Skinfaxi - 01.11.1911, Blaðsíða 6

86
SKINFAXl
hefir mestan áhuga og sannastan á íjiróttum
og mest sér til frægSar unnið. Munu þeir
menn sem vita, hve mikið aðferð Mtillers
heíir breytt honum, táplitlum og heilsuveik-
um dreng, síst efast um gildi hennar.
I mörg ár hefir ekki komið út á íslensku
nein bók jöfn þessari, sem jafn nauðsyn-
legt væri að kæmist inn á hvert einasta
heimili í landinu og yrði notuð með skyn-
semd og festu af hverjum einasta manni.
Hún er ein af þeim fáu, góðu vinum, sem
veitir því hollari og betri úrlausnir, sem
meira er til hennar leitað.
Jónas Jónsson.
Ungmennafélagar erlendis.
Þriggja þeirra getur Skinfaxi að þessa
sinni.
Fyrstan skal telja þann þeirra, sem kunn-
ugastur er, Jakob Ó. Lárusson. Allflest-
um sunnlenskum ungmennafélögum erhann
a. m. k. að góðu kunnur, síðan hann var
ritstjóri „FjórðungsblaðsSunnlendingafjórð-
ungs“.
Jakob lauk fullnaðarprófi á prestaskól-
anum i vor, og sigldi daginn eftir og fór
alla leið vestur að Klettafjöllum í Vestur-
heimi. Þar rækir hann nú prestsþjónustu
i blómlegri nýbyggjabygð meðal íslendinga.
Jakob lætur liið besta af sér vestur þar.
Nýlega sáum vér í blaði þaðan úr bygð-
inni, að á Þjóðminningardegi Islendinga
þar, 2. ágúst síðastl., hefir Jakob ílutt ræðu
fyrir minni íslands; dáist blaðið á eldmóði
hans og hrifningu fyrir fósturlandinu,
En fyrir ])ví gátum vér Jakobs hér, að
hann ætlar ekki að ílendast í Vesturheimi.
Hann verður þar fram eftir vetri, fer þá
líklega til Noregs, og svo heim. í honum
eigum við sumt af því, sem okkur vantar
— hitann og festuna. — Skinfaxi hefir
von um að fá einhvern pistil frá honum
siðar meir.
Stemþór Guðmundsson er ættaður af
Vesturlandi. — Þar eru ungmennfclög fá.
Starf hans hefir því mest verið í U. M. F. R.
— verið þar einn hinna ötulustu „Skíða-
brautarmanna“. Til dæmis skal sagt frá
því, að síðastl. vor tók hann stúdentspróf
við Mentaskólann hér. Það hefir verið
vani stúdenta að fá sér „neðan i því“,
þegar prófi var lokið. Svo var og i vor,
en þegar Steinþór var búinn með síðustu
námsgreinina, fór hann upp i Skíðabraut
að vinna. og var þar lengst um dagana,
þangað til hann fór heim til sín.
í miðjum ágúst sigldi Steinþór á Kaup-
mannahafnarháskóla til þess að lesa þar
stærðfræði.
Það fer vel á því saman, að leggja stund
á vísindalega stærðfræði og moldarvinnu.
Enn eigum vér einn félaga í Kaup-
mannahöfn, skurðarsnillinginn Ríkharð
Jónsson. Hann hefir nú verið þar í þrjú
ár við nám, og mun nú orðinn sem næst
fullnuma. Hann er altaf með hugann heima
og þá mest í sambandi við Ungmennafé-
lögin. Snemma i sumar fékk U. M. F. R.
kveðju frá honum, bjóst hann við skreppa
heim í sumar, en ekki hefir orðið úr því.
Hann er okkur til sóma, hvar sem hann fer.
T. Þ.
Úr Húnavatnssýslu.
U. M. F. „Framsókn“ var stofnað 8. jan.
þ. á. að Höskuldsstöðum á Skagaströnd.
Stofnendur voru 25, karlar og konur; nú
eru félagar 36 að tölu. — Fundi sina
hefir félagið venjulega haldið þriðja hvern
sunnudag. Þar hafa verið rædd ýms áhuga-
mál Ungmennafélaganna, t. d. þegnskyldu-
vinnan, fánamálið o. fl., lesið upp, glímt
o. þ. h.
Þegar á það er litið, hve ungt félagið
er og að margir félagsmenn eru innan við
fermingu, er ekki hægt að búast við að
það hafi afkastað miklu enn. Eg skal hér
minnast á hið helsta, er það hefir gert.