Fálkinn - 19.07.1961, Blaðsíða 26
Fyllt kálfssíða.
l\í kg kálfssíða
IV2 tsk. salt
Vi tsk. pipar.
Fylling:
3 msk. smjörlíki
6 msk. söxuð steinselja
1 tsk. timjan (krydd).
Steiking:
4 dl vatn
1 lítill laukur
2 negulnaglar
1 lárberjalauf.
Rifbeinin tekin úr síðunni. Smjörlíki
og steinselju blandað saman, smurt á
kjötið. Helmingnum af salti. pipar og
timjan stráð yfir. Vafið fast saman,
bundið þétt um með bleyttu bómullar-
garni. Kjötið brúnað, afgangnum af
kryddinu stráð yfir. Soðnu vatni hellt
á og lauk, negulnöglum og lárberjalaufi
bætt út í. Soðið við hægan eld 1—2
klst., fer eftir því af hve gömlu kjötið
er. Venjuleg sósa búin til úr soðinu.
Spottinn tekinn utan af kjötinu, sneið-
ið það í fingurþykkar sneiðar. Borið
fram með alls konar soðnu grænmeti
og hráum jurtasalötum.
Appeilsínupie.
100 g smjörlíki
2(4 dl hveiti
1—2 msk. sykur
2 msk. vatn.
Fylling:
3 dl appelsínusafi (juice)
V2-I dl sykur
1 msk. kartöflumjöl
3 eggjarauður
1 msk smjörlíki.
Marengs:
3 eggjahvítur
6 msk. sykur.
Smjörlíkið mulið í hveitið, sykri
blandað saman við, vætt í með vatninu.
Deigið hnoðað léttilega saman og drepið
í grunnt, eldfast mót. Geymið hluta af
deiginu, mótið úr því lengju, sem lögð
er á brún mótsins. Bakað við 225°C,
þar til það er gulbrúnt.
í fyllinguna er öllu blandað saman
í pott (sé notuð saft úr nýjum appel-
sínum, er notaður 2 dl safi + 1 dl vatn).
Hitað að suðu, hrært stöðugt í á með-
an. Kælt. Hellt í hina bökuðu pieskel.
Eggjahvíturnar stífþeyttar, sykrinum
blandað saman við, þeytt um stund, lát-
ið yfir appelsínufyllinguna. Bakað við
vægan hita 150°C nál. 10 mínútur, eða
þar til marengsinn er fallega gulbrúnn.
Skreytt með appelsínubitum, borið fram
kalt sem ábætisréttur.
Appelsínufyllingunni hellt i pieskelina.
Fötin sitja föst.
Mjúkt herðatré, sem ekki lætur lit
þegar þurrka þarf á því, er hlutur, sem
allir þurfa að nota. Nota þarf frauð-
gúmmí, ólituð herðatré og góðan þráð.
Útbúið frauðgúmmílengju 4X10 cm,
skrúfið krókinn úr herðatrénu, leggið
lengjuna á herðatréð og varpið saman
lengjuna neðan á herðatrénu. Skrúfið
krókinn á sinn stað. Á svona herða-
trjám er einnig ágætt að hengja pils,
þar eð þau hrynja ekki af.
Svona geymum við hanzka.
Oft þurfum við að leita að hönzk-
unum, þótt annar sé vís, hefur hinn
ótrúlega góðan hæfileika til að hverfa
í skúífunni. Hér er ágætt ráð við því.
Strengið plasticsnúru innan á skáphurð-
ina, og hér getum við svo hengt upp
vettlinga og hanzka með litlum, mis-
litum klemmum. Eigi maður hvíta
hanzka eða aðra viðkvæma, er sjálfsagt
að geyma þá í plasticpoka. Belti og
karlmannaslifsi er ágætt að geyma á
svona snúru, nóg að bregða þeim yfir.
Varizt slysin.
Þau eru ekki svo fá, slysin í heima-
húsum, sem eiga rætur sínar að rekja
til smáteppa og gólfmottna. Saumið
gúmmíhringi af niðursuðuglösum á horn
teppanna, þá sitja þau föst, þótt undir-
lagið sé hált.
26 FÁLKINN