Morgunblaðið - 08.12.2007, Side 60

Það er náttúrlega bara
svo mikið af samkyn-
hneigðu fólki á Íslandi að
þetta vantar hreinlega. … 68
»
reykjavíkreykjaví
Eftir Jóhann Bjarna Kolbeinsson
jbk@mbl.is
„URÐUR vill aðeins draga sig í hlé,
hún vill ekki skuldbinda sig um of
hvað tónleikaferðalög varðar. Þann-
ig að hún ætlar aðeins að draga sig
út úr þessu,“ segir Birgir Þór-
arinsson, Biggi Veira, forsprakki
GusGus, en þær fréttir bárust í gær
að Urður Hákonardóttir söngkona
ætli að draga sig út úr sveitinni.
GusGus hefur verið að fylgja plöt-
unni Forever eftir, en síðustu tón-
leikarnir á þeim túr munu fara fram
á Nasa laugardaginn 29. desember,
og verða það jafnframt síðustu tón-
leikar Urðar með sveitinni í bili.
Eftir það verða aðeins tveir form-
legir meðlimir í GusGus, Biggi og
Stephan Stephensen. Aðspurður
segir Biggi ekki koma til greina að
ráða nýja söngkonu, enda verði Urð-
ur eitthvað með þeim áfram á tón-
leikum. „Við eigum líka nóg af lög-
um, það er ekki vandamál. Þótt
einhverjum muni kannski finnast að
það vanti eitt eða tvö lög í settið af
því að Urður er ekki með, þá er það
bara allt í lagi.“
Orðnir svo gamlir
Þá segir Biggi að eftir áramót
muni tónleikar sveitarinnar breyt-
ast. „Þegar við vorum búin að gera
síðustu plötu, Forever, skiptum við
alveg út „live-settinu“, það var ekk-
ert lag á því af næstu plötu á undan,
Attention, nema „David“ af því að
það var svo mikill hittari. Kannski
tökum við það bara instrumental.“
Aðspurður segir Biggi að næsta
plata GusGus sé nokkuð vel á veg
komin, en bæði Urður og Daníel
Ágúst munu líklega eiga lög á henni.
„Hún verður náttúrlega bara geð-
veik eins og allt sem við höfum
gert,“ segir hann og bætir því við að
platan muni líklega koma út strax á
næsta ári, en fjögur ár liðu á milli
Attention og Forever. „Það má ekki
líða meira en eitt ár á milli núna, við
erum orðnir svo gamlir að við höfum
ekki aldur til að bíða svona lengi á
milli platna,“ segir Biggi og hlær.
Hvað síðustu Forever-tónleikana
varðar lofar Biggi gríðarlegu stuði
29. desember. Miðasala á tónleikana
hefst strax á mánudaginn en hún fer
fram á midi.is.
Breytingar hjá GusGus
GusGus Frá vinstri: Stephan, Urður og Birgir. Nýjasta plata sveitarinnar,
Forever, hefur notið mikilla vinsælda hér heima sem og erlendis.
Urður kemur fram á sínum síðustu tónleikum í bili
 Huldar Breið-
fjörð rithöfundur
hefur lítið látið
fyrir sér fara síð-
an hann skrifaði
ferðasöguna Múr-
inn í Kína en rit-
höfundurinn söðlaði um í kjölfarið
og flutti til New York til að læra
kvikmyndagerð. Í næsta hefti Raf-
skinnu sem kemur út í byrjun næsta
árs verður að finna stuttmynd eftir
Huldar og mun það vera fyrsta
kvikmyndaverk hans ef frá eru tal-
in kvikmyndahandrit sem hann hef-
ur unnið að í samstarfi við aðra.
Heiti myndarinnar liggur ekki fyrir
en fróðlegt verður að sjá hvernig
Huldar fer að því að nýta rithæfi-
leikana í kvikmyndalistinni.
Fyrsta stuttmynd Huld-
ars Breiðfjörð
 Færeyska hljómsveitin Boys in a
Band sigraði keppnina Global Batt-
les of the Bands sem fram fór í
London í fyrrakvöld. Sveitin lék á
Icelandic Airwaves og þótti standa
sig frábærlega vel. Hin íslenska
Cliff Clavin hafnaði í 6 sæti.
Færeyingarnir sigruðu
hljómsveitarstríðið
 Á afþreyingarsíðunni Spinner-
.com má finna nýtt myndband
Bjarkar Guðmundsdóttur við lagið
„Declare Independence“ af plöt-
unni Volta. Myndbandinu leikstýrir
franski leikstjórinn Michel Gondry
en í því sést Björk predika yfir all-
sérstökum her sem ber bæði græn-
lenska og færeyska fánann á erm-
unum. Skilaboðin verða því ekki
skýrari. Eða hvað?
