Morgunblaðið - 25.09.2007, Side 17

MORGUNBLAÐIÐ ÞRIÐJUDAGUR 25. SEPTEMBER 2007 17
SUÐURNES
Eftir Helga Bjarnason
helgi@mbl.is
Keflavík | Nemendum Fjölbrauta-
skóla Suðurnesja heldur áfram að
fjölga. Nú er svo komið að skólahús-
næðið sem var stækkað fyrir þremur
árum rúmar varla alla nemendurna.
Á haustönn stunda um þúsund
nemendur nám við Fjölbrautaskóla
Suðurnesja í dagskóla, um 200 fleiri
en fyrir þremur árum þegar nýtt
húsnæði var tekið í notkun. Auk þess
eru 150 nemendur í kvöldskóla og
rúmlega 200 grunnskólanemendur
af öllum Suðurnesjum stunda nám
við skólann í einstökum áföngum.
Ástæðan fyrir fjölgun nemend-
anna er fjölgun íbúa á Suðurnesjum
auk þess sem hlutfallslega fleiri
nemendur úr hverjum árgangi
sækja framhaldsskóla en áður var.
„Við sáum þetta fyrir í okkar áætl-
unum og sóttum á sínum tíma um
stækkun húsnæðisins í samræmi við
það,“ segir Ólafur Jón Arnbjörnsson
skólameistari.
Bitnar á sameiginlegu rými
Húsnæði skólans var síðast
stækkað fyrir örfáum árum. Stækk-
un um 3000 fermetra var tekin í
notkun haustið 2004 en stjórnendur
skólans og fulltrúar sveitarfélaganna
töldu þá þörf á að stækka hann um
5000 fermetra til að mæta fyrirsjá-
anlegri fjölgun. Ólafur Jón viður-
kennir að fjölgunin hafi orðið enn ör-
ari en hann hafi gert ráð fyrir og nú
sé húsnæðið farið að þrengja veru-
lega að.
Niðurskurður í áformum um upp-
byggingu bitnaði mest á sameigin-
legu rými, almenningi eins og Ólafur
orðar það, en nú er einnig farið að
þrengja að með kennslustofur.
„Nemendum hér á svæðinu mun
fjölga áfram á næstu árum en ljóst er
að skólinn getur ekki tekið við mikið
fleiri nemendum án þess að byggja
enn frekar við húsnæðið,“ segir
skólameistari.
Ólafur Jón hefur tekið húsnæðis-
mál skólans upp í skólanefnd og
leggur áherslu á að leysa þurfi málin
til frambúðar. Hann segir að ágætis
möguleikar séu á stækkun húsnæðis
skólans til norðurs.
Stækkun hagkvæmari
Hugmyndir hafa verið reifaðar um
uppbyggingu nýs framhaldsskóla í
Grindavík og framhaldsskóla í nýrri
hverfum Reykjanesbæjar. Þannig
hafa bæjaryfirvöld í Grindavík kom-
ið hugmyndum sínum um nýjan
einkarekinn skóla þar, á svipuðum
grunni og nýr Menntaskóli Borgar-
fjarðar, á framfæri við stjórnvöld.
Ólafur Jón segir að til athugunar
séu hugmyndir um samstarf um að
bjóða upp á sérhæfða námsleið í
Grindavík sem tengist atvinnulífinu
þar. Sigmar Eðvarðsson, formaður
bæjarráðs Grindavíkur, segir upp-
byggingu veiðafæradeildar þar geta
orðið ágætis grunnur að einhverju
meira.
Ólafur segir að mun hagkvæmara
sé að byggja áfram upp Fjölbrauta-
skóla Suðurnesja en að hefja upp-
byggingu nýs framhaldsskóla á Suð-
urnesjum. Hagkvæmni stærðarinn-
ar gildi í þessum rekstri eins og
fleiru auk þess sem meiri mögu-
leikar séu á fjölbreytni í námsfram-
boði í stærri skólum og betra að
koma til móts við einstaklingsbundn-
ar þarfir nemenda.
Sáum þessa þróun fyrir
Ljósmynd/Víkurfréttir
Skóli Enn á ný er farið að þrengja að nemendum fjölbrautaskólans.
Í HNOTSKURN
»Á stúdentsbrautum eruliðlega 480 nemendur.
»Liðlega 130 eru á iðn-brautum og rúmlega 100 á
starfsnámsbrautum. Mest
fjögun hefur verið á almenn-
um brautum.
Nemendum FS fjölgar og ný viðbygging þegar orðin of lítil
Reykjanesbær | Minnt var á mikil-
vægi forvarna og þau verkefni
kynnt sem eru í gangi á því sviði á
forvarnaviku sem lokið er í Reykja-
nesbæ. Við upphaf vikunnar döns-
uðu eldri borgarar Macarena í Sel-
inu ásamt nemendum úr 1. bekk
Njarðvíkurskóla.
