Fréttablaðið - 29.09.2009, Page 26

22 29. september 2009 ÞRIÐJUDAGUR
sport@frettabladid.is
Óli Stefán Flóventsson hefur ákveðið að snúa sér að þjálfun og
hefur samþykkt tveggja ára samning sem spilandi þjálfari Sindra
frá Höfn í Hornafirði sem leikur í 3. deild. Hinn 33 ára gamli Óli
Stefán hefur lengst af leikið með Grindvíkingum og er leikja-
hæsti leikmaður liðsins í efstu deild með 194 leiki. Hann kom
til liðs við Grindvíkinga að nýju þegar félagaskiptaglugginn
var opnaður 15. júlí síðastliðinn eftir stutta dvöl hjá norska
2. deildarliðinu Vard Haugasund og eitt sumar með Fjölni
úr Grafarvogi. Óli Stefán skilur sáttur við Grindvíkinga og
hlakkar jafnframt til þess að taka næsta skref á sínum ferli.
„Ég er himinlifandi með að hafa komið heim og hjálpað Grind-
víkingum því þeir voru ekki í góðri stöðu framan af sumri. Við
náðum hins vegar að bjarga okkur frá falli þegar nokkrar umferðir
voru eftir og það var kannski eins gott því dæmið í kringum
svínaflensuna hafði sitt að segja á lokasprettinum. Ég skil annars
bara sáttur við Grindvíkinga og er ánægður með að hafa klárað
minn feril sem leikmaður þar. Ég fer annars austur eftir tvær vikur
og skrifa undir tveggja ára samning við Sindra. Ég hef nú alltaf sagt
að ég ætli að snúa mér að þjálfun og nota svona síðustu metrana
sem leikmaður til þess að koma mér að. Ég veit nú ekki hvort ég
mun spila mikið, það kemur bara í ljós. Þetta er bara næsta skrefið
í þessum fótboltabransa hjá mér og ég hlakka mjög til,“ segir
Óli Stefán.
Óli Stefán vonast til þess að geta hjálpað Sindra til þess
ná fyrri hæðum en ekki er langt síðan Hornfirðingar voru
með mjög frambærilegt 1. deildarlið.
„Konan mín er frá Höfn og ég hef verið þarna yfir
jólahátíðina síðustu fimm ár og þá hef ég kíkt á æfingar
með Sindra þannig að ég þekki ágætlega til þarna. Þeir
töluðu fyrst við mig fyrir þremur árum og ég er kannski að
efna gamalt loforð núna. Þeir eru í neðstu deild og eiga
að mínu mati ekki heima þar og ég mun reyna mitt
besta til þess að breyta því. Stefnan er að reyna að
rífa þetta félag upp. Það eru spennandi leikmenn
þarna og margir ungir og efnilegir strákar sem
verður skemmtilegt að vinna með. Það er líka
rosalega mikill áhugi fyrir fótbolta á Höfn og það gerir þetta
enn meira spennandi.“
ÓLI STEFÁN FLÓVENTSSON: HEFUR ÁKVEÐIÐ AÐ SNÚA SÉR AÐ ÞJÁLFUN OG GERÐI TVEGGJA ÁRA SAMNING VIÐ SINDRA
Næsta skrefið hjá mér í þessum fótboltabransa
FÓTBOLTI Ensku félögin
Arsenal og Liverpool
vonast til þess að halda
áfram á sigurbraut
þegar önnur umferð
riðlakeppni Meistara-
deildar Evrópu hefst í
kvöld.
Arsenal fær Olymp-
iakos í heimsókn á
Emirates-leikvang-
inn en Liverpool
ferðast til Ítalíu og
mætir Fiorentina
á Artemio Franchi-leik-
vangnum í Flórens.
Arsenal byrjaði riðla-
keppnina á ótrúlegum 2-3 sigri
gegn Standard Liege eftir að hafa
lent 2-0 undir snemma leiks en
knattspyrnustjórinn Arsene Weng-
er hjá Arsenal getur ekki
stillt fram sínum sterk-
asta leikmannahópi
fyrir leikinn gegn
Olympiakos.
