Morgunblaðið - 29.08.2007, Side 4

4 MIÐVIKUDAGUR 29. ÁGÚST 2007 MORGUNBLAÐIÐ
FRÉTTIR
Eftir Davíð Loga Sigurðsson
david@mbl.is
VATNSBORÐ Hálslóns er nú komið
í tæpra 620 metra hæð yfir sjávar-
borði og þá eru aðeins fimm metrar
eftir í ætlaða hæð þess. Stærð lónsins
er um 50 ferkílómetrar en það verður
57 ferkílómetrar þegar það verður
komið í fulla stærð. Lónið er hins veg-
ar líklega búið að ná fullri lengd, að
sögn Sigurðar Arnalds, upplýsinga-
fulltrúa Kárahnjúkavirkjunar.
„Við erum að halda hækkun lónsins
í skefjum með því að hafa botnrásina
opna að hálfu. Við reynum að stemma
þetta af þannig að lónið fyllist ekki al-
veg fyrr en undir lok september eða í
október,“ segir Sigurður en með því
að veita Jökulsá á Dal í botnrás undir
stífluna geta aðstandendur fram-
kvæmdarinnar stjórnað því hversu
hratt fyllist í lónið. „Ástæða þess að
við hægjum á fyllingu lónsins er sú að
við erum ennþá að vinna neðst í yf-
irfallsrennunni og verðum að því
fram í byrjun október. Út af fyrir sig
gætum við notað rennuna en við
stemmum þetta þannig af að lónið
verði bara fullt akkúrat í vetrarbyrj-
un. Þannig höfum við borð fyrir báru
til að vinna í þessari frágangsvinnu.“
Minni leki en reiknað var með
Yfirfallsrennan umrædda á að
sögn Sigurðar að taka við vatni þegar
Hálslón er fullt. „Þetta er steypt
renna sem nær alveg frá stíflunni og
niður hlíðina og fram á gilbarminn.
Þaðan verður svo tignarlegur foss of-
an í gljúfrið. Við erum núna að steypa
kantinn við gljúfurbarminn á þessari
rennu.“
Áætlanir gera þó ekki ráð fyrir að
yfirfallsrennan verði notuð fyrr en
næsta sumar.
Sigurður segir að við fyllingu Háls-
lóns hafi komið í ljós að stóra stíflan,
Kárahnjúkastífla, hafi staðið sig af-
skaplega vel. Nánast engar hreyfing-
ar hafi orðið og leki sé lítill, miklu
minni en reiknað var með.
Vel greinilegt Sé horft niður til jarðar utan úr geimi líkist Hálslón nú Lagarfljóti talsvert eins og sjá má á þessari
gervihnattamynd. Myndin er tekin í fyrradag af gervihnetti Bandarísku geimvísindastofnunarinnar (NASA).
       

 

   






  

  

