Fálkinn - 11.01.1961, Qupperneq 19

Dýragai’ður Hagebechs í Hamborg er gamall og mjög
fullkominn. Á stríðsárunum drápust flest dýrin, en þrátt
fyrir það hefur á síðari árum tekizt að fylla í skörðin,
og eru þar hin ótrúlegustu dýr næstum hvaðanæva úr
heiminum. Eitt er það, sem ferðamaður, sem er í fyrsta
skipti á ferð um Hamborg, má ekki láta hjá líða að skoða,
en það er skemmtigarður borgarinnar „Planten und Blu-
men“. Þar er hið fræga vatnsorgel, og á sumrin er leikið
á það tvisvar á hverju kvöldi, hálfa klukkustund í senn.
Á sama hátt og höfn Hamborgar var um aldaraðir „hlið
að hinum stóra heimi", hefur flugvöllur borgarinnar nú
að nokkru tekið við því hlutverki. Um hann fara fjölmarg-
ar flugvélar dag hvern.
Það, sem hinn heppni vinnandi í Bingóspili Fálkans
mun sennilega fyrst taka eftir, eru breytingar og bygging-
ar, sem nú er unnið við á flugvellinum. Þetta er gert í
því augnamiði, að gera stærri flugvélum kleift að athafna
sig þar og til þess að auðvelda alla afgreiðslu farþega og
farangurs.
í flugstöðvarbyggingunni hefur Flugfélag íslands skrif-
stofur sínar, og þar hefur aðsetur sitt fulltrúi félagsins í
Hamborg, Skarphéðinn Árnason.
Við segjum nánar frá ýmsum merkisstöðum í Hamborg
í næsta blaði, þegar annar hluti Bingósins birtist.
Fyrir um það bil ellefu hundruð árum var staðurinn
þar sem Saxelfi og Alstervatn koma saman, nefndur mikils-
verð verzlunarstöð, og um upphaf íslandsbyggðar var
Hamborg orðin að stóru þorpi, ef marka má lýsingar og
teikningar á byggðasafni borgarinnar.
Hamborg hefur æ síðan haldið sessi sínum sem mikils-
verð verzlunar- og hafnarborg. Hún var um tíma sú borg
í Evrópu, sem flest skip gistu, og er í dag mannflesta borg
Þýzkalands. íbúar eru þar um 2 milljónir.
Það er erfitt að lýsa Hamborg í stuttum pistli. Á sama
hátt og aðrar stórborgir, hefur hún innan „borgarmúra"
sinna bæði hið góða og hið illa, eða svo mundu siðapost-
ularnir að minnsta kosti taka til orða.
Þar fyrirfinnast til dæmis ópera, nokkur leikhús, óper-
ettuhús, ótal kirkjur að ógleymdum söfnum listaverka og
gamalla minja, ásamt öðru, sem til menningarauka má
verða. En í Hamborg fyrirfinnast einnig þeir hlutir, sem
hvergi getur að líta annars staðar í norðanverðri Evrópu.
Er þar átt við hinar ýmsu götur skemmtihverfisins St.
Pauli, en það dregur ekki hvað sízt að erlenda ferðamenn,
enda hefur frægð þess flogið víða um álfur. ,,Sá, sem ekki
hefur séð Hamborg, þekkir ekki Þýzkaland," segir gamalt
þýzkt máltæki.
Eitt það merkasta í Hamborg og það, sem ferðamenn
skoða gjarnan, er höfnin. Hún er gríðarlega stór og ekki
gerlegt að fara um hana nema á bátum. Bílferð yrði tafin
við vindubrýr, sem sífellt eru uppi til þess að hleypa
skipum út og inn. Sá hluti hafnarinnar, sem liggur á
nyrðri bakka Saxelfar, er að miklu leyti fríhöfn, og þar
eru einnig fjölmargar skipasmíðastöðvar.
Efri myndin er af Alstervatninu í Hamborg, en hér
til hliðar sést hluti af hinum fræga skemmtigarði
„Planten und Blumen“. Myndin á síðunni hér á móti
er af Gullfaxa á flugrvellinum í Hamborg:.
FÁLKINN 19