Morgunblaðið - 14.09.2008, Blaðsíða 24

24 SUNNUDAGUR 14. SEPTEMBER 2008 MORGUNBLAÐIÐ
Eftir Valgerði Þ. Jónsdóttur
vjon@mbl.is
L
íkur benda til að lag af
Thank You For A Life-
time, nýútkominni smá-
skífu breska popparans
sir Cliffs Richards, nái
efsta sæti á breska vinsældalistanum
á morgun. Fari svo slær hann engum
öðrum en sjálfum sér við, því á ein-
hverju skeiði síðustu fimm áratugina
hefur hann átt þar lag í fyrsta sæti.
Eflaust bíða aðdáendur hans
spenntir, margir byrjaðir að lesa ævi-
sögu hans, My Life, My Way, sem
kom út 3. september, og hyggja gott
til glóðarinnar um miðjan mánuðinn
þegar átta safndiskar í einu setti,
And They Said It Wouldn’t Last (My
50 Years In Music), kemur í versl-
anir.
Tilefnið er ærið því fimmtíu ár eru
síðan Harry Rodger Webb braust til
frægðar sem Cliff Richard og heillaði
landa sína svo um munaði. Fyrst með
smáskífunni Move It, sem hann gerði
ásamt hljómsveitinni The Planets,
sem síðar varð The Drifters og loks
The Shadows, og fór beint í 2. sæti
vinsældalistans, þá í sjónvarpsþætti,
og í kjölfarið tónleikaferð um landið í
byrjun október 1958.
Síðan hefur Cliff Richard átt mikl-
um vinsældum að fagna og stöðugt
verið í sviðsljósinu. Orðspor hans er
einstaklega vammlaust og ólíkt ann-
arra rokkstjarna að því leytinu að
kynlíf, eiturlyf og áfengi hafa verið
víðsfjarri ímyndinni. Lastalaust líf-
ernið og meint kvenmannsleysi hefur
aftur á móti gefið sögum um samkyn-
hneigð hans byr undir báða vængi.
Sjálfur fór hann framan af eins og
köttur í kringum heitan grautinn og
tók ekki af tvímæli í þeim efnum fyrr
en árið 1996 að hann neitaði afdrátt-
arlaust að vera hommi. „Ég geri mér
grein fyrir kjaftasögunum, en ég er
ekki hommi,“ fullyrti hann þá við The
Daily Mail.
Sjö ára náið vináttusamband
Í ævisögunni er allt annað upp á
teningnum því söngvarinn upplýsir
að hann hafi átt í sjö ára „nánu vin-
áttusambandi“ við John McElynns,
55 ára fyrrverandi kaþólskan prest,
sem hann kynntist í New York.
Raunar gengur hann svo langt að
kalla prestinn lífsförunaut sinn, þótt
þeir hafi ekki í hyggju að ganga í
hjónaband.
„Þegar John hugðist láta af prests-
embætti stakk ég upp á að hann að-
stoðaði mig við nokkur góðgerð-
arverkefni,“ segir Cliff Richard. „Við
John höfum orðið æ nánari, sem er
frábært því mig langar ekki að búa
einn, ekki einu sinni núna,“ bætti
hann við.
Þrátt fyrir þessa opinberun hefur
ekki verið neitt leyndarmál að þeir
hafa í nokkur ár búið saman á rík-
mannlegu setri Cliffs Richards í
Weybridge á Suðaustur-Englandi og
McElynn sér um eignir og ýmis við-
skipti fyrir sinn mann. Á News.s-
cotsman.com árið 2005 sagði að and-
legur leiðbeinandi Cliffs Richards frá
sjöunda áratugnum, Bill Latham,
hefði búið hjá honum í þrjátíu ár, en
flutt út stuttu eftir að McElynn flutti
inn, þótt hann hafi áfram unnið fyrir
Cliff Richard-fyrirtækin. Jafnframt
var þess getið að McElynn hefði átt
stóran þátt í að lífga upp á snautlegt
einkalíf söngvarans, sem væri farinn
að halda boð og umgangast fleira
fólk.
Trúuð rokkstjarna
Þótt Cliff Richard sé alinn upp í
kristinni trú varð hann ekki tiltak-
anlega trúaður fyrr en árið 1964. Síð-
an hefur hann ekki farið í launkofa
með trú sína og hefur það haft tölu-
verð áhrif á feril hans og ímynd. Til
dæmis íhugaði hann um skeið að ger-
ast kennari og gefa poppferilinn upp
á bátinn, enda fannst honum afar
óviðeigandi að vera lýst sem grófum,
athyglissjúkum, of kynþokkafullum
fyrir sjónvarp og ógn við landsins
dætur. Með fágaðri framkomu og yf-
irveguðum talsmáta breytti hann
þeirri ímynd smám saman – varð svo
annálað prúðmenni af poppstjörnu að
vera að mörgum fannst nóg um. Á
fimmtíu ára söngferli hefur hann
ekki, svo vitað sé, móðgað nokkurn
mann eða komið úr jafnvægi með
orðum sínum og athöfnum. Einstaka
gagnrýnandi hefur að vísu fjargviðr-
ast yfir að hann hafi ekkert lengur
fram að færa og sé alltaf að syngja
sama lagið. Það segir þó sína sögu að
þrjár kynslóðir skemmta sér saman á
tónleikum hans.