Hálslón orðið fimmtíu
ferkílómetrar að stærð
Í HNOTSKURN
»Landsvirkjun á að byrja aðafhenda Alcoa rafmagn í
álverið á Reyðarfirði í októ-
ber.
»Boranir vegna Jökuls-árveituganga, austan Snæ-
fells, hafa gengið mjög vel og
raunar settu bormenn nýtt
heimsmet sl. fimmtudag. Veit-
an verður þó ekki tekin í notk-
un fyrr en næsta sumar, að
sögn Sigurðar Arnalds.
„Þangað til dugar okkur vatn-
ið úr Hálslóni.“
Lónið mun fyllast alveg nú í haust
LÚÐVÍK Gizur-
arson hefur feng-
ið það staðfest
með mannerfða-
fræðilegri rann-
sókn að hann er
sonur Hermanns
Jónassonar. Hef-
ur Lúðvík reynt
að fá þetta stað-
fest fyrir dóm-
stólum í málaferlum sem nú hafa
staðið um þrjú ár.
Lúðvík fékk niðurstöður rann-
sóknarinnar í hendur í gær en þær
voru unnar úr lífsýnum úr móður
hans, Hermanni Jónassyni og Lúð-
vík sjálfum. Samkvæmt niðurstöð-
unni eru 99,9% líkur á að Hermann
Jónasson hafi verið faðir Lúðvíks.
Erfiðlega gekk fyrir Lúðvík að fá
það fram með dómi að framkvæma
ætti rannsóknina en m.a. hafnaði
Hæstiréttur að slík rannsókn skyldi
fara fram nema Lúðvík leiddi að því
líkur að Hermann væri faðir hans.
Dóra Lúðvíks-
dóttir sagði í
samtali við
Morgunblaðið í
gær að málið
væri mikill léttir
fyrir föður sinn
og alla fjölskyld-
una en málið
hefði staðið yfir í
um þrjú ár og
fjölskyldan hefði viljað að ætterni
þeirra lægi á hreinu. Munu dóm-
stólar þurfa að staðfesta niðurstöð-
una til að hún hljóti formlegt gildi.
Í fréttatilkynningu frá Lúðvík
sjálfum kemur fram að niðurstaðan
hafi ekki komið honum á óvart.
Hún hafi verið staðfesting á því
sem móðir hans hefði sagt honum
alla tíð. Kemur þar fram að hann
gleðjist yfir því að málinu sé nú að
ljúka. „Ég er óendanlega þakklátur
öllum þeim sem hafa stutt í mig í
þessum málarekstri,“ segir í til-
kynningunni.
Hermann var
faðir Lúðvíks
Niðurstaða mannerfðafræðilegrar
rannsóknar barst Lúðvík í gær
Lúðvík Gizurarson Hermann Jónasson
Eftir Önund Pál Ragnarsson
onundur@mbl.is
MARGIR hlaupagikkir unnu það af-
rek á dögunum að hlaupa tíu kíló-
metra í Reykjavíkurmaraþoni.
Hlaupari einn vakti þó meiri athygli
en flestir og ráku áhorfendur upp
stór augu þegar hann átti leið hjá.
Sparibaukurinn og mörgæsin Georg
lagði að baki 10 kílómetra til styrktar
góðu málefni, en hann var knúinn
áfram af öflugum starfsmanni Glitnis,
Jóni Inga Árnasyni. Uppátækið vakti
verðskuldaða athygli og söfnuðust
áheit í samræmi við það þó svo til-
kynnt væri á elleftu stundu.
Jón Ingi ánafnaði Barnaspítala
Hringsins féð, ríflega 350.000 krónur
sem söfnuðust með 120 áheitum á
innan við sólarhring, en allt í allt fékk
Barnaspítalinn um tvær og hálfa
milljón króna í sinn hlut. Hlutur Jóns
Inga í því er því talsverður.
Var ekki í neinum skóm
Aðspurður segir Jón Ingi að hlaup-
ið hafi verið mjög erfitt. Hann er eng-
inn aukvisi og hefur tvisvar áður
hlaupið heilt maraþon. „Hitinn var
erfiðastur, búningurinn andar ekki
neitt. Það kemst ekkert loft inn í
hann svo ég var bara á stuttbuxum og
sokkaleistum undir búningnum. Ég
gat ekki verið í skóm út af búningnum
og var því í tvöföldum sokkum í stað-
inn. Svo var ég með vatnspoka á bak-
inu, og rör yfir öxlina til að drekka í
gegnum,“ segir Jón Ingi, sem svitn-
aði gríðarlega í búningnum og fékk
miklar blöðrur á fæturna. Að sögn
drakk hann um átta lítra af vökva á
meðan á hlaupinu stóð en léttist engu
að síður um tvö kíló. Þannig svitnaði
hann og andaði frá sér um 10 lítrum
