Morgunblaðið - 21.07.2006, Blaðsíða 4

4 B FÖSTUDAGUR 21. JÚLÍ 2006 MORGUNBLAÐIÐ
bílar
Þ
að er kannski lýsandi að þeg-
ar sest var í bílinn og vélin
ræst þá hljómaði Létt FM
96,7 í útvarpinu – afskaplega
viðeigandi fyrir hinn „nýja“ Toyota
Avensis sem er svo léttur og þægi-
legur að blaðamaður gleymdi hrein-
lega að bíllinn væri beinskiptur en
ekki sjálfskiptur og startaði bílnum í
gír án þess að stíga á kúplinguna,
nokkuð sem ekki gerist oft. En það
er reyndar líka til marks um karakt-
er bílsins – með höfuðáherslu á
áreynsluleysi og þægindi að vélin
megnaði ekki að hreyfa bílinn úr stað
þó honum væri startað í gír og án
þess að stíga á kúplinguna – kipp-
urinn var rétt nægjanlegur til að
vekja reynsluökumanninn til lífsins.
Fimm stjörnu Euro NCAP-einkunn-
in sem bíllinn hefur hlotið hefur aug-
ljóslega vakið þvílíka öryggistilfinn-
ingu að blaðamaður slakaði á um leið
og sest var inn í bílinn.
Andlitslyftingin er látlaus,
þó ekki eingöngu á yfirborðinu
Bíllinn, sem hefur notið talsverðra
vinsælda Íslandi, og selst betur það
sem af er þessu ári en á því síðasta,
hefur fengið létta yfirhalningu til að
hægt sé að halda honum framarlega
á meðal keppinautanna.
Andlitslyftingin felur í sér örlítið
meira króm, reyklituð framljós, ný
afturljós og ljósdíóðu stefnuljós í
hliðarspeglana. Að innanverðu hefur
aðeins verið tekið til líka með nýjum
áklæðum og yfirhalningu á mæla-
borði og lýsingu þess. Langmikil-
vægustu breytingarnar hafa þó verið
gerðar á fjöðrun bílsins og stýri en
einnig eru bremsur skarpari en þær
voru áður. Saman skila þessar breyt-
ingar meira spennandi bíl en áður
var í boði og engin vanþörf á, því
Toyota á Íslandi leggur ekki höfuð-
áherslu á mest spennandi Avensis-
bílinn þar sem t.d. 180 hestafla dís-
ilvélin er ekki í boði en með þeirri vél
yrði bíllinn líklega þrælskemmtileg-
ur í akstri og, það sem meira er, fengi
vél við hæfi.
Allt aðeins betra en það var
Útlit bílsins hefur elst vel, þetta er
að mati undirritaðs einn laglegasti
bíllinn frá Toyota í dag, og því var
ekki þörf á mikilli yfirhalningu. Það
verður að segjast að breytingarnar
sem Toyota hefur farið út í eru mjög
skynsamlegar – enda ekki við öðru
að búast af Toyota.
Akstursstaðan er til fyrirmyndar í
bílnum, sætin talsvert betri en þau
voru þó ennþá skorti nokkuð á lengri
setu. Flest öll stjórntæki eru einföld
og aðgengileg en þó fannst blaða-
manni rofar fyrir þurrkublöð og ljós
vera frekar hástæðir miðað við stýrið
sjálft og fálmaði hann því nokkuð oft
út í loftið – þetta er þó án nokkurs
vafa eitthvað sem venst ef bíllinn er
notaður sem eini bíll heimilisins.
Gírskiptingin var mjög góð, ná-
kvæm, mátulega þung og stutt á milli
gíra og er auðveldlega hægt að
ímynda sér að gaman sé að hræra í
skiptingunni á Avensis með öflugri
vél en prófunarbíllinn sem er með 1,8
lítra bensínvélinni og skilar 129 hest-
öflum skilar sínu en ekkert meira en
það. Þessi bíll er ekki búin vél sem
ýtir undir líflegan akstur – miklu
fremur var þægindanna notið í róleg-
heita akstri. Vélin skilar þó sínu eins
og áður var sagt og er bíllinn 10,3
Áhyggjulaus og léttur
Avensis fær andlitslyftingu
Sæti eru nokkuð góð og rúmt um alla
farþega. Hólf og glasabakkar finnast
fyrir bæði fram og aftursætisfarþega.
Ljósdíóðu stefnuljós eru komin í hliðarspeglana.
Toyota hefur valið að fara þá leið að breyta eins litlu og mögulegt er við að fríska upp á Avensis.
REYNSLUAKSTUR
Toyota Avensis
Ingvar Örn Ingvarsson
Bíllinn er ekki síður laglegur að aftan og leynir stærð sinni vel.
Bíllinn er allur geysilega rúmgóður.
Afl: 129 hestöfl við 6.000
snúninga á mínútu
Tog: 170 Nm við 4.200
snúninga á mínútu
Gírskipting: 5 gíra bein-
skiptur eða fjögurra þrepa
sjálfskiptur
Hröðun: 10,3 sekúndur
úr kyrrstöðu í 100 km
Hámarkshraði:
200 km/klst.
Fjöðrun: MacPherson
gormafjöðrun með jafn-
vægisstöng að framan,
tveggja spyrnu fjöðrun
með stýrilið með
jafnvægisstöng
Drifbúnaður:
Framhjóladrif
Hemlar: Loftkældir diskar
að framan, heilir diskar að
aftan, ABS, EBD og heml-
unarhjálp
Hjólbarðar og felgur: Dekk
205/55R16 á stálfelgum
með heilum hjólkoppum
Stýri: Rafdrifið stýri
Lengd: 4.715 mm
Breidd: 1.760 mm
Hæð: 1.430 mm
Eigin þyngd: 1.320 kg
Eyðsla: 7,2 lítri í blönd-
uðum akstri, 5,8 lítrar í
þjóðvegaakstri, 9,4
lítrar í innanbæjarakstri
Verð: 2.780.000 kr.
Umboð: Toyota á Íslandi
Toyota
Avensis