Tíminn - 20.03.1991, Síða 2

2 Tíminn
Miðvikudagur 20. mars 1991
Átaksverkefni í at-
vinnumálum í Mýrdal
„Með þessu vorum við að leita að hugmyndunum sem
væru raunhæfar til úrbóta í framtíðinni,“ sagði Haf-
steinn Jóhannesson, sveitarstjóri í Vík í Mýrdal, í sam-
tali við Tímann, en um helgina var haldin ráðstefna í Vík
sem er þáttur í átaksverkefni í atvinnumálum í Mýrdal
sem ber nafnið Framtíð. Þetta var fyrri ráðstefnan af
tveimur og var hún fjölsótt og komu þar fram margar
góðar hugmyndir, að sögn Hafsteins.
Það var sveitarstjórn Mýrdals-
hrepps sem tók ákvörðun um að
fara út í þetta verkefni í þeirri von
að bæta það atvinnuástand sem
ríkjandi hefur verið í byggðarlag-
inu. Átaksverkefnið er í raun fólg-
ið í samvinnu íbúa Mýrdalshrepps
við að renna styrkari stoðum und-
ir atvinnulífið í hreppnum. Áætl-
aður kostnaður við verkefnið er 6
miljónir og er fjármagnað af At-
vinnuþróunarsjóði Suðurlands,
Byggðastofnun og ýmsum fyrir-
tækjum í Mýrdal. Verkefnið stend-
ur til haustmánaða á næsta ári og
er framkvæmdastjóri þess Bene-
dikt Sigurbjörnsson.
Að sögn Hafsteins sveitarsjóra
mættu um 70 manns á ráðstefn-
una, eða um 12% af 599 íbúum
hreppsins. Þar var starfað í hópum
sem voru: unga fólkið og framtíð-
in, ferðamál, atvinna kvenna í
dreifbýli, verslun og þjónusta, efri
árin, framleiðsluiðnaður og út-
gerð og loks þjónustuiðnaður og
verktakastarfsemi.
Hafsteinn sagði að frá öllum
þessum hópum hefðu komið snið-
ugar tillögur. Sumar virtist lítið
mál að framkvæma, en aðrar
þyrftu frekari útfærslu. Margar
lúta að ferðaþjónustu og ýmiskon-
ar smáiðnaði. í hugmyndum land-
búnaðarnefndar er hvatt til auk-
innar nýtingar náttúruauðlind-
anna sjálfra, t.d. með fuglaveiði og
eggjatöku.
Yfir starf liðinnar helgar og þær
tillögur sem þar komu fram verð-
ur farið í þessari viku og þær síðan
ræddar frekar á annarri ráðstefnu
um næstu helgi. Um tilgang þessa
sagði Hafsteinn Jóhannesson
sveitarstjóri: „Við erum að þessu
m.a. til að vekja athygli á lands-
byggðinni, sem fær alltof mikið af
neikvæðu umtali. Hluti eins og
þessa þurfum við að framkvæma
sjálf, við fáum ekkert á silfurfati."
-sbs.
Frá fundinum á Selfossi. Tómas Jónsson er í ræöustól, en fjær er Guöni Ágústsson. Lengst til vinstri er
fundarstjórínn, Sigurfinnur Sigurösson. Tímamynd: sigurtur Bogi
Þingsályktunartillaga um breikkun leiðarinnar milli Reykjavíkur og Selfoss:
Framkvæmd sem þolir enga
bið af öryggisástæðum
,jviaður sér það æ betur að sá vegur sem Iiggur á milli Reykjavík-
ur og Selfoss þjónar alls ekki þeim kröfum sem til hans eru gerð-
ar. Svo mikið er umferðarálagið orðið og slysin á þessari leið
hrikaleg.“
Þetta sagði Guðni Ágústsson al-
þingismaður á opnum borgara-
fundi á Selfossi nýlega. Þar var rætt
um þingsályktunartillögu sem
Guðni, ásamt þremur öðrum þing-
mönnum kjördæmisins, hefur lagt
fram á Alþingi þar sem því er beint
til samgönguráðherra að undir-
búningur að breikkun þessarar
leiðar, þ.e. tvær akreinar í hvora átt
verði hafin sem fyrst. Kannað verði
hvort hægt sé að vinna verkið í
áföngum með það að markmiði að
fyrst verði akbrautin tvöfölduð þar
sem hættan er mest. Ennfremur
verði fundin sérstök fjáröflunarleið
fyrir þetta mikilvæga verkefni.
