs álvers á Keilisnesi. Niðurstaðan er að kostnaðurinn hef-
ur hækkað um náiægt 20% í dollurum talið, en sé miðað við ís-
Ienskar krónur er hækkunin innan við almennar verðlagshækkanir.
Óvíst er hvað áhrif þetta hefur á arðsemi virkjananna, en verið er að
kanna það. í gær lauk samningaviðræðum samninganefndar Lands-
virkjunar og fulltrúa bandaríska fyrirtækisins Alumax. Mál þokuð-
ust í rétta átt í ýmsum tæknilegum atriðum, en enn er allt í óvissu
um Qármögnun fyrirtækisins. Þrátt fyrir að ljóst sé að samningum
sé ekki lokið, hyggst iðnaðarráðherra leggja fram frumvarp á næstu
vikum, sem heimilar byggingu álvers á Keilisnesi.
í lok síðasta árs skilaði alþjóðlega
verkfræði- og ráðgjafafyrirtækið
Bechtel endurskoðaðri skýrslu til
Atlantsáls um kostnað við byggingu
álvers á íslandi. í skýrslunni kemur
fram að kostnaðurinn er um 20%
hærri en talið var þegar upphafleg
áætlun var gerð vorið 1989. Skýra
má þessa hækkun fyrst og fremst
með gengislækkun dollars. Lands-
virkjun lét endurskoða sínar kostn-
aðaráætlanir með sama hætti og
Atlantsál. Niðurstaðan er sú sama.
Kostnaður við að virkja hefur hækk-
að um 20% sé miðað við dollar. Jón
Sigurðsson iðnaðarráðherra var
spurður hvaða áhrif þessi endur-
skoðaða áætlun hefði á arðsemina.
„Það er ekki hægt að svara spurn-
ingum um arðsemi á þessari stundu.
Það hefur orðið verðhækkun á ís-
landi frá því í desember 1989. Ég
geri ráð fyrir að hún muni hafa áhrif
á framkvæmdakostnað í íslenskum
krónum. Ég fullyrði hins vegar að
þar hafi ekki orðið raunveruleg
hækkun. Gengisaðstæður í heimin-
um gera það að verkum að kostnað-
urinn, reiknaður í dollurum, hefur
hækkað. Hann hefur hins vegar
lækkað, reiknað í sumum Evrópu-
myntum. Þetta sýnir gengisóvissu
sem er meiri en menn áttu von á.
Þetta gerir matið á verkefninu
vandasamara en áður. Ef gengið á
Bandaríkjadollar er mjög lágt er ál-
verð í dollurum einnig hærra þegar
til lengdar lætur. Þetta kennir
reynslan okkur. Það er erfitt að meta
þetta þegar horft er til næstu 30 ára,
en það er ljóst að hækkunin í Banda-
ríkjadollurum segir ekki alla sögu
og rangt að einblína á hana eina.“
Er það rétt að miðað við endur-
skoðaða kostnaðaráætlun Lands-
virkjunar og að orkan verði seld á 18
mills, muni Landsvirkjun tapa 10-
15 milljörðum á samningstíman-
um?
„Ég tel alls ekki hægt að fara með
neinar tölur á þessu stigi. Ég tel það
ábyrgðarlítið. Það er ekki nóg að
meta kostnaðinn, það þarf einnig að
meta tekjurnar upp á nýtt. Það hefur
ekki verið gert enn til hlítar. Það er
Jón Sigurösson iðnaðarráöherra.
ekki bara arðsemi Landsvirkjunar
sem skiptir máli. Þjóðhagslegt gildi
framkvæmdanna skiptir einnig
máli.
Það sem er mikilvægast í málinu er
að halda því vakandi og að við miss-
um ekki sjónar af ávinningnum sem
af því má fá. Ég tel að eftir sem áður
standi málið sterkt sem æskileg og
nauðsynleg viðbót við okkar at-
vinnulíf. Loðnubresturinn hefur
minnt okkur á hvað við erum háðir
sjónum og hvað fiskstofnarnir
standa veikt. Hafi fyrr verið þörf fyr-
ir þessa viðbót, þá er núna brýn
nauðsyn á henni,“ sagði iðnaðarráð-
herra.
