Verklýðsblaðið - 03.11.1931, Blaðsíða 1
ÚTGEFANDI: KOMMÚNISTAFLOKKURISLANDS (DEILD ÚR A.K.)
II. árg.
Reykjavík 3. nóvember 1931
49. tbl.
Tveir licimai' ■
Hnigandi auðvald — sigrandi sósíalismi.
Verklýðsríkið 14 ára.
Aldrei hefir mannkynið lifað stórfelldari
andstæður en þær, sem nú eru milli ráðstjórn-
arríkjanna annarsvegar og auðvaldslandanna
hinsvegar. I fyrsta skifti í veraldarsögunni
stendur nú gagnvart hrörnandi, hnígandi
menningarríki annað stórkostlegra, æðra
menningarskipulag á hraðasta þróunarskeiði.
Mannkynið þekkir á síðustu 4000 árum sögu
þess, hvernig hver menningin á fætur annari
hefir hrunið til grunna, sakir spillingar og
innbyrðis andstæðna hennar. Egiftaland, As-
syria, Ilellenamenningin, Rómaríki — öll hafa
þau hnigið, gersundruð af stéttamótsetning-
uf sjálfra þeirra, og menningarleysi tekið við.
Ilvað eftir annað hefir mannkynið hrapað nið-
ur af allháu menningarstigi niður í menning-
arleysi og villimennsku,. sökum þess að því
hefir ekki tekizt að sigrast á stéttamótsetn-
ingum þjóðfélagsins né heldur að þekkja þró-
unarlögmál þjóðfélagsins og í krafti þeirrar
þekkingar að koma mannfélaginu á æðra
menningarstig.
Og nú vofir enn einu sinni sú ógurlega
hætta yfir mannkyninu, að öll menning sú,
sem sköpuð hefir verið, glatist sökum mót-
setningá auðvaldsþjóðfélagsins, kúgunar
þeirra og hörmunga, styrjalda og gereyðing-
ar, sem af því leiðir. En hið eina, sem gefur
starfandi mannlcyninu von um að þessari
hættu verði afstýrt, andstæðurnar yfirunnar,
auðvaldið með öllum þess hörmungum afnum-
ið, — það er hin glæsilega sköpun sósíalism-
ans, fullkomnasta menningarstig, sem mann-
kynið enn hefir eygt, í rússnesku ráðstjórnar-
ríkjunum.
Hver ósigurinn dynur yfir auðvaldsheiminn
á fætur öðrum. Hver stórbankinn í Austur-
ríki, Þýzkalandi, Frakklandi, Bandaríkjunum
hrynur á fætur öðrum. Hvert gengið — í Eng-
landi, Danmörku, Svíþjóð, Noregi, Islandi —
fellur á eftir hinu. Voldugustu stoðir auð-
valdsheimsins bresta hver um aðra þvera.
En í ríkjum sósíalismans vinnur alþýðan
sigur á sigur ofan. — 14 ára óslitna sigurför
á hún nú að baki. Og grundvöllur sósíalismans
er fullkomnaður nú á þriðja ári 5 ára áætlun-
arinnar.
I auðvaldsheiminum lokar hvert fyrirtækið á
fætur öðru. Helmingur verksmiðja og véla er
ónotaður. Þrælar auðvaldsins ofurseldir at-
vinnuleysi og hungri svo hundruðum miljóna
skiftir.
í veröld sósíalismans eykst velmegun allra
vinnenda með degi hverjum. 518 nýjar risa-
verksmiðjur taka til starfa í ár til að skapa
brauð, frið og frelsi fyrir frjálsan verkalýð
sósíalismans.
Alræði auðvaldsins skamtar verkalýð sultar-
laun og jafnvel hungurdauða atvinnuleysisins,
en féflettir bændur og miðstétt og steypir
þeim í glötun.
Alræði verkalýðsins hefir stórhækkað vinnu-
launin, stytt vinnudaginn niður í 7 tíma,
tryggir öllum vinnu og lífsnauðsynjar.
Þjóðakúgun, svifting mannréttinda, mennt-
unarleysi, örvænting — færizt daglega í
vöxt í auðvaldsheiminum.
En eldmóður verkalýðsins, samstarf
frjálsu þjóðanna, geysivöxtur hinnar nýju
verklýðsmenningar — með innihaldi sósí-
alismans í þjóðlegri mynd — vekja undr-
un og aðdáun um víða veröld.
Alræði auðvaldsins — eymd fjöldans!
Alræði verkalýðsins — vaxandi vel-
megun.