Margar stofnanir, félög og fyrir-
tæki tóku þátt í forvarnavikunni
með því að leggja sérstaka rækt við
forvarnir í starfi sínu. Meðal atriða
má nefna fyrirlestra um mikilvægi
hreyfingar og mataræðis.
Sérstök dagskrá var um umferð-
ina sem beint var að ungum öku-
mönnum, meðal annars í 1. bekk
Fjölbrautaskóla Suðurnesja og seg-
ir Ása Eyjólfsdóttir forvarna-
fulltrúi að góð þátttaka hafi verið.
Á leikskólanum Gimli hófst verk-
efni um forvarnastarf gagnvart
kynferðislegu ofbeldi gegn börn-
um. Fjallað var um áfengis- og
vímuvarnir, meðal annars meðal
nemenda Fjölbrautaskóla Suður-
nesja, og forvarnastarf sem fram
fer á því sviði í 88-húsinu kynnt.
Sérstakur strætódagur var í for-
varnavikunni þar sem áhersla var
lögð á að auka öryggi í umferðinni
og draga úr umferð við skólana.
Ljósmynd/Dagný Gísladóttir
Minnt á forvarnastarfið
HEILBRIGÐISSTOFNUN Suður-
nesja stendur fyrir námskeiði fyrir
sykursjúka, maka þeirra og aðstand-
endur. Námskeiðið verður haldið í
Eldborg í Svartsengi dagana 25. til
27. október en skráning fer fram í
þessari viku, frá miðvikudegi til
föstudags. Innifalið í námskeiðinu er
gisting í tvær nætur, fullt fæði og
fræðslufundir með hjúkrunarfræð-
ingi, næringarráðgjafa, lækni,
íþróttakennara og sálfræðingi, að
því er fram kemur í fréttatilkynn-
ingu.
Sykursjúkir á námskeið
Grundarfjörður | Við upphaf ný-
byrjaðs skólaárs var tekin upp sú
nýbreytni í grunnskólanum í
Grundarfirði að bjóða upp á
ávexti sem aukabita í nestis-
tímum. Það er fyrirtækið Guð-
mundur Runólfsson hf. sem styrk-
ir ávaxtakaupin í tilraunaskyni til
áramóta.
Að sögn Ragnheiðar Þórarins-
dóttur skólastjóra hefur þessi til-
raun tekist vel til þessa, en boðið
er upp á tvær tegundir ávaxta á
hverjum degi í tengslum við nest-
istímana í bekkjunum. Langflestir
krakkanna hafa tekið þessari ný-
breytni fagnandi, að sögn Ragn-
heiðar, en með þessari ávaxtagjöf
er skólinn að stuðla að bættri líð-
an og heilsu því eins og allir vita
eru ávextir sneisafullir af vítam-
ínum og auk þess er mun hollara
að fá náttúrulegan sykur eða kol-
vetni úr ávöxtum en unnum
vörum. Krakkarnir í 6. bekk voru
augsýnilega mjög hrifin af því að
fá ávexti sem aukabita með nest-
inu þegar fréttaritari var á ferð í
grunnskólanum á dögunum.
Morgunblaðið/Gunnar Kristjánsson
Ávöxtum
útbýtt í
skólanum
Eftir Helga Bjarnason
helgi@mbl.is
Breiðafjörður | Unnið er að rann-
sókna- og vöktunaráætlun fyrir
Breiðafjörð. Drög að áætlun verða
væntanlega lögð fyrir Breiðafjarð-
arnefnd í byrjun næsta mánaðar.
„Nauðsynlegt er að hafa upplýs-
ingar um svæðið þegar fjallað er
um verndun þess,“ segir Róbert
Arnar Stefánsson, forstöðumaður
Náttúrustofu Vesturlands í Stykk-
ishólmi, en hann er í hópi sérfræð-
inga sem unnið hafa að rannsókna-
og vöktunaráætlun fyrir Breiða-
fjörð. Segir hann að það hafi komið
berlega í ljós hvað mikið skorti á
þekkinguna þegar breytingar hafi
orðið í lífríkinu. Nefnir hann hrun
hörpudiskstofnsins sem dæmi, erf-
itt hafi verið að skýra það með fyr-
irliggjandi gögnum. Einnig nefnir
hann erfiðleika sjófuglanna. Talið
sé að þeir tengist sandsílinu sem
afar lítið hafi verið rannsakað.
