Morgunblaðið - 09.04.2006, Blaðsíða 18

H onum hefur verið lýst sem manninum með gúmmíandlitið ogsumir staðhæfa að hann hljóti að vera án liðamóta. KristjánIngimarsson treður um þessar mundir upp í sýningu Þjóðleik-hússins Átta konur þar sem hann fettir sig og brettir á hinn
undarlegasta hátt. Enda hefur skilgreining á list hans bögglast fyrir ýmsum og
er hann sjálfur þar engin undantekning. Er þetta leikur, látbragð eða mímík?
„Þetta er leikur án orða,“ segir hann svo eftir stundarumhugsun á línunni
frá Danmörku, þangað sem hann hefur skotist á milli sýninga í Þjóðleikhúsinu.
„Mér finnst erfitt að kalla þetta látbragðsleik því hann er tengdur við mann í
svörtum fötum með hvítt andlit og hvíta hanska. Leikur í þöglu myndunum er
ekki látbragð heldur einfaldlega leikur án orða og hjá mér blandast hann við
tækni úr t.d. látbragðsleik og dansi. Í raun er þetta afar líkamlegt leikhús því
ég frem alls konar stökk og dett mikið – ég er mjög góður í því,“ segir hann og
hlær. „Ég ætti kannski að halda námskeið fyrir gamla fólkið sem stundum á
erfitt með að fóta sig á klakanum heima. Maður þarf að detta með stæl.“
Kristján er sjaldséður gestur á íslensku leiksviði enda hefur hann verið bú-
settur í Danmörku síðastliðin 14 ár eða allt frá því hann fluttist þangað frá
heimahögum sínum á Akureyri haustið 1992. Tilgangurinn var að nema leik-
list. „Ég hef þó alls ekki gengið í gegnum hefðbundið leiklistarnám heldur
viðað að mér straumum, stefnum og tækni héðan og þaðan – því sem hefur
hentað mér og ég haft áhuga á. Til dæmis sótti ég nám í þremur mismunandi
skólum sem voru að miklu leyti byggðir upp með kúrsum í mismunandi teg-
undum sviðslistar.“
Með eigin stíl | Kristján hefur komið tvisvar til Íslands með eigin sýningar á
þeim sjö árum sem liðin eru frá því að hann útskrifaðist en þetta er í fyrsta
sinn sem hann tekur þátt í uppfærslu hjá íslensku leikhúsi. „Og ég er alveg
eins og ég veit ekki hvað,“ segir hann með áherslu. „Ég hef til dæmis ekki
hugmynd um hver er hver því ég þekki ekkert til þessa bransa hér heima.
Þarna er fullt af tiltölulega þekktu fólki og góðum leikurum sem ég er fyrst að
kynnast núna. En ég hef fengið frábærar móttökur af kollegum sem og áhorf-
endum og það er rosalega gaman að finna það. Ég átti ekki endilega von á því
að það sem ég hef verið að gera myndi smella svona vel hérna inn.“
Viðtökur Dana við uppátækjum Kristjáns hafa heldur ekki verið dónalegar
því hann hefur í þrígang verið tilnefndur til dönsku Raumert-leiklistarverð-
launanna. Að auki hafa þarlendir gagnrýnendur keppst við að ausa sýningar
hans lofi sem hann setur upp undir merkjum Neander leikhópsins. Kristján,
sem stofnaði hópinn strax að lokinni útskrift 1999, er þar höfundur, leikstjóri
og leikari en í stærri sýningum hefur hann fengið fleiri leikara til liðs við sig.
„Þetta hefur gengið mjög vel,“ segir hann þegar hinar góðu móttökur í Dana-
veldi ber á góma. „Maður finnur líka þegar maður kemur frá Íslandi að því
fylgir ákveðinn kraftur – það er eitthvert eldfjall í okkur Íslendingum. Kannski
EITTHVERT ELDFJALL
Í OKKUR
Kristján Ingimarsson segir mikilvægt að detta með stæl
L
jó
sm
yn
di
r:
Á
rn
i S
æ
be
rg
„Ég hef fengið frábærar
móttökur,“ segir Kristján
um sýninguna Átta konur
í Þjóðleikhúsinu. Vonandi
er þetta atriði þó ekki lýs-
andi fyrir meðhöndlunina
á honum hér heima.
L
jó
sm
yn
di
r:
E
gg
er
t J
ón
ss
on
Sýningin Blow Job fjallar um tilraun
NASA geimferðastofnunarinnar til að
láta mann, í gervi Kristjáns, fara í gegn-
um heilan dag á 15 mínútum sem er tals-
verð þrekraun fyrir líkama og sál.
18 | 9.4.2006