Morgunblaðið - 29.08.2007, Page 29

MORGUNBLAÐIÐ MIÐVIKUDAGUR 29. ÁGÚST 2007 29
Tjörvi með krabbamein. Heimurinn
hrundi við þau tíðindi og óttinn greip
um sig hjá foreldrum og fjölskyldu.
Fljótlega kom þó í ljós að Tjörvi litli
bjó yfir miklum styrk, hann ætlaði
sér að komast í gegnum þessi veik-
indi. Bjartsýnin tók við hjá okkur og
var hverjum áfanga í rétta átt fagnað.
Undir niðri leyndist þó óttinn, því við
vissum hversu illvígur sjúkdómurinn
er. Rétt þremur mánuðum eftir lok
þeirrar ströngu meðferðar sem
Tjörvi fór í kom annar skellur. Tjörvi
greindist á ný og batahorfur voru
slæmar. Áfallið var ólýsanlegt. Við
tók erfiður mánuður þar sem Tjörvi
var mikið veikur. Hvert áfallið tók við
af öðru. Við héldum í vonina eftir
fremsta megni. Tjörvi átti að vinna
þessa baráttu eins og þá fyrri.
Elfa og Freyr stóðu vaktina með
syni sínum allar stundir og sinntu
einnig Valdimar stóra bróður af mik-
illi natni og ástúð. Báðir fengu þeir
alla þá umhyggju og ást sem foreldr-
ar geta veitt börnum sínum.
Enn og aftur náði Tjörvi að sýna
styrk sinn. Hann komst út af spít-
alanum í júlí þrátt fyrir hin miklu
veikindi sem höfðu hrjáð hann og við
tók yndislegur mánuður þar sem fjöl-
skyldan var sameinuð. Hann gat leik-
ið sér við Valdimar og frændsystkin
sín og notið umhyggju foreldra sinna.
Í Fljótshlíðinni áttu þau sínar bestu
stundir. Stundir sem í dag gefa for-
eldrunum dýrmætar minningar um
fallegan og góðan dreng.
Tjörvi var bjartur og fallegur
drengur, brosmildur grallari. Við eig-
um margar og góðar minningar um
hann þrátt fyrir ungan aldur. Þegar
Tjörvi var aðeins nokkurra mánaða
var gaman að sjá þegar Valdimar
setti á svið einhvern leik til að fá
bróður sinn til að hlæja. Hann hafði
fallegan hlátur. Aftur þegar hann var
sem veikastur í stuttu leyfi heima þá
hló hann sínum fallega dillandi hlátri í
fanginu á mömmu sinni þegar Valdi-
mar hljóp um á bossanum. Ekkert
gladdi okkur meira en að heyra hann
hlæja á þessum tíma eins veikburða
og hann var.
Augnablikið þegar okkur var sagt
að Tjörvi væri látinn mun aldrei
gleymast. Vonin hafði verið svo sterk.
Eftir alla þá baráttu sem hafði verið
háð, eftir allan þann styrk sem Tjörvi
hafði sýnt, sigraði krabbameinið að
lokum. Það var sem Tjörvi hefði
ákveðið að nú væri hann þreyttur og
vildi fá hvíld.
Við reynum að hugga okkur við að
nú er hann verkjalaus og getur geng-
ið á ný og leikið sér eins og öll börn
eiga að fá að gera. Við munum ávallt
halda minningu hans á lofti og segja
frændsystkinum hans hversu ein-
stakur hann hafi verið. Sem hann var.
Við munum hlúa að foreldrum hans
og bróður sem hafa misst svo mikið.
Elsku Elfa systir, Freyr og Valdi-
mar. Hugur okkar er hjá ykkur.
Megið þið finna styrk til að takast á
við þennan mikla missi og þessa
miklu sorg.
Elsku Tjörvi, sofðu rótt.
Harpa, Ómar og synir.
Þegar ég kvaddi Elfu og Tjörva
Frey í síðustu heimsókn fékk ég hefð-
bundinn Tjörvakoss við útidyrnar,
koss með miklu magni af slefi og af-
göngum af skinkubrauðinu sem hann
hafði nýlokið við að borða. Eins og
alltaf var hann glaður að fá gesti og
brosti sínu fallega og geislandi brosi
til mín um leið og hann horfði áhuga-
samur á Latabæ í sjónvarpinu. Tjörvi
fær einhverra hluta vegna ekki að
taka þátt í lífinu með foreldrum sín-
um og stóra bróður en fær þess í stað
öðruvísi hlutverk annars staðar.
