Stúdentablaðið - 01.03.1985, Blaðsíða 6

Eflum
tengsl
Stúdenta-
ráðs og
deildar-
félaga
Eftir Ara Edwald
Kost þessa fyrirkomulags taldi ég
þann, fyrst og fremst, eftir að hafa
kynnst starfi deildarfélaga nokkuð, að
auðveldara yrði að ná samstöðu um bein
hagsmunamál stúdenta (þau sem snerta
þá sérstaklega, umfram aðra menn í
þjóðfélaginu) ef Stúdentaráð gæti orðið
sameiningarafl deildarfélaga og þyrfti
pólítískt vafstur á öðrum vettvangi þá
ekki að sundra mönnum svo mjög.
Einnig taldi ég, og tel enn, að það yrði
stúdentum til styrktar að ávöxtur félags-
starfs þeirra rynni í einni elfu en greind-
ist ekki í tvær kvíslir. Enda ekki sýnilegt
að áhugi stúdenta bjóði uppá öflugt
félagsstarf á tveimur vígstöðvum.
Með þessa hugmynd í handraðanum
hélt ég á fund í Félagi umbótasinnaðra
stúdenta, enda markmiðið mjög í anda
þess sem það félag hefur barist fyrir hér
í stúdentapólitíkinni.
Þegar ég hóf könnun á því hvernig
þessu hafði verið hagað hér áður fyrr,
með tilliti til útfærslu hugmyndarinnar,
kom strax í ljós að ég var ekki sá fyrsti
sem hafði hafið baráttuna með þessa
hugmynd í kollinum. En eins og spurt
var í upphafi; hvað stendur í vegi fyrir
breytingum?
Góð hugmynd
fæddist...
Hvað stendur í vegi fyrir því að
til Stúdentaráðs H.í. sé kosið í
gegnum deildarfélögin er spurn-
ing sem oft hefur leitað á huga
minn frá því haustið ’83 er ég hóf
háskólanám og tók að fylgjast úr
fjarlægð með minni eigin hags-
munabaráttu.
... Góð hugmynd dó ...
Frá því að Stúdentaráði var komið á
fót, árið 1920, skilst mér að ýmislegt hafi
verið reynt í þessum efnum. Fyrstu þrjú
árin var kosið til þess í deildunum, frá
’23 —’33 var helmingur kosinn í deild-
um en helmingur kosinn meiri-
hlutakosningu af listum. ”33 —’35
var helmingsblanda af deildakjöri og
almennu listakjöri uppá teningnum. Frá
’35—’60 var almennt listakjör allsráð-
andi. Árið 1960 var síðan horfið að þeirri
leið aftur að kjósa til Stúdentaráðs í
deildunum og stóð svo fram til 1974, er
núverandi kerfi var tekið upp. Er fróð-
legt að líta aðeins til þess rökstuðnings
er þá var hafður uppi til stuðnings því að
leggja af kjör í deildunum. Hann var
m.a. sá að menn litu ekki á sig sem
fulltrúa einstakra deilda, heldur fremur
sem fulltrúa hagsmunafélaganna,
pólítíkin hefði flust inn í deildirnar,
gífurlegt misræmi hefði skapast milli
deilda að því er tók til fjölda nemenda í
þeim og tölu fulltrúa þeirra í Stúdenta-
ráði. Vinna bæri gegn deildarmúrum,
auk þess sem sérþekking á málefnum
hverrar deildar gæti komist mun betur
til skila með því að efla tengsl ráðsins og
deildarfélaga og með því að þær deildir
sem engan kosinn fulltrúa ættu í
stúdentaráði skipuðu þar fastan fulltrúa
með áheyrnar og tillögurétt.
... Og þó...
Að þessum plöggum skoðuðum er
niðurstaða mín sú, að eðli Stúdentaráðs
fari í raun ekki eftir því hvernig til þess
sé kosið. Núverandi kerfi er að mörgu
leyti ágætt því gera má ráð fyrir að fylk-
ingarnar leitist við að fá fulltrúa sem
flestra deilda á lista sinn, auk þess sem
vel má hugsa sér að deildimar bjóði
fram eigin lista. Þá veita listamir mis-
munandi skoðunum á hagsmunamálum
stúdenta í megin farvegi sem auðvelda
mönnum að taka afstöðu. Að auki verða
frambjóðendur nú að sækja fylgi sitt til
allra stúdenta.
Það sem gera þarf er að stórauka
tengsl Stúdentaráðs og deildarfélaga og
frumkvæði í þá átt á að koma frá
Stúdentaráði, í gegnum skrifstofu þess.
Á skrifstofu Stúdentaráðs em hverju
sinni ráðnir tveir fastir starfsmenn og er
meiningin að skrifstofan beri hitan og
þungan af hinni daglegu baráttu.
Undanfarið hefur hinsvegar mátt telja
skrifstofuna að mestu óvirka hvað þetta
varðar. Ég er þó alls ekki að skella skuld-
inni á það fólk sem þar starfar. Stefán
Kalmansson (Vöku) form. St. ráðs, sem
gengt hefur starfi fr.kv.stj. skrifstof-
unnar undanfarið ár er ágætismaður.
Mér veitti hann t.a.m. ýmsa hjálp er ég
hóf að setja mig inní baráttumál
stúdenta, bauð mér bæði kaffi og vindla
(ég reyki að vísu ekki). Það virðist bara
ekki nóg að vera fínn náungi. Stefán
kvartar sjálfur í síðasta Stúdentablaði
yfir því að hann þekki ekki hug stúdenta
til baráttumála sinna. Umbótasinnar
setja nú fram markvissar tillögur í mál-
efnum skrifstofunnar, sem hafa það að
markmiði að slá tvær flugur í einu
höggi; 1. efla tengsl Stúdentaráðs og
deildarfélaga, 2. efla sameiginlega
baráttu stúdenta fyrir hagsmunamálum
sínum. I tillögunum fellst m.a. að gerður
verði ráðningarsamningur við fram-
kvæmdastjórann sem kveði á um verk-
svið hans og að hinn starfsmaður skrif-
stofunnar verði ekki aðeins ritari fram-
kvæmdastjóra heldur beri báðir starfs-
kraftar skrifstofunnar ábyrgð og verði
báðir ráðnir á grundvelli áhuga á mál-
efnum stúdenta. Slagorðið er sem fyrr:
BETRI SKRIFSTOFA - VIRKARI
BARÁTTA.
6
Stúdentablaðið