Fálkinn - 12.11.1954, Qupperneq 1

42.
ReyJcjavík, föstudagur 12. nóvember 1951/.
XXVTL.
Adenouer d Islondi
Það þótti mikill viðburður, er dr. Konrad
Adcnauer, forsætisráðherra Vestur-Þýska-
lands, kom í opinbera heimsókn til Islands
þriðjudaginn 26. okt. s. 1. í fylgd með hon-
um voru m. a. dr. Walter Hallstein, aðstoð-
ar-utanríkisráðherra, Hans Heinrich von
Herwarth, skrifstofustjóri þýska utan-
ríkisráðuneytisins og Felix von Eckhardt,
blaðafulltrúi þýsku stjórnarinnar.
Dr. Adenauer er tvímælalaust einn mesti
stjórnmálaskörungur síðari ára. Honum
hefir í senn tekist að skapa traust og vin-
samlega sambúð milli þýsku þjóðarinnar
og vesturveldanna, sem haft hafa með
höndum hernám Vestur-Þýskalands frá
stríðslokum, og einnig tekist að reisa at-
vinnulíf þjóðarinnar úr rústum á ótrúlega
skjótum tíma. — Þótt dr. Adenauer sé
hinginn á efri aldur, þá á hann þó eldmóð
æskumannsins, og ber framganga hans
öll þess greinilegan vott. Það sópar að hon-
um, hvar sem hann fer, og viðmótið skapar
í senn traust og vináttu.
Fjallkonan skartaði sínu fegursta, þeg-
ar dr. Adenauer kom til landsins. Veður
var kyrrt og bjart og útsýni frá Reykjavík
óvenjulega skírt og fagurt. Forsætisráð-
herrann lét einnig í ljós mikla hrifningu
á hinni sérstæðu fegurð landsins.
Dr. Adcnauer kom flugleiðis til Iandsins.
Dr. Kristinn Guðmundsson, utanríkisráð-
herra og dr. 'Oppler, sendiherra Þjóðverja
á íslandi, tóku á móti honum á Keflavíkur-
flugvelli. Þaðan var haldið til Reykjavíkur,
þar sem Ólafur Thors, forsætisráðherra,
kom til móts við dr. Adenauer. Síðan var
haldið til Bessastaða á fund forseía ís-
lands, en þaðan var haldið austur á
Þingvöll, þar sem hinir þýsku gestir skoð-
uðu hinn fornhelga þingstað. Hafði dr.
Adenauer sérstaldega óskað þess að fá að
koma þangað. Að lokinni Þingvallaförinni
hafði hann síðan fund með blaðamönnum
í þýska sendiherrabústaðnum.
Hér sést forseti íslands, herra Ásgeir
Ásgeirsson, bjóða dr. Adenauer velkom-
inn til Bessastaða. — Ljósm.: P. Thomsen.