Hann var þrátt fyrir þessi örlög sín
heppinn strákur sem fékk rúm tvö ár
hjá foreldrum sem börðust með hon-
um í hverju skrefi og stigu aldrei feil-
spor í umönnun hans. Foreldrum sem
alltaf höfðu hagsmuni þeirra bræðra
að leiðarljósi.
Við fjölskyldan munum minnast
litlu hetjunnar sem var alltaf svo dug-
legur og fór nánast allt á þrjóskunni,
litlu hetjunnar sem grýtti endurnar
þegar hann var búinn með brauðið.
Ég sendi elsku Elfu minni, Frey og
Valdimar og öllum öðrum sem elsk-
uðu Tjörva Frey mínar innilegustu
samúðarkveðjur.
Júlía.
Skömmu fyrir fjölskylduferð til
Ítalíu kom höggið og nú eftir árs bar-
áttu er Tjörvi allur og stórt skarð
höggvið í samhentan barnabarnahóp-
inn. Tjörvi sýndi af sér mikið baráttu-
þrek og einstakt skaplyndi þegar
hann mætti brosandi og jafnvel
klappandi á barnaspítalann þrátt fyr-
ir að hafa farið þar í erfiðar meðferð-
ir. Tjörvi stóð af sér hverja hríðina og
atlöguna á fætur annarri en alltaf reis
hann upp, hvort sem var til að koma í
afmæli í sumar eða fara með fjöl-
skyldunni í bústaðinn í Fljótshlíð til
að sýna okkur að þar er ennþá að
finna alvöru hetjur. Á sunnudag fyrir
viku hittum við Tjörva síðast og okk-
ur varð á orði hvað hann leit vel út,
útitekinn með blik og glampa í aug-
um. Tjörvi skilur eftir í hjörtum okk-
ar, brostinn streng, gullið spor og
stórar spurningar um réttæti og
ranglæti heimsins. Gæfa eða ógæfa?
Það var gæfa að fá að kynnast honum
Tjörva og í minningarlundi í Fljóts-
hlíðinni munum við rækta minningu
hans. Við vottum Elfu, Frey og Valdi-
mar Frey okkar dýpstu samúð.
Hulda Brá, Andri Snær og
Jón Pétur Magnabörn og
fjölskyldur þeirra.
Elsku Tjörvi Freyr.
Við þökkum þér fyrir samfylgdina.
Við höfum fylgst með þínu stutta ævi-
skeiði frá upphafi, ánægjulegum
stundum jafnt sem erfiðum. Það var
sannur heiður að fá að kynnast hetju
eins og þér.
Kristur minn ég kalla á þig,
komdu að rúmi mínu.
Gjörðu svo vel og geymdu mig,
Guð, í skjóli þínu.
(Höf. ók.)
Elsku Elfa, Freyr, Valdimar og
aðrir aðstandendur. Við sendum ykk-
ur okkar innilegustu samúðarkveðjur
á þessum erfiðu tímum og biðjum
Guð að styrkja ykkur.
„Marsbumbu“-mömmur
og -börn.
Elsku Tjörvi Freyr.
Við kveðjum þig í dag, litli engillinn
okkar með brosið í augunum.
Þú barðist svo hetjulega við þenn-
an illvíga sjúkdóm og allir dáðust að
kraftinum í litla víkingnum.
Þú ert litla hetjan okkar og minn-
ing þín verður ljós í lífi okkar allra og
þá einkum foreldra þinna og stóra
bróður.
Mamma og pabbi börðust með þér
allan tímann og sýndu svo mikinn
kraft og dugnað og erum við svo
óendanlega stolt af þeim.
Við kveðjum þig með bæninni sem
við biðjum með börnunum okkar og
hugsum til fallegasta engilsins á
himninum.
Vertu nú yfir og allt um kring
með eilífri blessun þinni,
sitji guðs englar saman í hring
sænginni yfir minni.
