Nýtt kirkjublað - 01.03.1911, Qupperneq 8

NÝTT KIRKJUBLAÐ
56
með í ])ví sem sungið er, fari á mis við verulegan, oft máske
besta hluta guðsþjónustunnar, að ræðurnar okkar prestanna
geti verið og séu upp og niður og ekki æfinlega við allra
kirkjugestanna hæfi eða tilfinningar, en að sálmarnir í bókinni
okkar sé allir góðir og mjög margir ágætir.
Að þetta hafi engan árangur haft, er máske ofmikið sagt,
en alt of lítill er hann; og eg liygg ástandið viðast á landinu
vera svipað og það er í mínum söfnuðum. En liver er or-
sökin? Eflaust meðfram, sú sem gamli Brynjólfur segir: „ótt-
inn fyrir því, að ekki takist að fylgja kúnstarinnar reglum
nógu nákvæmlega i söngnumw. En einnig þessa mótbáru
hefi eg reynt að bæla niður, með því að benda mönnum á,
að þeir geti byrjað á því að hafa bókina opna l'yrir framan
sig, og svo smátt og smátt tekið þátt i söngnum eftir þvi
sem þeir treysta sér til við lögin, er sungin væru; og í kirkju
á þetta og hlýtur þetta að vera hægt, dæmið sem eg skal
nefna sýnir það.
Þegar eg fyrir rúmum 20 árum fluttist burtu úr Reykja-
vík, þá var ástandið þar svipað og annarstaðar, engin al-
menn hluttaka af safnaðarins hálfu i sálmasöngnum, aðeins
maður og maður með sálmabók hingað og þangað um kirkj-
una. En nú er öldin önnur, syngjandi fólk um alla kirkjuna
uppi og niðri; og eg verð að segja, að það hafði stórmikil
áhrif á mig, að heyra og sjá þá breytingu, sem á var orðin
hjá dómkirkjusöfnuðinum i þessu efni, og mér skildist, ekki
einungis hve indælt það er í sjálfu sér, að senda þannig Iof-
gjörðar- þakklætis- og bænarandvörp á öldum tónanna upp í
hæðirnar til drottins, heldur einnig hitt, að jafnvel þótt pré-
dikunin i það og það sinn kunni ekki að hafa tilætluð áhrif
á suma af kirkjugestunum, þá verður þeim þó kirkjugangan
naumast árangurslaus, er þeir þannig taka þátt í öðrum aðal-
þætti guðsþjónustunnar, sálmasöngnum. — Hverju þessi breyt-
ing, sem orðin er hjá dómkirkjusöfnuðinum i jæssu efni er
að þakka, veit eg ekki, hvort hann er öðrum söfnuðum lands-
ins til fyrirmyndar í trú og siðgæði, veit eg heldur ekki, en í
þessu efni — hluttöku í safnaðarsöngnum — er liann til fyrir-
myndar, það veit eg, og eins hitt að þetta þarf að Iagast um
land allt. Ó. M.