Staðfest hefur
verið að miðju-
maðurinn Denilson
verður frá vegna bak-
meiðsla í um það bil tvo
mánuði og þá er framherj-
inn Nicklas Bendtner óleik-
fær eftir að hafa lent í bíl-
slysi á sunnudag. Hinn
21 árs gamli Bendtner
klessukeyrði tuttugu millj-
óna króna Aston Martin-
bifreið sína nálægt æfingasvæði
Arsenal en slapp við alvarleg
meiðsli.
„Nicklas er illa marinn og skelk-
aður eftir atvikið og hann æfði
ekki með liðinu á mánudag og
verður því ekki í leikmannahópn-
um fyrir leikinn gegn Olympiakos.
Denilson er aftur á móti meiddur
í baki og gæti orðið frá í þó nokk-
urn tíma, jafnvel nokkra mánuði,“
sagði Wenger á blaðamannafundi
í gær.
Knattspyrnustjórinn Rafa
Benítez hjá Liverpool verður einn-
ig án tveggja lykilmanna fyrir
leikinn gegn Fiorentina í kvöld
þar sem hvorki Yossi Benayoun né
Javier Mascherano ferðuðust með
liðinu til Flórens.
Tvímenningarnir léku báðir í
6-1 sigri Liverpool gegn Hull um
helgina en meiðsli þeirra eru ekki
talin alvarleg og því er ekki úti-
lokað að þeir verði klárir í slaginn
gegn Chelsea í ensku úrvalsdeild-
inni um næstu helgi. - óþ
Önnur umferð riðlakeppni Meistaradeildarinnar hefst í kvöld með átta leikjum í riðlum E til H:
Arsenal og Liverpool í eldlínunni
BENDTNER Er óleikfær eftir að
hafa lent í bílslysi á sunnudag.
NORDIC PHOTOS/AFP
LEIKIR KVÖLDSINS
E-riðill:
Debrecen-Lyon
Fiorentina-Liverpool Stöð 2 Sport
F-riðill:
Rubin Kazan-Inter
Barcelona-Dinamo Kiev Stöð 2 Sport 4
G-riðill:
Rangers-Sevilla
Unirea Urziceni-Stuttgart
H-riðill:
AZ Alkmaar-Standard Liege
Arsenal-Olympiakos Stöð 2 Sport 3
FÓTBOLTI FH-ingurinn Atli Viðar
Björnsson var að margra mati með
gullskóinn innan seilingar fyrir
lokaumferð Pepsi-deildar karla
um helgina en varð að horfa á eftir
honum til KR-ingsins Björg ólfs
Takefusa sem skoraði fimm mörk
á móti Val. Saga síðustu ára segir
að Atli Viðar muni fá gullskóinn
síðar á ferlinum.
„Bjöggi hitti þarna á algjöran
toppleik og það gekk allt upp hjá
honum. Ég held að ég hafi staðið
mig ágætlega, sem og liðið. Ég
er sáttur við sjálfan mig enda
get ég ekki gert í því hvað aðrir
skora mörg mörk. Það þýðir ekk-
ert að svekkja sig á einhverju sem
maður hefur ekki stjórn á,“ segir
Atli Viðar.
Atli Viðar náði ekki að skora í
síðustu tveimur umferðunum og á
sama tíma skoraði Björgólfur sex
mörk.
„Vissulega hefði það orðið
gaman að fá gullskóinn en það
sem stendur upp úr er að þetta
var flott sumar þar sem ég fékk
tækifæri með landsliðinu, varð
Íslandsmeistari og fékk silfurskó.
Ef einhver hefði boðið mér þetta
allt saman í vor þá hefði ég allt-
af þegið það,“ segir Atli Viðar en
þetta er fyrsti skórinn hans í efstu
deild. „Það kemur annar skór ein-
hvern tímann síðar, við höldum
bara í vonina,“ segir Atli Viðar.
Tryggvi Guðmundsson, félagi
Atli Viðars í FH-liðinu, ætti að geta
hughreyst sinn mann með sinni
reynslu. Tryggvi Guðmundsson
var með tveggja marka forskot á
Skagamanninn Arnar Gunnlaugs-
son fyrir lokaumferðina sumarið
1995. Arnar skoraði hins vegar
þrennu í innbyrðisleik þeirra
félaga í lokaumferðinni án þess að
Tryggvi næði að svara fyrir sig og
tryggði sér þar með gullskóinn.
