Morgunblaðið - 16.08.2007, Side 4

4 FIMMTUDAGUR 16. ÁGÚST 2007 MORGUNBLAÐIÐ
íþróttir
Tim Donaghyfyrrum dóm-
ari í NBA-deild-
inni í körfuknatt-
leik í Banda-
ríkjunum hefur
játað í tveimur
ákæruatriðum í
máli sem höfðað
var gegn honum
þar sem hann er grunaður um að
hafa hagrætt úrslitum í leikjum sem
hann dæmdi sjálfur. Donaghy á yfir
höfði sér allt að 25 ára fangelsisdóm
en hann veðjaði sjálfur háum upp-
hæðum á úrslit leikja sem hann
dæmdi sjálfur í NBA-deildinni.
Dómur verður kveðinn upp í málinu
hinn 9. nóvember en málið hefur
vakið mikla athygli vestanhafs enda
ekki á hverjum degi sem dómari ját-
ar slíka hluti.
  
Pat Riley þjálf-ari NBA-
liðsins Miami
Heat hefur sagt
að hann ætli sér
að vera í eldlín-
unni á hliðar-
línunni í 2-3 ár til
viðbótar. Riley er
jafnframt forseti
liðsins en hann hefur fagnað sigri í
1.195 leikjum sem þjálfari og er
hann þriðji sigursælasti þjálfari
deildarinnar frá upphafi. Aðeins
Lenny Wilkens (1.332 og Don Nel-
son (1.232) hafa fleiri sigurleiki að
baki.
  
Íslenska landsliðið í körfuknattleikleikur landsleik gegn Georgíu
miðvikudaginn 29. ágúst í Laugar-
dalshöll en um er að ræða riðla-
keppni Evrópumóts landsliða. Meðal
leikmanna landsliðs Georgíu má
nefna miðherjann Zaza Pachulia
sem leikur með Atlanta Hawks í
NBA-deildinni. Pachulia er mið-
herji, 2,10 m á hæð, og á síðustu leik-
tíð skoraði hann m.a. 25 stig og tók
10 fráköst í leik gegn meistaraliði
San Antonio Spurs.
  
