Tíminn - 21.05.1992, Side 3
Fimmtudagur21. maí 1992
Timinn 3
Frumvarp um samræmda skattlagningu eigna og eignatekna lagt fram á Alþingi:
Skattur á fjármagnið en
„ekknaskatturinn“ lækkar
Fjármálaráðherra hefur lagt fram á Alþingí til kynningar frumvarp
um samræmda skattlagningu eigna og eignatekna. Meginatriði
frumvarpsins eru að allar tekjur manna, þ.á.m. eignatekjur, verða
skattlagðar með sama hætti. Afnumdar verða allar undanþágur,
einnig skattfrelsi vaxtatekna. Lagt er til að eignaskattur verði lækk-
aður. Ekki er ætlunin að skattleggja allan sparnað. Þannig mun ein-
staklingur sem á 2-3 milljónir í banka ekki þurfa að greiða skatt af
vöxtum.
Frumvörpin eru reyndar tvö og taka
á tveimur atriðum í skattakerfinu
sem lengi hafa verið umdeild í þjóð-
félaginu. Annars vegar er lagt til að
lagður verði á fjármagnsskattur, en
verkalýðshreyfingin og flestir
stjórnmálaflokkar hafa hvatt til þess
að honum verði komið á. Menn eru
hins vegar ekki sammála hvernig
leggja skuli þennan skatt á. Hins
vegar er gert ráð fyrir að hinn svo-
kallaði ekknaskattur verði lækkaður
úr 1,2% og 1,95% í 0,6%. Heildar-
áhrifin á skatttekjur ríkissjóð verða
því ekki mikil. Á stofnanamáli heitir
þessi skattkerfisbreyting samræm-
ing skattlagningar eigna og eigna-
tekna.
í tíð fyrri ríkisstjómar var þetta
mál kannað ítarlega. Núverandi rík-
isstjóm skipaði nefnd í nóvember í
fyrra sem skilaði tillögum í vor. Gert
er ráð fyrir að þetta mál fái efnislega
umfjöllun á Alþingi í haust og
skattabreytingin komi til fram-
kvæmda um næstu áramót.
Frumvörpin gera ráð fyrir að sér-
stakur eignaskattur (Þjóðarbók-
hlöðuskatturinn) lækki úr 0,25% í
0,20%.
Stefnt er að því að upplýsingar um
vaxtatekjur komi sem mest frá fjár-
málastofnunum og þannig náist
fram sparnaður fyrir framteljendur
og skattayfirvöld. Ekki er gert ráð
fyrir að allar vaxtatekjur verði skatt-
lagðar. Lagt er til að tekið verði upp
frítekjumark, þannig að eignatekjur,
hvort sem um er að ræða vexti, arð,
húsaleigu eða annað, verði skatt-
frjálsar allt að 126 þúsund krónum.
Þetta þýðir að einstaklingur sem á 2-
3 milljónir borgar ekki skatt af upp-
hæðinni. Samsvarandi upphæð fyrir
hjón er 4-6 milljónir. Á móti fellur
brott frádráttur vegna hlutabréfa-
kaupa og afsláttur vegna innleggs á
húsnæðissparnaðarreikning. -EÓ
Ljósmæður lýsa yfir
áhyggjum sínum:
Fábreytni
þýðir litlar
framfarir
.Aðalfundur Ljósmæðrafélags
íslands lýsir yfir áhyggjum sínum
af þeirri þróun, sem átt hefur sér
stað undanfarna mánuði í fæð-
ingarþjónustu á Reykjavíkur-
svæðinu" segir í ályktun aðal-
fundar Ljósmæðraféíags íslands
sem haldinn var 15. maí sl.
Bent er á að fábreytni hafi ríkt í
fæðingarþjónustu á Reykjavíkur-
svæðinu og ekki efli það framfarir
að allar fæðingar fari fram á ein-
um stað. Framfarir munu verða
þar sem fjölbreytnin er mesL
Að lokum minna ljósmæður á að
fæðingarþjónusta hér á landi er
að mestu í höndum ljósmæðra og
á ábyrgð þeirra.