Helstu sérfræðingar funduðu
Breiðafjarðarnefnd hafði frum-
kvæðið að gerð rannsóknaáætlunar
fyrir Breiðafjörð með því að óska
eftir því að náttúrustofurnar á
Vesturlandi og Vestfjörðum og
Náttúrufræðistofnun ynnu að því
verki. Fyrr í mánuðinum var hald-
inn fundur þar sem helstu sérfræð-
ingar landsins um lífríki Breiða-
fjarðar komu saman. Fulltrúar
stofnananna þriggja auk Háskóla-
seturs Snæfellsness og Sjávarrann-
sóknasetursins Varar undirbjuggu
fundinn og vinna úr niðurstöðum
hans. Róbert Arnar segir að fund-
urinn hafi verið mikilvægur liður í
þessari vinnu og býst við að drög að
rannsókna- og vöktunaráætlun
verði tilbúin í byrjun október. Þau
verða lögð fyrir Breiðafjarðar-
nefnd.
Skráning á heimsminjaskrá
„Það hefur margt verið gert en
greinilegt er að það þarf að spýta í
lófana,“ segir Róbert og nefnir sér-
staklega upplýsingar um það
hvernig hinir ýmsu þættir lífríkis-
ins tengjast. Telur hann að rann-
sókna- og vöktunaráætlun geti
stuðlað að því að vísindamenn og
stofnanir fái stuðning til að auka
rannsóknir á Breiðafirði.
Breiðafjörður er merkilegt nátt-
úrufyrirbrigði sem nýtur verndar
samkvæmt sérstökum lögum frá
Alþingi. Stefnt er að því að sækja
um að Breiðafjörður komist á
heimsminjaskrá UNESCO, Menn-
ingarmálastofnunar Sameinuðu
þjóðanna. Ríkisstjórnin samþykkti
svæðið á yfirlitsskrá í flokki nátt-
úru- og menningarminja sem er
fyrsta skrefið til umsóknar. Róbert
telur líklegt að auka þurfi mjög
rannsóknir á lífríki fjarðarins til
þess að uppfylla skilyrði UNESCO.
Hann telur jafnframt að það gæti
haft mikla þýðingu fyrir svæðið að
fá slíka viðurkenningu. Það myndi
auka áhuga á því og tekjur aukast
vegna fjölgunar ferðafólks.
Mikið skortir á þekk-
ingu á lífríki fjarðarins
Morgunblaðið/Golli
Konungur fuglanna Mikið fuglalíf er við Breiðafjörð en þar er aðeins einn
konungur. Þörf er talin á auknum rannsóknum á lífríki Breiðafjarðar.
Egilsstaðir | Afl starfsgreinafélag
fordæmir það að fyrirhugað er að
hætta vinnslu mjólkur á Egilsstöð-
um og stjórn Kaupfélags Héraðsbúa
lýsir yfir þungum áhyggjum vegna
málsins.
Stjórnendur Mjólkursamsölunnar
kynntu á dögunum áform um að
hætta vinnslu mjólkur í mjólkurstöð-
inni á Egilsstöðum og breyta henni í
dreifingar- og þjónustustöð. Áform-
að er að kynna málið á fulltrúaráðs-
fundi eigenda Mjólkursamsölunnar
næstkomandi fimmtudag.
Bændur og aðrir heimamenn hafa
lagst gegn áformum stjórnenda MS,
meðal annars bæjarstjórn Fljóts-
dalshéraðs. Nú hafa Afl starfs-
greinafélag og stjórn Kaupfélag
Héraðsbúa sent frá sér yfirlýsingar
vegna málsins.
Í yfirlýsingu Afls segir að lokun
stöðvarinnar sé enn ein aðförin að
hefðbuninni búsetu og atvinnulífi
dreifbýlisins. Bendir félagið á að
mjólkurstöðin er síðasta mjólkurbú
fjórðungsins og að reynslan annars
staðar sýni að fljótlega minnki fram-
leiðsla búanna. Því hafi þessi ákvörð-
un í för með sér stórfellda byggð-
aröskun á Austurlandi. Bent er á að
þetta sé ákveðið á sama tíma og
framkvæmdir og fiskvinnsla á Aust-
urlandi fari minnkandi.
Í samþykkt stjórnar Kaupfélags
Héraðsbúa er lögð áhersla á að
bændur á Austurlandi standi jafn-
fætis öðrum bændum á Íslandi varð-
andi kostnað og að koma mjólkinni í
vinnslu og að neytendur á Austur-
landi sitji við sama borð og aðrir
varðandi kostnað við flutning mjólk-
ur á markað. Telur stjórnin að hags-
munum bænda og neytenda sé best
borgið með eflingu mjólkursamlags-
ins á Egilsstöðum.
Fordæma
lokun mjólk-
urstöðvar
LANDIÐ