Frá árinu 1973 fram á þetta ár
hafa 23 látist í umferðarslysum
sem hafa orðið á þessari leið. Álíka
margir hafa beðið varanlegt heilsu-
tjón og örkuml af slysum á þessari
leið á sama tímabili. Meðalumferð
á dag hefur líka vaxið stórlega. Árið
1975 fóru að meðaltali 1643 bílar
þessa leið á dag á ári, en árið 1989
voru bfiarnir orðnir 2870.
í greinargerð þingsályktunartil-
lögunnar segir um ástæður þess að
þetta mál er lagt fram. Þetta sé
verkefni sem af öryggisástæðum
þoli enga bið. Guðni Ágústsson
sagði að brýnt væri að koma þessu
máli inn í umræðuna nú, því að
þessari framkvæmd þyrfti að vera
lokið fyrir aldamót. Hann benti á
að oft væri tíunduð há slysatíðni á
Reykjanesbraut, en leiðin austur
yfir fjall væri engu hættuminni.
Orðrétt segir um þetta í tillögunni:
„Tvöföldun beggja þessara ak-
brauta ... þ.e. Reykjanesbrautar og
Suðurlandsvegar um Hellisheiði er
slíkt stórverkefni að leita verður
leiðar til að fjármagna þau sérstak-
lega, annað hvort með stórverk-
efnasjóði eða með sérstakri fjáröfl-
un. Ekkert er þjóðinni jafndýrt og
manntjónið og eignatjónið, svo og
langvarandi sjúkrahúsvist og at-
vinnumissir vegna umferðarslysa.
Þótt sökinni verði ekki eingöngu
komið á vegakerfið hvað þetta
áhrærir er ljóst að ákveðnar endur-
bætur minnka hættuna og draga
úr slysunum. Á Suðurlandsvegi
eru nokkrir staðir sem sýnilega eru
öðrum varasamari..." Þeir staðir
eru á Sandskeiði, við Þrengslavega-
mót, í Hveradölum, í Kömbum og
loks í Ölfusi.
„Þrátt fyrir að umferðin á milli
Reykjavíkur og Selfoss sé orðin
mikil og vegurinn flytji ekki með
öryggi þá umferð sem um hann fer,
er það maðurinn sem bregst í flest-
um tilvikum," sagði Tómas Jóns-
son, aðstoðaryfirlögregluþjónn á
Selfossi.
Frá því að lögreglan í Árnessýslu
hóf störf árið 1958, hafa, sam-
kvæmt skrám hennar, 68 manns
farist í 53 umferðarslysum í sýsl-
unni. Framan af var talan ekki há,
en á síðustu 2 árum hafa 21 farist í
12 slysum. Þá kom fram að Árnes-
sýsla er næst á eftir Reykjavík hvað
varðar tíðni banaslysa í umferð-
inni. „Þarna sjáum við hvað málið
er alvarlegt," sagði Tómas.
-sbs.
Leikfélag Akureyrar:
„Kysstu mig Kata“
komið á fjalirnar
Bandaríski söngleikurinn „Kysstu
mig Kata“ (Kiss Me Kate), eftir
Samuel og Bellu Spewack, var
frumsýndur hjá Leikfélagi Akureyr-
ar s.l. föstudagskvöld. Verkið er í
hópi allra vinsælustu söngieikja, og
alls taka um 20 leikarar, dansarar
og tónlistarmenn þátt í sýningunni.
Sýningin er viðamikil og hefur ekk-
ert veríð til sparað að búa leikritinu
sem veglegasta umgjörð. Tónlist og
söngtextar eru eftir bandaríska
djassgeggjarann Cole Porter, og er í
verkinu fluttur fjöldi þekktra dæg-
urlaga eftir hann. Böðvar Guð-
mundsson þýddi leikritið, leikstjóri
er Þórunn Sigurðardóttir, Una Coll-
ins hannaði leikmynd og búninga,
Jakob Magnússon sá um tónlistar-
stjóm og útsetningar, dansar em
eftir Nanette Nelms og Ingvar
Bjömsson hannaði lýsingu.