„Þetta var auðvitað pínu svekkj-
andi en mér var bætt það upp á
lokahófi KSÍ þar sem ég var val-
inn efnilegasti leikmaður Íslands-
mótsins. Það var mun meiri heiður
en gullskórinn og þá sagði ég bara
að ég tæki gullskóinn einhvern
tímann seinna. Tveimur árum
seinna tók ég bæði gullskóinn og
var valinn bestur,“ sagði Tryggvi
en hann rifjaði upp skemmtilega
sögu af þessum sögulega leik sem
fram fór 23. september 1995.
„Það eina sem við höfðum að
keppa var að tryggja mér gullskó-
inn. Það var ákveðið að fá Dragan
Manojlovic, sem var varnarmaður
hjá okkur, til að vera yfirfrakki á
Arnari Gunnlaugssyni. Eftir á vilj-
um við meina að hann hafi verið
að dekka Bjarka bróður hans
allan leikinn vegna þess að Arnar
gerði þrjú mörk og ég náði meira
að segja einu sinni að bjarga á
línu frá honum. Það er magnað að
Arnar hafi fengið á sig yfirfrakka
en hafi engu að síður náð að skora
þrjú mörk og átt jafnvel að skora
fleiri,“ segir Tryggvi í léttum tón.
Tryggvi hefur líka trú á því
að Atli Viðar eigi eftir að halda í
hefðina og taka gullskóinn á næstu
árum í staðinn. „Hann á nóg eftir
og er í sókndjörfu liði þannig að
það er alls ekki ólíklegt að hann
kroppi í gullskóinn einhvern tím-
ann seinna. Ég mæli alveg með því
að byrja á silfurskónum,“ segir
Tryggvi.
Þriðji maðurinn til þess að upp-
lifa það að horfa á eftir gullskón-
um í lokaumferðinni er Keflvík-
ingurinn Guðmundur Steinarsson,
sem var með tveggja marka for-
skot á KR-inginn Andra Sigþórs-
son fyrir lokaumferðina sumarið
2000. Guðmundur stóð sig reynd-
ar vel í lokaleiknum og skoraði þá
tvö mörk en það dugði ekki til því
Andri skoraði fernu í 4-1 sigri KR
á Stjörnunni sem færði KR-ingum
Íslandsmeistaratitilinn. Þeir skor-
uðu því jafnmörg mörk en Andri
fékk gullskóinn þar sem hann lék
tveimur leikjum færra en Guð-
mundur. Það tók Guðmund átta
ár að ná í gullskóinn en hann kom
loksins í hús á síðasta tímabili.
ooj@frettabladid.is
Gullskórinn kemur bara seinna
FH-ingurinn Atli Viðar Björnsson varð um helgina þriðji leikmaðurinn til að horfa á eftir markakóngs-
titlinum og gullskónum í lokaumferðinni. Hinir tveir fengu báðir gullskóinn seinna á ferlinum.
MARKAHÆSTIR 2000
Fyrir lokaumferð
Guðmundur Steinarsson, Keflavík 12
Andri Sigþórsson, KR 10
Steingrímur Jóhannesson, ÍBV 9
Gylfi Einarsson, Fylki 9
Lokastaðan
Andri Sigþórsson, KR 14
Guðmundur Steinarsson, Keflavík 14
Gylfi Einarsson, Fylki 10
Steingrímur Jóhannesson, ÍBV 9
MARKAHÆSTIR 1995
Fyrir lokaumferð
Tryggvi Guðmundsson, ÍBV 14
Arnar Gunnlaugsson, ÍA 12
Mihajlo Bibercic, KR 11
Rastislav Lazorik, Breiðabliki 11
Lokastaðan
Arnar Gunnlaugsson, ÍA 15
Tryggvi Guðmundsson, ÍBV 14
Mihajlo Bibercic, KR 13
Rastislav Lazorik, Breiðabliki 11
FJÓRTÁN MÖRK Atli Viðar
Björnsson fagnar einu af mörk-
um sínum í sumar.