Formannaskipti urðu á fundin-
um og tók Ingibjörg S. Einisdótt-
ir við formennsku af Margréti
Guðmundsdóttur sem gaf ekki
kost á sér til endurkjörs —GKG.
Skarphéðinn Jónsson, skólastjóri, á vinnustofu sinni í Grunnskólanum á
Hólmavík.
Grunnskólinn á Hólmavík:
Þokkalegar horl furí
kennararáðnini jum
Eins og fram hefur komið eru
horfur nú betri en oft áður í
kennararáðningum en þar
kemur m.a. til fækkun á kenn-
arastöðum á höfuðborg-
arsvæðinu.
Texti og myndir:
Stefán Gíslason á
Hólmavík
Við dæluhús nýju vatnsveitunnar á Hólmavík. Á myndinni eru (talið frá vinstri): Árni Daníelsson,
hafnarvörður á Hólmavík, Helgi S. Ólafsson, verkstjóri hjá Hólmavíkurhreppi, Gísli Karl Halldórsson
verkfræðingur, (hönnuður vatnsveitunnar) og Anton Helgason, heilbrigðisfulltrúi Vestfjaröa.
Góð reynsla af nýrri
vatnsveitu á Hólmavík
Síðast þegar fréttist var óráðið í 3
kennarastöður við Grunnskólann á
Hólmavík, en alls eru 10-11
stöðugildi við skólann. Næstu
daga og vikur verður unnið úr
fyrirspurnum sem borist hafa.
Þegar fréttaritari Tímans átti leið
um skólann á dögunum, sat Pétur
Bjarnason, fræðslustjóri, þar á
fundi með skólastjórnendum, og
virtust menn sæmilega bjartsýnir á
skólastarf komandi vetrar. Næsta
vetur verður í fyrsta sinn 9 mánaða
skóli á Hólmavík, og er gert ráð
fyrir að um 120 nemendur setjist
þá á skólabekk í 10 bekkjum.
Allmiklar endurbætur hafa verið
gerðar á vinnuaðstöðu í skólanum
í vetur. Einkum hefur
vinnuaðstaða kennara verið bætt,
bæði hvað varðar húsnæði og tæki.
Rætt hefur verið um þann
möguleika að einsetja skólann frá
næsta hausti, en ekki liggur fyrir
hvort hægt verður að stíga það
skref til fulls.
Skólastjóri Grunnskólans er
Skarphéðinn Jónsson, en aðstoðar-
skólastjóri er Victor Ö. Victorsson.
Sl. haust tóku Hólmvíkingar nýja hönnun veitunnar voru ýmis vanda-
vatnsveitu formlega í notkun. Við mál leyst á nýstárlegan hátt, og
bendir reynsla lyrstu mánuðanna til
þess að vel hafi til tekist.
Vatnsból nýju veitunnar á Hólmavík
er grafið djúpt í eyrar Ósár. Vatn úr
ánni og nærliggjandi vatnasvæði sí-
ast í gegnum áreyrina áður en það
lendir í rörum vatnsveitunnar.
Vatninu er síðan dælt upp í nýjan
miðlunartank, sem stendur í um 50
m hæð yfir byggðinni á Hólmavík.
Athuganir Hollustuverndar á vatns-
sýnum úr nýju vatnsveitunni á
Hólmavík hafa leitt í ljós, að vatnið
er mjög snautt af gerlum og hentar
því vel til matvælaframleiðslu. Áður
en nýja veitan var tekin f notkun var
vatnið tekið að hluta úr opnum
tjörnum, en þá vildi brenna við að
vatnið óhreinkaðist, einkum á vorin
og sumrin.
Hönnuður nýju vatnsveitunnar á
Hólmavík er Gísli Karel Halldórsson
hjá Almennu verkfræðistofunni í
Reykjavík.
Anton Helgason,
heilbrigðisfulltrúi Vestfjarða,
við sýnatöku úr aðaldælu nýju
vatnsveitunnar Hólmavík.