Kannski vildi Cliff Richard breyta
ímynd sinni eða sýna meiri fjölhæfni
þegar hann sótti fast að fá hlutverk
illmennisins Heathcliffs í sam-
nefndum söngleik eftir skáldsögu
Emily Brontë, sem frumsýndur var
1996. Hann vissi sem var að fólk hefði
ekki trú á að hann gæti brugðið sér í
hlutverk illmennis. Og viti menn –
Cliff Richard sem ódámur sem beitir
þungaða konu sína ofbeldi, reykir og
selur ópíum virkaði ekki alveg.
Þótt kominn sé hátt á sjötugsaldur
er engan bilbug á honum að finna.
Hann hefur líka viðhaldið drengja-
legu útliti sínu ótrúlega vel; hann er
bæði grannur og kvikur í hreyfingum
og andlitið svo slétt og fellt að getgát-
ur eru um botox-fyllingar annað slag-
ið. Þá er dökkt hárið þannig að hver
tvítugur væri fullsæmdur af. Vegna
þessa meðal annars hefur hann feng-
ið viðurnefnið Pétur Pan poppsins.
Eins og kunnugt er var Pétur Pan
drengur sem neitaði að fullorðnast,
sköpunarverk skoska skáldsins J.M.
Barries.
Kynhneigð og kirkja
Þar sem kristin kirkja er tvístíg-
andi í afstöðu sinni til samkyn-
hneigðra og sérstaklega til hjóna-
banda þeirra á milli hefur Cliff
Richard trúlega átt erfiðara en ella
með að koma út úr skápnum. Raunar
segist hann í ævisögunni vera orðinn
hundleiður á vangaveltum fjölmiðla
um kynhneigð sína. „Hvað varðar
aðra um það? Ég held að aðdáendum
mínum sé alveg sama,“ skrifar hann.
En vitaskuld varð uppljóstrun hans
um samband þeirra McElynns það
helsta sem fjölmiðlar létu sig varða
og vitnuðu orðrétt í ummæli eins og
þessi í bókinni:
„Hjónaband samkynhneigðra er
kannski nútíma dæmi um hve margt
hefur breyst. Mér finnst kirkjan
verða að taka afstöðu og sjá fólkið
eins og það er núna. Þeir tímar eru
liðnir þegar við gerðum ráð fyrir að
ástarsambönd væru einungis á milli
karls og konu. […] Þegar upp er stað-
ið trúi ég að fólk verði dæmt fyrir það
sem það er. Mér virðist skuldbinding
vera það sem máli skiptir, ef einhver
kemur til mín og segir: „Þetta er fé-
lagi minn – við erum skuldbundnir
hvor öðrum,“ þá er mér sama hver
kynhneigð þeirra er. Ég ætla ekki að
dæma – ég læt Guði það eftir.“
Cliff Richard hefur þó tvívegis ver-
ið að því kominn að kvænast, annars
vegar Jackie Irving, dansara sem
hann hitti í Blackpool, og hins vegar
Sue Barker, íþróttafréttakonu hjá
BBC og fyrrverandi tennisstjörnu,
sem hann kynntist 1982. Hann dreg-
ur heldur enga dul á að hann átti í ár-
daga ferilsins í sambandi við fyrrver-
1958-1960 1961-1970 1971-1980
Spútnik 1 gervihnötturinn fellur til jarðar, Barbie-dúkkan frá
Mattel kemur á markað og Fidel Castro kemst til valda á Kúbu.
Bandaríkjamenn senda aukinn herafla til Víet-Nam, Bítlarnir slá rækilega í
gegn, hippamenningin fæðist og John F. Kennedy er skotinn til bana.
Margaret Thatcher verður forsætisráðherra, Bruce Lee kemur bardaga-
listum á hvíta tjaldið og Jóhannes Páll II. er vígður til páfa í Vatikaninu.
Tónleikaferðalög víða um heim,m.a. til Japans.Kvikmyndir: The
Young Ones, Summer Holiday,Wonderful Life, Finders Keepers
og Two a Penny. Eiginn sjónvarpsþáttur á BBC.Smellir: Bachelor
Boy (einnig höfundur lagsins), varð í 2. sæti með Congratulations
í Evróvisjón 1968.Talar æmeira um trú sína og á móti eiturlyfjum
og kynlífi fyrir hjónaband.
Fær ekki koma til Singapore vegna þess að hárið er of sítt.
Smáskífan Sing A Song Of Freedom bönnuð í Suður-Afríku og
Mósambík. Dúett með Oliviu Newton-John.Kvikmyndir: Take
Me High.Smellir:Miss You Nights, Devil’sWoman,We Don’t
Talk Anymore, lenti í 3. sæti með Power To All Our Friends í
Evróvisjón 1973
Smáskífan Move It fer í 2. sæti 1958. Fjórar smáskífur til viðbótar
og breiðskífa. Plötusamningur við EMI.Tónleikaferðalag um
Bretland sama ár.Smellir: Living Doll, Travelling Light, Please
Don’t Tease og I Love You.Kvikmyndir: Serious Charge og
Expresso Bongo. Sjónvarpsþættir, verðlaun og viðurkenningar.
Sagður þéna meira en forsætisráðherra Bretlands.
Á meðan:
Pétur Pan poppsins
kemur út úr skápnum
Cliff og The Shadows Framan af spiluðu The Shadows með Cliff Richard,
en á sjöunda áratugnum skildu leiðir, þótt þeir spiluðu undir hjá honum
annað slagið. Hljómsveitin spjaraði sig vel á eigin spýtur.
Lífsförunautar Cliff Richard og vinur hans til margra ára, John McElynn, fyrrverandi kaþólskur
prestur í New York, í verslunarleiðangri í Malibu, Kaliforníu.
Hártískan Söngvarinn hefur löngum
þótt hafa snotra hárgreiðslu.