Legg ég nú bæði líf og önd,
ljúfi Jesús í þína hönd,
síðast þegar ég sofna fer
sitji Guðs englar yfir mér.
Láttu nú ljósið þitt
loga við rúmið mitt,
hafðu þar sess og sæti,
signaði Jesús, mæti.
Guð geymi þig, elsku vinur.
Elsku Elfa, Freyr og Valdimar,
hugur okkar og bænir eru hjá ykk-
ur, kæru vinir.
Megi guð veita ykkur styrk til að
takast á við þessa miklu sorg.
Ykkar vinir,
Hulda og Erlendur,
Sigríður Lára og Ólafur,
Birna og Sigurður,
Linda og Eggert,
Arnþrúður og Sindri,
Erla og Bára.
Kæri Tjörvi okkar.
Mann setur hljóðan. Hér sit ég og
reyni að festa á blað minningarorð
um elskulegan ungan dreng sem var
okkur öllum svo kær og við munum
aldrei gleyma. Sorgin er svört, sár og
dimm, og krefst þess að horfst sé í
augu við hana. Á svona stundum spyr
maður sig um tilgang lífs og dauða.
Fyrir rétt tæpu ári síðan hringdi
pabbi þinn í mig og tilkynnti mér um
þann alvarlega sjúkdóm sem nú hef-
ur borið þig ofurliði. Þig þennan táp-
mikla og fjöruga dreng. Mikið var á
þig lagt, ungi vinur. Það ótrúlega bar-
áttuþrek sem þú bjóst yfir mun alltaf
búa okkur í minni. Ávallt var stutt í
brosið þitt. Sama hve veikur þú varst.
Á stundum stóð stríð þitt tæpt, og
virtist sem það væri tapað, en þú
komst öllum alltaf á óvart. Nú hefur
okkar æðri máttur ákveðið að lina
þínar þjáningar. En við erum ekki
tilbúin. Við snúum vanganum við
þessari köldu kvöl. Ekkert er í heimi
hér eldra og ófrumlegra en andlát lít-
ils barns. Við þökkum fyrir að hafa
kynnst þér, elsku vinur, og fengið að
taka þátt í gleði þinni og sorgum. Nú
komið er að kveðjustund, baráttu
þinni er lokið. Nú ertu kominn á stað
þar sem engin þjáning er.
Minning þín, Tjörvi, er ljós í lífi
okkar.
Elsku Freysi, Elfa og Valdimar
Freyr. Missir ykkar er svo stór, eng-
in orð duga til að lýsa hluttekningu
okkar. Þau eru hreinlega ekki til.
Maður getur vart tjáð sig með eigin
orðum um baráttu ykkar litlu fjöl-
skyldu undanfarið ár, og þann missi
sem þið nú standið frammi fyrir.
Engin orð eru nógu stór, ekkert fær
þessu breytt.
Hann var ykkar suður, ykkar vestur, norður
og austur
Hann var ykkar vinnuvika, og sunnudagshvíld
Hann var ykkar hádegi og miðnætti
Tal ykkar og söngur
(H. S. Auden.)
Vottum við öllum þeim sem nú
syrgja þennan góða dreng innilega
samúð og óskum þess að sárin grói.
Minning okkar um þig, Tjörvi, mun
búa í hjarta okkar um alla framtíð.
Far þú í friði, kæri vinur.
Bjarni Árnason og börn.
Við viljum minnast lítillar hetju
sem kvaddi þennan heim á fyrstu
æviskeiðum lífs síns. Tjörvi Freyr
var einstaklega kraftmikill og
skemmtilegur lítill drengur og með
eindæmum fallegur. Hann gaf stóra
bróður sem hann leit svo mikið upp til
ekkert eftir í leik og starfi.
Það voru sláandi tíðindi sem við
fengum fyrir rétt tæpu ári síðan þeg-
ar Tjörvi Freyr greindist með alvar-
legan sjúkdóm. Við tók löng og
ströng meðferð þar sem hann sýndi
gífurlegt baráttuþrek og dugnað sem
hann átti ekki langt að sækja frá for-
eldrum sínum sem eru einstaklega
vel gert fólk.
Elsku Elfa og Freyr, þið hafið sýnt
ótrúlegt þrek og æðruleysi í þessari
miklu raun sem á ykkur er lögð.