í auðvaldsþjóðfélaginu hrúgast niður
geysibirgðir alllra gnægta í eigu auð-
valdsins, sem eyðileggur þær hrönnum
saman, — meðan lýðurinn sveltur, sem
sjálfur getur ekki keypt sína eigin fram-
leiðslu.
En í ráðstjórnarríkjunum er öllum
framleiðslutækjum beitt með öllum kröft-
um, svo enginn gengur atvinnulaus, —
aðeins til þess að veita öllum vinnandi lýð
auðæfi náttúrunnar í sem ríkustum mæli.
Alræði burgeisanna — það er það að
velta öllum byrðum kreppunnar yfir á al-
þýðuna og halda auðvaldsskipulaginu við
með vaxandi eymd og auknum hungur-
morðum öreiganna mitt í allsnægtum
heimsins.
Alræði öreiganna — það er að velta af-
leiðingum kreppunnar yfir á auðvaldið
sjálft, bylta því frá völdum, afnema
stéttamótsetningar mannfélagsins.
Að halda við auðvaldsskipulagið nú —
]iað er að berast sem stjórnlaust flak
fyrir stormi og farast í örvæntingu.
Að koma sósíalismanum á — það er að
drottna yfir öflum og lögmálum náttúrunnar
og mannfélagsins, sem frjálst mannkyn.
Alræði auðvaldsins — það er sívaxandi sam-
keppni, sem endar með allsherjar blóðbaði auð-
valdsins — eins og þegar sést á aðförum
Japana í Kína.
Alræði alþýðunnar — það er samvinna allra
þjóða, afnám styrjaldanna, sameining allra
krafta verkalýðsins í veröldinni til að bylta
stórveídaokinu af þjóðunum og afmá olbeldis-
samningana frá 1919.
Yfirráð auðvaldsins þýðir blóðbað styrjald-
anna ofan á hungurmorðin heima fyrir.
Yfirráð verkalýðs og bænda — það er al-
hliða efling velmegunar og menntunar — það
er byrjunin á framkvæmd sósíalismans.
Á 14. ára afmæli fyrstu sigursælu verk-
lýðsbyltingar heimsins mænir alþýða allra
landa full hrifningar á stórvirki það, sem unn-
ið hefir verið, á framkvæmd 5 ára áætlunar-
innar á 4 árum! En auðvaldið lítur þangað
fullt öfundar og hyggur að brugga hinu unga
verklýðsríki banaráð á laun.
En því betur sem sósíalisminn með fram-
kvæmdinni í sovétríkj unum sýnir yfirburði
sína yfir hið hrömandi auðvald, því betur
skilst öllum verkalýð, að ráðstjórnarríkin eru
hið eina föðurland hans í veröldinni og sósíal-
isminn eina framtíð hans og von!
Lenin og Stalin.
Verkamenn og fátækir bændur íslands!
Þið eruð kúgaðir og órétti beittir. Þið eruð
sviftir atvinnu og oft á tíðum öllum lífsmögu-
leikum, ofurseldir atvinnuleysi og neyð, kaup
ykkar lækkað, verð afurða ykkar fellt, en arð-
rán atvinnurekenda og banka vex að sama
skapi! Kreppan er látih skella á ykkur — sak-
lausum — með öllum hennar geigvænlegu af-
leiðingum. Af ykkur, sem aldrei hafið haft
nema rétt í ykkur og á, er heimtað að spara
— neita ykkur um allt! Þið eruð gerðir að
ánauðugum þrælum og landsetum brezka og
íslenzka auðvaldsins, fyrirskipað að neita ykk-
ur um allt — bara til þess að borga banka-
skuldir og vexti af gömlu ránsfé Bretaveldis.
Jafnvel voninni um bjarta framtíð fyrrir ykkur
og afkomendur ykkar reyna auðvaldsþýin að
ræna ykkur, reyna að drepa í ykkur allan kjark,
kæfa í fæðingunni frelsisbaráttu ykkar.
Tveir heimar — annarsvegar atvinnuleysi,
launalækkun, vaxandi neyð, hnignandi menn-
ing — hinsvegar alger útrýming atvinnuleys-
is, launahækkun, vaxandi velmegun og menning.
Sameinist undir forustu Kommúnistaflokks-
ins til baráttu gegn útlendu og innlendu auð-
valdi, til baráttu fyrir framkvæmd sósíalism-
ans á íslandi!
Sameinist um Alþjóðasamband kommúnista
til verndar ráðstjórnarríkjunum, til varnar og
sóknar fyrir fyrsta ríki verkalýðsins, fyrrsta
þjóðfélag sósíalismanns á jörðunni!