Söguþráðurinn er lauflétt spaug
um ást og afbrýði. Leikritið gerist í
leikhúsi á frumsýningarkvöldi. Þar
segir frá leikflokki sem er að frum-
sýna einn vinsælasta gamanleik
heimsbókmenntanna, „Snegla tam-
in“ eftir William Shakespeare. Leik-,
söng- og dansatriðin eru ýmist úr
frumsýningunni á „Sneglu", eða at-
burðum baksviðs og í búningsher-
bergjum frumsýningarkvöldið.
Leikritið gerist á heitu júníkvöldi
árið 1948, og tilfinningar fólksins
Ioga í takt við veðrið. Ýmsir óvæntir
atburðir og einkar flókin ástamál
valda því að margt fer öðruvísi en
ætlað er þetta frumsýningarkvöld.
Margvíslegur misskilningur kviknar
milli persónanna, sem flestar eru
mjög ástheitar og lífsþyrstar. Átök
kynjanna í þessum sívinsæla söng-
leik eru skemmtilega vægðarlaus,
en að sjálfsögðu fellur allt í ljúfa löð
þegar dregur nær leikslokum. Fjöldi
íeikara, dansara, söngvara og hljóð-
færaleikara tekur þátt í sýningunni.
Þeir eru: Helgi Björnsson, Ragnhild-
ur Gísladóttir, Vilborg Halldórsdótt-
ir, Valgeir Skagfjörð, Eggert Kaaber,
Björn Ingi Hilmarsson, Jón Be-
nónýsson, Þráinn Karlsson, Jón
Kristjánsson, Kristján Sigurðsson,
Sunna Borg, Gestur Jónasson, Guð-
rún Gunnarsdóttir, Berglind Jónas-
dóttir, Ingibjörg Björnsdóttir,
Hreinn Skagfjörð, Nanette Nelms,
Ástrós Gunnarsdóttir, Jóhann Arn-
arsson, Óskar Einarsson, Birgir
Karlsson, Karl Petersen, Sveinn Sig-
urbjörnsson og Þorsteinn Kjartans-
son.
Næstu sýningar verða fimmtudag-
inn 21. mars, föstudaginn 22. mars,
laugardaginn 23. mars og sunnu-
daginn 24. mars, og hefjast sýningar
kl. 20.30 alla dagana. hiá-akureyri.
Glerárprestakall
á Akureyri:
Þrír umsækjendur
Þrír sóttu um Glerárprestakall á Ak-
ureyri, en umsóknarfrestur rann út
15. þessa mánaðar. Sóknarprestur-
inn, séra Pétur Þórarinsson, hefur
sagt embætti sínu lausu frá 1. aprfl.
Umsækjendurnir þrír eru séra FIosi
Magnússon, prófastur á Bfldudal,
séra Gunnlaugur Garðarsson, að-
stoðarprestur í Garðaprestakalli, og
séra Svavar Alfreð Jónsson, sóknar-
prestur á Ólafsfirði. —SE
Auraráð landsmanna, eftir allt, ekki eins
léleg og áætlað hafði verið?
Innfluttir bílar 2.000
umfram áætlun fjárlaga
„í áætlun fjárlaga hafði verið gert
ráð fyrir að um 6.800 bflar yrðu
fluttir inn 1990, eða heldur færri en
1989, vegna rýrnandi kaupmáttar.
Niðurstaðan varð hins vegar sú, að
innfluttir bflar urðu um 8.800 tals-
ins árið 1990, eða 2.000 bflum um-
fram forsendur fjárlaga," segir í
nýrri skýrslu um ríkisfjármálin á
síðasta ári.
Þessi 25% aukning á bflainnflutn-
ingi milli ára skiptist jafnt á milli
einkabfla og atvinnubfla. Jafnframt
kemur fram að aukningin varð mest
á dýrari bflum. Enda jukust tekjur
ríkissjóðs af bifreiðagjaldi um 37%
frá árinu áður. Lauslega metið er
þessi aukni bflainnflutningur sagð-
ur hafa skilað ríkissjóði í kringum
700 milljóna kr. tekjuauka á síðasta
ári, þ.e. umfram forsendur fjárlaga.
- HEI