Morgunblaðið - 31.03.2006, Blaðsíða 6
6 C FÖSTUDAGUR 31. MARS 2006 MORGUNBLAÐIÐ
bílar
RENAULT Megane er einn af
þessum bílum sem vinna á við nán-
ari kynni. Þegar ég settist í fyrsta
sinn inn í hann fannst mér furðu-
legt útlit hans fráhrindandi, bíllyk-
illinn skrítinn og bremsurnar svo
næmar að ég keyrði frá bílaumboð-
inu B&L í rykkjum. En samt sá ég
og fann eitthvað við hann strax og
vildi kynnast honum betur.
Útlit Renault Megane er nokkuð
sérstakt en sportlegt, það sést
strax að hann er enginn smábíll
því þó hann teljist til þeirra er
hann allur meiri en margir slíkir
bílar. Kattaraugulag á framljósum
gefa honum breitt en töffaralegt
útlit að framan sem líður flott yfir
bílinn þangað til kemur að skottinu
sem er svolítið sérkennilegt. Það
er eins og klippt sé af afturenda
bílsins, afturrúðan er sveigð en
sameinast ekki skottinu á líðandi
hátt heldur bólgnar skottið út fyrir
neðan hana. Mér fannst þetta ekki
flott fyrst en á endanum var þetta
bara orðið nokkuð töffaralegt.
Skottplássið er mjög gott, 330
lítra, og aftursætisbekkurinn er
tvískiptur og hægt að fella hann
niður til að auka farangursrýmið.
Aðgengi í skottið sjálft er fínt og
afturhlerinn opnast vel upp.
Ótrúlegt rými
Rýmið inn í Renault Megane er
alveg ótrúlegt og ekki yfir neinu
að kvarta þar. Mikið rými er fyrir
hendur og fætur hvort sem það er
fram í eða aftur í. Hávaxnar mann-
eskjur komast vel fyrir í aftursæt-
unum og gætu vel þolað við þar í
löngum ökuferðum. Gott var að
sitja í sætunum, áklæðið er fallegt
og stillingamöguleikarnir á sætun-
um eru góðir.
Innréttingarnar eru fábrotnar
en öðruvísi, það er passlega mikið
af hólfum og ekkert sem þvælist
fyrir í bílnum. Innréttingarnar
virkuðu þó nokkuð veikburða á
mig og eru líklega ekki hannaðar
fyrir harðhentar manneskjur.
Hljómtækin eru ágæt en einn galli
er að takkarnir á þeim eru heldur
litlir og eiginlega of litlir til að
vera í bíl því þeir geta tekið at-
hyglina frá akstrinum. T.d er takk-
inn sem hækkað er og lækkað í
græjunum með mjög lítill og ekki
góður til síns brúks, ef maður get-
ur ekki horft á hann. En sniðug og
þægileg fjarstýring við stýrið bæt-
Hljóðlátur töffari sem venst vel
Mikið rými er fyrir ökumann inni í bílunum og öllu haganlega komið fyrir.
Morgunblaðið/Ásdís
Afturendinn er nokkuð sérstakur í útliti og einkennandi fyrir þennan bíl. Kort er notað í stað lykils.
Morgunblaðið/Ásdís
Renault Megane er svolítið töffaralegur útlits og venst vel við nánari kynni.
REYNSLUAKSTUR
Renault Megane
eftir Ingveldi Geirsdóttur