Morgunblaðið - 22.09.2006, Blaðsíða 12

12 FÖSTUDAGUR 22. SEPTEMBER 2006 MORGUNBLAÐIÐ
bílar
UM þessar mundir eru 10 ár liðin frá því að B&L tók við
Land Rover-umboðinu. Af því tilefni er söludeild Land
Rover með ýmis afmælistilboð, þeirra veglegast er
Discovery 3 í SE útgáfu með aukahluti að verðmæti 850
þúsund krónur.
Land Rover á sér langa sögu hér á landi. Fyrsti bíllinn
af þessari sögufrægu gerð kom til landsins fyrir tæpum
60 árum eða á árinu 1948 og var hann fluttur inn af Heklu
sem var með umboðið þar til B&L tók við því árið 1996.
Vegasamgöngur voru afar frumstæðar á þessum árum
og segja má að Land Roverinn hafi á sinn hátt verið bylt-
ing í samgöngumálum sveitanna. „Það athyglisverða við
þessa þróun er síðan að Land Rover hefur á þessum tæpa
mannsaldri tekið gríðarlegum breytingum án þess þó að
kasta þessari skemmtilegu arfleifð sinni fyrir róða,“ seg-
ir Karl Óskarsson, sölustjóri hjá B&L. „Hún lifir áfram í
Defender sem hefur varðveitt helstu útlitseinkenni
fyrstu Land Roveranna og er vel að merkja enn sterk-
byggðasti torfærujeppinn á markaðnum í dag.
Karl segir að Discovery 3 státi núna af rúmlega 70 við-
urkenningum og því hafi verið ákveðið að hafa hann í for-
grunni 10 ára afmælisins. B&L býður hann í SE Wind-
sor-útgáfu með afmælispakka að verðmæti 850 þúsund
krónur.
B&L og Land Rover í tíu ár
Bjóða aukahluti að
verðmæti 850.000 kr.
Windsor Land Rover Discovery 3, sem er á 10 ára afmæl-
istilboði hjá B&L í Windsor SE útgáfu.
Wieck
Sígildur Land Rover eins og margir muna eftir
honum á árunum 1955-1965.
LOKAUMFERÐ Íslandsmeistara-
mótsins í rallíi fer fram nú um
helgina og hefst í kvöld en þá verða
eknar tvær sérleiðir á Reykjanesi
og liggja þær báðar um Djúpavatn.
Á morgun, laugardag, verða eknar
leiðir um Tröllháls, Uxahryggi og
Kaldadal.
Úrslitin í Íslandsmeistaramótinu
réðust þó í Alþjóðarallinu sem
fram fór í ágúst. Þar tryggðu
systkinin Daníel Sigurðsson og
Ásta Sigurðardóttir á Mishubiski
Lancer Evo 6 sér Íslandsmeistara-
titilinn. Jón Bjarni Hrólfsson og
Borgar Ólafsson á Ford Focus eru
búnir að tryggja sér titilinn í 2000
flokki. Í Max1 flokki eru Guðmund-
ur Höskuldsson og Þórarinn Karls-
son búnir að tryggja sér Íslands-
meistaratitilinn. Þeir keppa á
Toyota Corolla.
Morgunblaðið/JAK
Systkinin Daníel og Ásta eru orðin Íslandsmeistarar í ralli 2006.
Haustrall BÍKR
Michael Schumacher verður ekki
aura vant þótt hann hætti keppni í
formúlu-1 með Ferrari-liðinu eftir
mánuð. Árstekjur hans munu
lækka en verða áfram drjúgar,
minnka úr rúmum 50 milljónum
dollara á ári í um 25 milljónir doll-
ara.
Umboðsmaður Schumachers,
Willi Weber, segir í samtali við út-
breiddasta blað Þýskalands sl.
sunnudag, Bild, að takmark sitt sé
að gera Schumacher að „keisara
auglýsinganna“ á næstu árum.
„Flestir núverandi samstarfs-
aðilar okkar munu vera með okk-
ur áfram – og við munum vinna að
nýjum risasamningum,“ segir
Weber. Meðal persónulegra styrkt-
arsamninga Schumachers eru aug-
lýsingasamningar við fjármála-
þjónustan DVAG, olíufélagið Shell
og úrsmiðinn Omega. Frá DVAG
fær hann 2,6 milljónir evra á ári,
frá Shell 1,6 milljónir og milljón
evrur frá Omega.
Talið er að auður Schumachers
nemi um 800 milljónum dollara við
lok keppnisferils hans. Að sögn
tímaritsins BusinessF1 staflar
hann þó ekki dollarabúntunum
upp í bankahvelfingu því væna
summu hefur hann gefið frá sér
um dagana. Tímaritið segir að
Schumacher hafi látið um 50 millj-
ónir dollara af hendi rakna til góð-
gerðarmála síðustu fjögur árin.
Auk þess að hafa látið 5,6 millj-
ónir dollara renna til verkefna á
vegum menningar- og mennta-
stofnunar Sameinuðu þjóðanna
(UNESCO) og gefið 10 milljónir
dollara til hjálparstarfa á ham-
farasvæðunum í Asíu eftir flóð-
bylgjuna miklu fyrir tveimur ár-
um, hafi hann einnig fjármagnað
sjúkrahús í Bosníu, hæli fyrir
munaðarlaus börn í Perú og skóla
í Senegal.
Schumacher þénar vel þótt hann hætti
Reuters
Afkoman örugg Michael Schumacher verður ekki á flæðiskeri staddur
þótt hættur sé keppni og má búast við að hann styrki áfram góð málefni.
Peter Sauber,
stofnandi liðsins
sem við hann
var kennt uns
hann seldi það
þýska bílafyrir-
tækinu BMW í
fyrra, segir að
arftaki Jacques
Villeneuve, hinn
21 árs gamli
Pólverji Robert
Kubica sé „stór-
magnaður“. Sauber réð á sínum
tíma Villeneuve og fylgdi hann
með í kaupum BMW á Sauber-
liðinu. Eftir að hann varð fyrir
meiðslum í þýska kappakstrinum
var hann leystur undan samningi
og Kubica, sem verið hafði tilrau-
naökuþór, ráðinn til að keppa í
hans stað.
Kubica stóð sig strax stórvel og
komst á verðlaunapall í sínu þriðja
móti, í ítalska kappakstrinum í
Monza. „Hann hefur leyst úr erf-
iðu hlutverki eins og það væri létt-
asta verk í heimi, eins og að
drekka vatn,“ sagði Sauber við
svissneska blað-
ið Blick.
Hrifning hans
yfir frammi-
stöðu Kubica er
óblandin, ekki
síst því að hann
skyldi komast
svo skjótt á
verðlaunapall.
„Að hafa svona
frábæran ungan
ökuþór á samn-
ingi er sérstök hvatning fyrir liðið
allt. Því lofa ég ykkur að þetta er
aðeins byrjunin,“ sagði Sauber
sem á lítinn en óverulegan hlut í
liðinu.
BMW hefur ekki tilkynnt um
skipan keppnisökuþóra liðsins á
næsta ári en allt þykir þó benda til
að Nick Heidfeld og Kubica verði í
þeim hlutverkum.
Liðsstjórinn Mario Theissen
segir að árangur Kubica í Monza
hafi „réttlætt“ þá ákvörðun að
leysa Villeneuve undan samningi
og fela Pólverjanum unga að
keppa í staðinn.
Robert
Kubica
Jacques
Villeneuve
Kubica réttlætir brott-
vikningu Villeneuve