Jón sagðist telja nauðsynlegt að Al-
þingi veiti heimild til að gera samn-
ing um byggingu álvers á Keilisnesi,
þrátt fyrir að málið sé eitthvað
skemmra á veg komið en hann hefði
kosið. Hann sagðist stefna að því að
kynna ríkisstjóminni heimildar-
lagafrumvarp á næstu dögum og
leita eftir stuðningi við það. Iðnað-
arráðherra fer til fundar við aðalfor-
stjóra álfyrirtækjanna þriggja á
mánudaginn. Fundirnir standa á
þriðjudag og miðvikudag. Jón
hyggst einnig ræða við bankastjóra
um fjármögnun fyrirtækisins. Hann
sagði að reynt yrði að fá á hreint
tímasetningar varðandi fram-
kvæmdir við álverið, en mikið hefur
verið rætt um það síðustu vikur að
framkvæmdir muni tefjast um
nokkra mánuði eða jafnvel heilt ár.
Jón sagði hugsanlegt að frumvarp-
ið, sem að öllum líkindum verður
lagt fram á Alþingi á næstu vikum,
verði öðruvísi en hann hafði vonast
eftir. Hann sagði að endanleg mynd
þess myndi ráðast af niðurstöðu
fundarins í næstu viku. ,Auðvitað
sem ég það frumvarp, sem ég tel
hæfa aðstæðunum og líklegast er til
að hljóta meirihlutastuðning," sagði
Jón. -EÓ
ritin Design Studio, Color Studio,
Font Studio, Image Studio og Letra
Studio frá fyrirtækin Letraset.
Studio- forritin frá Letraset eru
sniðin fyrir Macintosh-tölvur. Þau
eru ein fullkomnustu forrit til sinna
nota sem nú eru á markaði. Gjöfin
í lok janúar var Iðnskólanum í
Reykjavík afhent kærkomin gjöf,
þegar Fróði Björnsson, fram-
kvæmdastjóri Tölvustofunnar hf.,
afhenti skólanum fimm forrit til
kennslu í bókiðnadeild.
Hér er um að ræða hönnunarfor-
Byggðastofnun samþykkir:
Styrkveitingar til
atvinnuþróunarmála
á landsbyggðinni
Fróði Bjömsson, ffamkvæmdastjóri Tölvustofunnar hf., Lv., afhendir Ingvari Ásmundssyni, skólameistara Iðn-
skólans í Reykjavík, gjöf fýrirtækis síns.
Iðnskólanum afhent gjöf
gerir skólanum kleift að bæta veru-
lega kennslu í þeim þáttum bóka-
geröar, sem snýr að hönnun og upp-
setningu prentgripa. Iðnskólinn í
Reykjavík kann Tölvustofunni hf.
bestu þakkir fyrir þessa góðu gjöf.
(Fréttatilkynning)
Byggðastofnun samþykkti á fundi
s.l. þriðjudag að verja allt að 15
milljónum króna til að taka þátt í
rekstrarkostnaði átaks- og þróunar-
verkefna á móti heimamönnum í
einstökum héruðum landsins.
Einnig var samþykkt hjá stofnun-
inni að veita allt að 25 milljónum
króna til þess að styrkja undirbún-
ingsrannsóknir vegna einstakra at-
vinnukosta á vegum átaksverkefna,
iðnráðgjafa og atvinnuþróunarfé-
laga. Með þessari samþykkt vill
Byggðastofnun leggja sitt af mörk-
um til þess að tryggja atvinnuþró-
unarstarfsemi á landsbyggðinni.
í fréttatilkynningu frá stofnuninni
segir að á undanförnum misserum
hafi verið mikið rætt um það með
hvaða hætti vörn skuli snúið í sókn í
Sveitarstjórn í nýjum Öxarfjarðarhreppi
Um síðustu helgi var sveitarstjórn
kjörin í nýjum Öxarfjarðarhreppi,
sem varð til við sameiningu Prest-
hólahrepps og Öxarfjarðarhrepps.
Mikill meirihluti hreppanna tveggja
samþykkti sameininguna í kosning-
um, sem haldnar voru í lok desem-
ber. í sveitarstjórnarkosningunum
var kosið óhlutbundinni kosningu,
og var kosningaþátttaka um 65%.
