Nýtt kirkjublað - 01.08.1916, Page 9

_________NÝTTKIRKJTTBLAÐ^ 177
Eg hugsaði eitthvah ]iessu likt: Lifðu vel. Njóttu lífs-
ins og dej' svo.
Eg fór a5 líta í kringum mig eftir gæðum lífsins. Og
hvað var að sjá ogfinna? Erfiðleikar og lífskvalir og hörm-
ungar fyrir fjöldanum; og hverfa svo að enduðu lífinu i eyði-
leggingu og í hið óendanlega djúp gleymskunnar. Ó! það
ginnungagap tortímingar!
Eg kendi börnum á vetrum, og lika kristindóm. Eg
reyndi að gera kristindómskensluna eins Iifandi og ég gat,
og setti hana í samband við náttúruna, og hafði Krist til fyr-
irmyndar í trúfræði og siðalærdómi. En alt fyrir það fanst
mér kristindómskenslan dauf og líflaus og jafnvel hræsnis-
kend; af því að ég varð aðeins að hlýða yfir sumar grein-
arnar án þess að útskýra þær, af því ég trúði þeim ekki sjálf-
ur. Það getur enginn kent vel kristindóm, nema sá, sem er
trúaður sjálfur. Að kenna vel kristindóm, er að kenna að lifa.
Nokkru síðar kom atvik fyrir i lifi mínu, er gerði breyt-
ingu á trúarskoðun minni.
Dauðinn, hinn helkaldi og miskunnarlausi dauði, tók frá
mér einkabarnið mitt.
„Dáin, horfin“, um alla eilifð. Ó það harmadjúp! Al-
drei framar að sjá þau bláu og skæru og saklausu augu. Al-
drei framar að heyra þá hvellu og hressandi barnshlátra.
Óg aldrei framar að taka hana í faðm sinn, og finna
kinn við kinn, og hinar smáu og aðlaðandi barnshendur liggja
um hálsinn. Það djúpa sár verður aldrei, aldrei grætt.
Og „ég starði út í eilífan geiminn“, og hver spurningin
kom á eftir annari: Deyr annars barnssálin, þó líkaminn
deyi? Getur það verið? Lífið er þá einskisvert; það er þá
fyrir flesta „blóðrás og logandi und“, og svo eilífur dauði,
en engin lækning. Það er óhugsandi að lífið sé slík hermd-
argjöf. Þá vaknaði barnstrúin aftur og endurminningarnar
um æskuna. Hvað ertrú? Eg las Krists kenningar og fann
þar það sem ég þráði: „Sælir eru þeir sem ekki sáu, og
trúðu þó“.
„Vér lifum í trú, en ekki í skoðun“. Nú vilja menn
snúa við setningunni og segja: Vér lifum í skoðun, en ekki
í trú. Nú treysta menn vísindunum og vilja ekki trúa, nema
þeir fái vísindalegar sannanir fyrir trú sinni. Er það trú?