Byltingarmyndband
Eftir Ásgeir H. Ingólfsson
asgeirhi@mbl.is
BENNI Hemm Hemm er að gefa út nýjan disk
um þessar mundir og munu útgáfutónleikarnir
renna saman við jólaglögg og opnun nýrrar
verslunar, Útúrdúrs, á Njálsgötu 14. En með
fullri virðingu fyrir tónlist Benna eru það þó um-
búðirnar sem ég er með hugann við í þessari
búð, þetta er nefnilega handverks- og listmuna-
búð sem leggur sérstaka áherslu á bókverk sem
og umgjörð annarra listverka. Það var Auður
Jörundsdóttir sem hannaði umslagið á plötu
Benna en hún er ein sexmenninganna sem rekur
búðina, en hin fimm eru Hildigunnur Birg-
isdóttir, Þórunn Hafstað, Sigurður Magnús
Finnsson, Guðrún Jóhanna Benónýsdóttir og
Pétur Már Gunnarsson en þau tvö síðastnefndu
verða helst fyrir svörum þar sem þau eru að
leggja lokahönd á að innrétta búðina.
Bókakápuverðlaun og hægindastólar
Eftir að tilnefningarnar fyrir Íslensku bók-
menntaverðlaunin höfðu verið lesnar upp í sjón-
varpssal var komið að næstu verðlaunum sem
þáttastjórnandinn Egill Helgason kynnti svo:
„Þetta er nú kannski léttur samkvæmisleikur en
hugmyndin er að velja bestu bókakápuna.“ Þessi
útúrdúr á ágætlega við um umrædda búð, þarna
kristallast ágætlega klisjukenndir fordómar um
að ekki skuli dæma bókina út frá kápunni, án
þess að bera virðingu fyrir bókverkinu sem sér-
stöku listformi. Þetta sást vel á því að taldir voru
upp höfundar fimm efstu bókanna en aðeins
hönnuður sigurkápunnar, þótt hönnunin sé það
sem verið er að keppa um. Ég spyr þau vitaskuld
um verðlaunin sem verið er að afhenda um það
leyti sem viðtalið fer fram. Þau eru ánægð með
sigurvegarann – Sagan af Bíbí sem Svavar Pétur
Eysteinsson hannaði – en þóttu vinnubrögðin
ekki til fyrirmyndar – enda valið út frá smá-
myndum í bókatíðindum sem varð til þess að ein
bókanna 30 sem tilnefndar voru var ekki eig-
inleg bókakápa heldur aðeins mynd sem sett var
í stað kápu sem ekki var tilbúin tímanlega (við
bók Hugleiks Dagssonar, Kaupið okkur).
Þau segja þörfina fyrir svona búð hafa verið
brýna. „Við höfum fundið fyrir skorti á svona
búð, svona búðir er ógeðslega gaman að koma í
þegar maður fer út. Hér er þetta alltaf einn
rekki inni í galleríinu, sem hálfpartinn hverfur
og verður ekkert úr.“ Ein búð sem hefur verið
höfð til fyrirmyndar er norska búðin Torpedo en
ætlunin er að í Útúrdúr verði þemakvöld, listsýn-
ingar og tónlist. Innst í búðinni eru svo tveir
hægindastólar í herbergi sem þau kalla „hang-
out“ búðarinnar. „Við ætlum að byggja borð og
hafa kaffivél og fleira hér. Við viljum líka að fólk
geti gluggað aðeins í bækurnar hér, þetta snýst
ekki bara um að selja, ekki síður að auka að-
gengið að bókunum.“
Tyrkneskar teiknisögur og gullakistur
Ég tek þau vitaskuld á orðinu og glugga í
nokkrar bækur. Sérstaka athygli mína vekur
tyrkneska teiknisagnaröðin Kaldirim Destani
eftir Masist Gül, sem þekktastur var sem sterk-
byggður aukaleikari í tyrkneskum bíómyndum
en teiknaði á meðan í skúffuna einhverjar mögn-
uðustu myndasögur tyrkja. Sagan er öll sögð í
bundnu máli og ku vera illþýðanleg en í raun er
ekki slæm tilbreyting að prófa að lesa mynda-
sögu eingöngu fyrir myndirnar – enskur texti er
þó aðgengilegur í útprenti.
Meðal annarra verka í búðinni er lítið box eftir
Guðrúnu Jóhönnu með ýmsum smámunum, vid-
eói, kerti, veggspjaldi, textum og bolum meðal
annars. Þarna er einnig bók eftir Kristínu Ei-
ríksdóttur ljóðskáld og myndlistarkonu sem hún
myndskreytir sjálf og engar tvær bækur eru
eins.
Útúrdúrar og bókverk
Morgunblaðið/Brynjar Gauti
Búðareigendurnir Hildigunnur Birgisdóttir, Auður Jörundsdóttir, Pétur Már Gunnarsson og Guðrún
Jóhanna Benonýsdóttir. Búðin á sér fyrirmynd í norsku búðinni Torpedo.
Ný handverks- og listmunabúð opnuð á Njálsgötunni í dag
Útúrdúr verður opin frá þriðjudögum til laug-
ardaga frá kl. 14 til 18. Búðin verður svo opnuð
með áðurnefndum útgáfutónleikum á morgun,
laugardag, kl. 17.