FRÉTTABLAÐIÐ/ANTON
Enska úrvalsdeildin
Man. City-West Ham 3-1
Carlos Tevez (2), Martin Petrov - Carlton Cole
STAÐAN
1. Man. United 7 6 0 1 17-6 18
2. Chelsea 7 6 0 1 16-6 18
3. Liverpool 7 5 0 2 22-10 15
4. Tottenham 7 5 0 2 17-10 15
5. Man. City 6 5 0 1 14-7 15
6. Arsenal 6 4 0 2 18-8 12
7. Aston Villa 6 4 0 2 9-5 12
8. Sunderland 7 4 0 3 14-11 12
9. Everton 6 3 0 3 8-10 9
10. Wigan 7 3 0 4 7-13 9
11. Burnley 7 3 0 4 5-15 9
12. Stoke 7 2 2 3 5-9 8
13. Bolton 6 2 1 3 8-9 7
14. Birmingh. 7 2 1 4 4-6 7
15. Blackburn 6 2 1 3 6-9 7
16. Wolves 7 2 1 4 7-13 7
17. Fulham 6 2 0 4 4-8 6
18. West Ham 6 1 1 4 6-9 4
19. Hull 7 1 1 5 6-19 4
20. Portsmouth 7 0 0 7 3-13 0
Norska úrvalsdeildin
Brann-Odd Grenland 4-2
Birkir Már Sævarsson skoraði fjórða mark Brann.
Sænska úrvalsdeildin
GAIS-Örebro 3-0
Eyjólfur Héðinsso lagði upp tvö mörk fyrir GAIS.
ÚRSLIT
FÓTBOLTI Það leyndi sér ekki fyrir
neinum að Eiður Smári Guðjohn-
sen var hundsvekktur með það að
vera tekinn út af á 63. mínútu í
leik Mónakó á móti Saint-Etienne
á laugardaginn.
Þegar tölfræði leiksins er skoð-
uð eins og hún kemur fyrir hjá
blaðinu France Football lítur
út fyrir það að okkar maður
sé hreinlega skilinn út undan í
sóknar leik liðsins. Hvort sem
það er vegna hreyfingarleysis
Eiðs Smára eða að hann sé enn að
venjast leik liðsins þá fær hann
boltann miklu sjaldnar en allir
leikmennirnir í kringum hann.
Eiður Smári kom alls þrettán
sinnum við boltann í leiknum
samkvæmt tölfræði France Foot-
ball og tapaði honum fimm sinn-
um. Hann átti sex sendingar og
heppnuðust fjórar þeirra, þar
af ein fyrirgjöf. Hann fékk eina
aukaspyrnu, braut einu sinni af
sér og vann eina tæklingu.
Sem dæmi þá fékk Nene bolt-
ann 55 sinnum í leiknum, Mathi-
eu Coutadeur komst 54 sinnum í
boltann, Alejandro Alonso fékk
boltann 39 sinnum og Chu Young
Park kom við hann 30 sinnum.
Þetta eru allt leikmenn framar-
lega á vellinum hjá Mónakó og
því lítur út fyrir að okkar maður
sé bara ekki með. - óój
Sóknarleikur Mónakó-liðsins:
Fær Eiður ekki
að vera með?
0 MÖRK Á 252 MÍNÚTUM Eiður Smári
Guðjohnsen. NORDICPHOTOS/AFP
> Kristján hættur, Willum Þór tekinn við
Kristján Guðmundsson er hættur sem þjálfari Kefla-
víkur en hann hefur stýrt liðinu í fimm ár. Willum Þór
Þórsson var í kvöld ráðinn sem nýr þjálfari liðsins en
hann skrifar undir tveggja ára samning. „Við ákváðum
bara eftir stjórnarfund að nýta okkur ákvæði í samningi
Kristjáns til þess að segja samningi hans upp
í október. Við þökkum honum bara fyrir góð
störf. Þetta gerðist mjög hratt og við höfum
fengið Willum Þór til þess að þjálfa liðið.
Hann skrifar undir tveggja ára samn-
ing,“ segir Þorsteinn Magnússon,
formaður Keflavíkur, í viðtali við
Fréttablaðið.