Vertu nú yfir og allt um kring
með eilífri blessun þinni
Sitji Guðs englar saman í hring
sænginni yfir minni
(Sigurður Jónsson frá Prestshólum)
Megi góður Guð styrkja ykkur á
þessum erfiðu tímum.
Við vottum ykkur og Valdimari
Frey okkar dýpstu samúðarkveðjur.
Þórhildur og Óli Hrafn.
✝
Innilegar þakkir sendum við öllum þeim sem með
hlýhug, nærveru og samúðarkveðjum heiðruðu
minningu við andlát og útför eiginkonu minnar,
móður okkar, tengdamóður, ömmu og langömmu,
SIGURBJARGAR GUÐMUNDSDÓTTUR,
Eyrargötu 12,
Eyrarbakka,
sem lést mánudaginn 6. ágúst.
Magnús Þórarinsson,
Sigurður G. Sigurjónsson, Eva Andersen,
Guðmundur Magnússon, María E. Bjarnadóttir,
Ingvar Magnússon,
ömmubörn og langömmubörn.
✝
Elskulegur eiginmaður minn, faðir okkar, stjúpfaðir,
sonur, bróðir, mágur og tengdasonur,
KRISTJÁN SVERRISSON,
Garðavegi 6,
Hnífsdal,
lést á Sjúkrahúsinu á Ísafirði föstudaginn 24. ágúst.
Útför hans fer fram frá Víðistaðakirkju í Hafnarfirði
föstudaginn 31. ágúst kl. 13.00.
Anna Valgerður Einarsdóttir,
Annetta Rut Kristjánsdóttir,
Ásgeir Kristjánsson,
Eva Margrét Kristjánsdóttir,
Linda Marín Kristjánsdóttir,
Ísak Þór Kristjánsson,
Berglind Kristjánsdóttir,
Guðný W. Ásgeirsdóttir, Sverrir Þorsteinsson,
Ásgeir Sverrisson, Unnur P. Stefánsdóttir,
Anna Karen Sverrisdóttir,
Rakel Sverrisdóttir,
Ríkharður Sverrisson, Auður Pétursdóttir,
Árni Árnason, Lára Jónsdóttir,
Margrét Haukdal Marvinsdóttir, Einar E. Magnússon.
✝
Innilegar þakkir sendum við öllum þeim, sem með
hlýhug og samúðarkveðjum heiðruðu minningu
ástkærs eiginmanns, föður, tengdaföður og afa,
GEIRS VALBERGS GUÐNASONAR, Ph. D.
matvælaiðnfræðings,
1274 Brooklawn Road,
Atlanta, GA 30319.
Ásbjörg Húnfjörð,
Gary Valberg Guðnason, Amanda Mullins Guðnason,
Linda Denise Guðnason
og barnabörn.
✝
Ástkær móðir okkar, fósturmóðir, tengdamóðir,
amma og langamma,
LILJA SIGRÚN ÓSKARSDÓTTIR,
áður til heimilis
á Skógtjörn,
Álftanesi,
sem lést á Hrafnistu í Hafnarfirði miðvikudaginn
22. ágúst, verður jarðsungin frá Bessastaðakirkju
föstudaginn 31. ágúst kl. 13:30.
Auðbjörg Eggertsdóttir,
Sigurður Eggertsson,
Klemenz Eggertsson,
Erla Stringer
og fjölskyldur.
✝
Ástkær faðir okkar,
GUÐMUNDUR J. KRISTJÁNSSON
veggfóðrara- og dúklagningameistari,
Bakkagerði 12,
Reykjavík,
sem andaðist miðvikudaginn 22. ágúst á
hjúkrunarheimilinu Sóltúni, verður jarðsunginn frá
Bústaðakirkju föstudaginn 31. ágúst kl. 13.00.
Guðni Guðmundsson, Guðný Hákonardóttir,
Örn Guðmundsson, Svava Eiríksdóttir,
Áslaug Guðmundsdóttir, Þorvarður Jón Guðmundsson,
Þórlaug Guðmundsdóttir, Baldvin G. Heimisson,
Albert Guðmundsson, Ingibjörg Júlíusdóttir,
barnabörn og barnabarnabörn.