af vökva. Jón Ingi mælir ekki sér-
staklega með þessari upplifun við
aðra, en efaðist þó aldrei um að hann
kæmist í mark. Hann fór hægt yfir og
segir um hálftíma hafa farið í mynda-
tökur með börnum og fjölskyldum á
leiðinni. „Ég gaf mér fyrirfram að
þetta væri ekki erfiðara en að hlaupa
maraþon. En þetta var bara allt öðru-
vísi. Maraþonið er erfiðara fyrir
vöðva og liðamót en við þetta svitnaði
ég mun meira og þetta var verra fyrir
lappirnar,“ segir Jón Ingi.
Hljóp af sér tíu lítra af svita
Ljósmynd/Jón Ingi Árnason
Sárfættur Hér sést Jón Ingi koma í mark eftir allt erfiðið. Barnaspítalinn varð þar með 350.000 krónum ríkari.
DR. Páll S.
Hreinsson, pró-
fessor og deildar-
forseti lagadeild-
ar Háskóla
Íslands, hefur
samkvæmt til-
lögu Björns
Bjarnasonar,
dóms- og kirkju-
málaráðherra,
verið skipaður dómari við Hæsta-
rétt frá og með 1. september næst-
komandi. Hæstiréttur hafði metið
Pál og tvo aðra umsækjendur, þá
Viðar Má Matthíasson og Þorgeir
Örlygsson, hæfasta í starfið. Auk
þeirra sótti Sigríður Ingvarsdóttir
um stöðuna.
Páll verður yngsti dómari Hæsta-
réttar en hann er fæddur 1963.
Hann hefur verið forseti lagadeildar
Háskóla Íslands frá árinu 2005 en
það sama ár lauk hann doktorsnámi
frá deildinni. Doktorsverkefni hans
var á sviði stjórnsýsluréttar en hann
stundaði framhaldsnám á því sviði
við Hafnarháskóla á árunum 1990-
1991. Hann varð prófessor í lögum
við Háskóla íslands árið 1999 og
dósent árið 1997. Hann var settur
umboðsmaður Alþingis í tíu málum
á árunum 1997-1999 og aðstoðar-
maður umboðsmanns frá 1991-1997.
Skipaður
í Hæstarétt
Páll Hreinsson
ÞÓRÐUR Magnússon, stjórnarmað-
ur í Torfusamtökunum, segir ekki
rétt að unnið hafi verið innan ramma
deiliskipulags frá 2002 vegna Laug-
arvegar 4-6 eins og skipulagsstjóri
láti liggja að í viðtali í Morgun-
blaðinu.
Þórður bendir á að tvisvar hafi
verið sótt um breytingar á deili-
skipulaginu frá 2002 til að koma fyrir
meira byggingarmagni á lóðinni. Í
bæði skiptin hafi breytingunum ver-
ið mótmælt harðlega og fyrir ári hafi
t.d. 15 manns mótmælt.
Allir hafi tekið fram að þeir væru
mjög ósáttir við niðurrif húsanna og
til vara hafi þeir tekið fram að ekki
væri rétt að auka byggingarmagnið á
lóðinni. Á þessum tíma hafi Reykja-
víkurborg kosið að líta framhjá öllum
þessum mótmælum og sent bréf til
baka þar sem fram hafi komið að bú-
ið væri að samþykkja niðurrif. Bréfin
væru því ekki tekin gild.
Þórður segir að Reykjavíkurborg
láti að því liggja að Húsafriðunar-
nefnd eigi ekkert með það að vera að
mótmæla niðurrifinu núna. Hann
bendir á að Reykjavíkurborg hafi
ekki gert athugasemd við það á sín-
um tíma þegar Húsafriðunarnefnd
hafi sagt að hún væri ekki sátt við
niðurrif eins margra húsa við Lauga-
veg og stefnt hafi verið að. Í ljósi
mikils þrýstings og margra reita hafi
hún þó viljað fá að sjá hvernig málin
þróuðust.
Á því stigi málsins hafi hún ekki
viljað leggjast alfarið gegn öllum
framkvæmdunum, 25 framhúsum
við Laugaveg og samtals um 60 hús-
um.
Þáverandi meirihluti borgarinnar
hafi líka lagt út frá þessum orðum og
sagt ljóst að ekki yrði byggt þarna
fyrr en fullkomin sátt næðist um ný-
byggingu. Núna, þegar fram komi
hjá borgaryfirvöldum að málið sé
frágengið, sé sagt að þessi afgreiðsla
Húsafriðunarnefndar hafi verið röng
á sínum tíma.
Hafi svo verið hafi Reykjavíkur-
borg átt að gera athugasemd við
hana á sínum tíma.
Ekki staðið rétt að málum