Úrvalsdeildarlið Grindavíkur íkörfuknattleik kvenna hefur
samið við bakvörðinn Joana Skiba
og mun hún leika með liðinu á næstu
leiktíð. Skiba er með bandarískt og
pólskt ríkisfang og geta Grindvík-
ingar því fengið til sín bandarískan
miðherja. Skiba, sem lék með
Bryant University í fyrra, er ætlað
að fylla skarðið sem Hildur Sigurð-
ardóttir skildi eftir sig en hún ætlar
að leika með KR á næstu leiktíð.
Fólk sport@mbl.is
margir körfu- og handboltamenn að
æfa frjálsar. Ég ætlaði bara að bæta
hraðann og snerpuna hjá mér, en
fljótlega eftir að ég mætti á mína
fyrstu æfingu gerði ég mér grein
fyrir að ég væri ekki mikið hægari en
þeir bestu á Íslandi. Þannig sá ég að
þetta ætti miklu betur við mig heldur
en karfan, því maður er búinn að
streða þar í tólf ár en nær svo svona
skjótum frama í hlaupunum,“ sagði
Trausti.
Hann náði þriðja sæti í 400 metra
hlaupi í nýafstaðinni bikarkeppni, og
hljóp jafnframt lokasprettinn í 1.000
metra boðhlaupinu, sem FH hafði
sigur í, eftir að hafa æft frjálsar í að-
eins rúmt ár. „Körfuboltaæfingarnar
eru samt mjög góður grunnur, hopp-
in þar hafa gert manni mjög gott, en
að einhverju leyti er þetta náttúru-
lega meðfætt,“ sagði Trausti.
„Hélt fyrst að ég myndi deyja“
Hann glímdi við erfið veikindi síð-
astliðinn vetur. „Planið var að vera í
körfubolta á veturna og í frjálsum á
sumrin, en fljótlega eftir að við urð-
um bikarmeistarar í vetur veiktist ég
illa, fékk gollurshúsbólgu, sem lýsir
sér þannig að einhver vöðvahimna í
kringum hjartað bólgnar út. Ég hélt
bara fyrst að ég væri að deyja og
vissi ekkert hvað var í gangi. Ég var
reyndar farinn að finna fyrir þessu
stuttu fyrir úrslitaleikinn, en dreif
mig samt á æfingar til að vera í leik-
mannahópnum, en var svo frá alveg í
þrjá eða fjóra mánuði og þá var tíma-
bilið búið í körfunni.
Eins og staðan er í dag, og miðað
við hvað mér gengur vel í frjálsum,
sé ég svo ekki fram á að byrja aftur í
körfubolta, því ég held ég eigi mér
meiri framtíð í frjálsum. Maður hefði
haldið að eintóm hlaup og sprettir
væru hundleiðinleg en þetta er bara
svo gaman,“ sagði Trausti.
Eftir Sindra Sverrisson
sindris@mbl.is
„Þetta var bara eins og einhver
tískubylgja því allt í einu hófu fjöl-
Fæddur bikarmeistari
TRAUSTI Stefánsson, 22 ára gam-
all íþróttamaður, náði um helgina
þeim fádæma góða árangri að
verða bikarmeistari í frjálsum
íþróttum, með liði sínu FH, á sama
tíma og hann er bikarmeistari í
körfuknattleik með ÍR. Hann hóf að
æfa frjálsar síðasta sumar til þess
að bæta snerpuna, en sú ákvörðun
vatt heldur betur upp á sig.
„Sé ekki fram á að fara aftur í körfubolta,“ segir Trausti Stefánsson, sem varð
bikarmeistari í körfuknattleik og síðan bikarmeistari í frjálsíþróttum
Morgunblaðið/Kristinn
Tvöfaldur bikarmeistari Trausti Stefánsson með stóru bikarana tvo sem hans lið, ÍR í körfuboltanum og FH í frjálsum, hafa unnið í ár.
GOLFÍÞRÓTTIN er sú íþrótt sem
vaxið hefur mest á undanförnum
árum á Íslandi. Golf er önnur fjöl-
mennasta íþróttagreinin á Íslandi
en aðeins fótbolti er með fleiri iðk-
endur á sínum snærum, og geta
þeir sem halda um spottana hjá
Golfsambandi Íslands verið ánægð-
ir með þróun mála undanfarin miss-
eri. Mótahald GSÍ hefur verið með
hefðbundnum hætti undanfarin ár
þar sem að Kaupþingsmótaröðin
hefur verið hryggsúlan í keppnis-
haldinu.
Íslandsmótið í höggleik er að
sjálfsögðu hápunkturinn á tíma-
bilinu en Íslandsmótið í holukeppni
hefur ekki náð þeim vinsældum
sem búist var við í fyrstu.
Sveitakeppnin er að mati flestra
kylfinga langskemmtilegasta mótið
sem þeir taka þátt í á hverju ári. Í
sveitakeppninni keppa golfklúbb-
arnir sín á milli í þriggja daga
keppni, sem er deildaskipt, og
keppnisfyrirkomulagið er holu-
keppni - líkt og í Ryderkeppninni.
Ég velti því fyrir mér hvort það
gæti verið heillaskref fyrir golf-
íþróttina að auka vægi „liðsheildar-
innar“ í mótahaldinu.
Þar legg ég til að tekin verði upp
deildakeppni þar sem leikið yrði
einu sinni í viku. Alvöruleikir á
milli sterkustu klúbba landsins þar
sem leikið yrði til skiptis á heima-
og útivelli líkt og við þekkjum úr
öðrum íþróttagreinum. Efsta deild
karla er í dag skipuð 8 liðum, líkt
og 2. og 3. deild. Ég sé fyrir mér að
það gæti vel gengið upp að leikin
yrði tvöföld umferð yfir keppnis-
tímabilið í efstu deild. Úrslit úr
þeim leikjum myndu ekki hafa end-
anleg áhrif á lokastöðuna á Íslands-
mótinu, en gætu raðað liðum í efri
og neðri hluta deildarinnar. Ég tel
að best væri að leikið yrði um sjálf-
an Íslandsmeistaratitilinn á einni
helgi eins og gert er í dag. Hægt er
að útfæra „úrslitahelgina“ með
ýmsum hætti og sjálfsagt eru til
ótalmargar leiðir að settu marki.
Aðalatriðið er að „liðakeppni“ yfir
keppnistímabilið myndi auka um-
fjöllun um golfíþróttina. Golfið yrði
sýnilegra og slík keppni ætti ekki
að raska mótahaldi afrekskylfinga
nema að litlu leyti.
Gríðarleg samkeppni er um stöð-
ur í bestu sveitum landsins og með
fleiri leikjum ætti að opnast mögu-
leiki fyrir að taka inn fleiri kylfinga
sem tækju þátt. Í sveitakeppninni,
eins og hún er leikin í dag, eru yfir-
leitt 8 kylfingar valdir í sveitina en
aðeins 6 fá að leika í hverjum leik.
Með deildakeppni yfir allt keppnis-
tímabilið yrði nauðsynlegt að hafa
breiðan hóp afrekskylfinga til þess
að geta fyllt í þau skörð sem í þarf
að fylla. Ég veit að einhver umræða
hefur verið um slíka deildakeppni í
röðum afrekskylfinga og vonandi
verður þessum möguleika velt upp
hjá Golfsambandinu á allra næstu
vikum.
Alvöru deildakeppni í golfi?
Morgunblaðið/Brynjar Gauti
Sóknargolf Kylfingarnir Nína Björk Geirsdóttir og Katrín Dögg Hilmars-
dóttir úr Kili eru meistarar í 1. deild kvenna með sveit Mosfellinga.
Á VELLINUM
Sigurður Elvar Þórólfsson
seth@mbl.is