Oddvitar gömlu hreppanna fengu
langflest atkvæði, en eftirtaldir aðil-
ar voru kjörnir:
Björn Benediktsson Sandfellshaga,
143 atkvæði.
Ingunn St. Svavarsdóttir Kópaskeri,
142 atkvæði.
Dagbjartur Bogi Ingimundarson
Brekku, 83 atkvæði.
Karl Sigurður Björnsson Hafrafells-
tungu, 82 atkvæði.
Haraldur Sigurðsson Núpskötlu, 81
atkvæði.
Fyrstu varamenn í sveitarstjórn
eru Benedikt Kristjánsson á Þverá
og Iðunn Antonsdóttir Kópaskeri.
Að sögn Ingunnar St Svavarsdóttur,
oddvita „gamla" Öxarfjarðarhrepps,
gengur formleg sameining hreppanna
í gildi þann 17. febrúar. Fyrsti fundur
nýkjörinnar sveitarstjómar verður 21.
febrúar, og þá mun sveitarstjóm skipta
með sér verkum, oddviti kjörinn og
rætt um ráðningu sveitarstjóra. Að því
búnu verður hafist handa við þau verk-
efni sem bíða nýrrar sveitarstjómar.
Ingunn sagði að mjög væri hvatt til
að sameina minni hreppa, og reynt
væri að greiða fyrir þeim málum.
T.d. greiddi Jöfnunarsjóður sveitarfé-
laga kostnað vegna sameiningarinn-
ar, og 70% af launum sveitarstjóra í
4 ár. „Þetta er líka ávinningur fyrir
báða hreppana, því við fengum vil-
yrði íyrir aðstoð við uppbyggingu at-
vinnuvega, vegagerð, og lagningu
hitaveitu í skólana á svæðinu. Fjár-
hagsstaða Prestliólahrepps var mjög
slæm, Jöfnunarsjóður sveitarfélaga
kom til móts við okkur, og skulda-
staða hreppanna var jöfnuð."
Ingunn sagði að þegar farið var að
ræða um sameininguna hefði Keldu-
neshreppur einnig verið inni í mynd-
inni. Þeir tóku hins vegar þá ákvörðun
að taka ekki þátt í sameiningunni að
þessu sinni. Hins vegar er ekki búið að
loka á þá, og vilji þeir hefja samninga-
viðræður síðar, verður þeim tekið
opnum örmum. hiá-akureyri.
atvinnumálum landsbyggðarinnar.
Efling atvinnuþróunar í einstökum
héruðum hefur verið talin ein leið í
þessu sambandi. Víða um land hefur
verið stofnað til ýmiskonar starf-
semi sem hefur það að markmiði að
auka fjölbreytni í atvinnulífinu.
Nokkru fé hefur verið veitt til slíkra
verkefna á undanförnum árum, en
nú verður það fjármagn, sem til ráð-
stöfunar er, aukið verulega.
Með fjárframlögum Byggðastofn-
unar er annars vegar um að ræða
fjárframlög til rekstrarkostnaðar við
átaksverkefni og ýmsa aðra starf-
semi, sem hefur atvinnuþróun ein-
stakra héraða að markmiði, og hins
vegar þátttaka Byggðastofnunar í
undirbúningskönnunum vegna nýrra
atvinnutækifæra.
Þátttaka Byggðastofnunar í ein-
stökum verkefnum er metin í hverju
tilviki, en reiknað er með því að hún
verði um helmingur kostnaðar víð-
ast hvar, en fer þó eftir fólksfjöida og
aðstæðum á hverjum stað. Lögð
verður áhersla á að verkefni séu vel
skipulögð áður en í þau verður ráð-
ist, segir í fréttatilkynningunni.
í tilkynningunni segir jafnframt að
fjöldi styrkveitingarbeiðna vegna
verkefna úti á landi liggi fyrir hjá
Byggðastofnun nú þegar og var
samþykkt á fundinum á þriðjudag
að taka þátt í nokkrum slíkum verk-
efnum. Meðal verkefna, sem sam-
þykkt voru, voru verkefni í Mýrdals-
hreppi, Dalasýslu og A- Barða-
strandarsýslu, Þingeyjarsýslu og A-
Húnavatnssýslu ásamt hluta
Skagafjarðar auk fleiri. —GEÓ