Vikan - 15.04.1954, Side 13

AÐ REYKJA
ER TÓBAKIÐ EINUNBIS TIL LEIÐINDA
reykja, þá verðurðu að hugsa um að Þú verður rólegri en áður, og vel
liætta.
Hugsaðu um það rólega og ofstopa-
laust, án ótta eða vonleysis. Margir
hafa hætt. Þú getur það líka. Horfðu
á þetta andartak í sínu rétta ljósi.
Ef þú ert ekki að reykja þessa stund-
ina, þá væri kannski bezt að þú tæk-
ir fram sígaretturnar eða pípuna og
byrjaðir að svæla. Reyndu að gera
þér fullkomlega grein fyrir því, hvað
þú ert að gera, hvaða bragð þú finn-
ur og hvaða lykt. Gleyptu reykinn
hægt og rólega, sogaðu hann vel nið-
ur i lungun, blástu honum út. Jæja,
hve gott var þetta ? Er þetta eins un-
aðsleg tilfinning eins og segir í tó-
baksauglýsingunum ?
Veltu þessu fyrir þér stundarkorn,
hvað þú hafir upp úr þessu, hve
mikla ánægju það veiti þér í raun
og veru — að undanskilinni þeirri
neikvæðu staðreynd, að þú sért að
slökkva tóbaksþorsta þinn. Hugsaðu
svo um, hvernig það væri, að þurfa
aldrei að reykja.
Þvi að menn, sem hætta að reykja,
eru ekki bara að vera strangir við
sjálfa sig; þeir uppskera sín laun í
ríkum mæli. Sannleikurinn er sá, að
launin eru svo margskonar, að þegar
þú ferð að kynnast þeim, muntu
aldrei vilja hverfa aftur til tóbaksins.
Þegar þú hættir að reykja, mun
þér finnast allur matur bragðbetri.
Lungu þin, kok og nef hætta að vera
gegnsýrð af tóbaksreyk og sóti. Þú
munt byrja að finna ilminn af um-
hverfi þínu. Þegar þú gengur inn í
garð, muntu ekki einasta sjá blómin,
heldur einnig finna af þeim lyktina.
Tennur þínar munu sýnast hreinni,
af því þær eru hreinni. Gulu blettirn-
ir á fingrum þinum munu hverfa á
nokkrum dögum. Þegar þú vaknar á
morgnana, verða vit þín ekki full af
slimi, og þú munt hvorki þurfa að
hósta né ræskja þig eins oft og áður.
Þú munt líka verða mun skapbetri
og taugasterkari. Þessu eiga margir
bágt með að trúa — og fyrstu dagana
í bindindinu muntu vera eirðarlaus
og „spenntur". Hinna sljóvgandi á-
hrifa, sem tóbakið hefur haft á þig
árum saman, hættir skyndilega að
gæta, og breytingin er feikn tilfinnan-
leg. En taugaspennan mun hverfa
smátt og smátt. Og þegar þetta er
allt um garð gengið, muntu furða
þig á því, hvað þú getur gert, án
þess að leita þér ,,styrks“ í sígarettu.
kann svo að fara, að þér verði
meira úr tímanum. Því að þegar þú
hættir að deyfa líkama þinn og við-
brögð þín með nikótíni, muntu upp-
götva nýjan þrótt; þú munt sofa bet-
ur og verða ánægðari með tilveruna.
Svo að þér mun eðlilega finnast sem
þú hafir betri tíma til að sinna vinnu
þinni og hugðarefnum.
Ef þú ert ekki enn hættur að lesa
þessa grein, muntu sennilegast vera
farinn að hugsa um i fullri alvöru að
ganga tafarlaust í tóbaksbindindi. En
dokaðu svolítið við. Hugsaðu um það
— á daginn og fáeinar mínútur eftir
að' þú ert háttaður. Veltu þvi fyrir
þér, eitthvað á þessa leið: Einn
góðan veðurdag, þegar þannig liggur
á mér, er bezt að ég reyni að liætta
og sjái hvað skeður. Þetta verður ein-
faldlega tilraun — tilbreyting.
BINDINDI
Svo skaltu bíða átekta, þar til
einn af þessum dögum rennur upp,
þegar allt er í sæmilegu lagi og engir
meiriháttar erfiðleikar alveg á næsta
leiti. Reyndu eklti að hætta um það
bil sem erfitt verkefni bíður þín, eða
þú ætlar að fara að efna til veizlu,
eða þú hefur óvenjulegar áhyggjur.
Skjóttu því samt ekki of lengi á
frest, eða þar til allur hugur er far-
inn úr þér.
En einn góðan veðurdag muntu
vakna í sérstaklega góðu skapi. Þú
munt hafa sofið vel og vera fullur af
lífsfjöri og kjarki. Þér kann að detta
í hug: Er þetta ekki einmitt tilvalinn
dagur til þess að fara í tóbaksbind-
indi ?
Taktu þá ákvörðunina, og taktu
hana af heilum hug! Þetta er sú
stund, sem þú hefur verið að bíða
eftir, vandlega valin og vel til þess
fallin að hefjast handa.
Hér koma þá þær þrjár reglur, sem
þér er nú hollast að fylgja:
Fyrsta ■— Byrjaðu liið nýja líf af
eins miklum eldmóði eins og þér er
unt.
Segðu vinum þínum, að þú sért
hættur að reykja. Vertu ekkert
hreykinn af sjálfum þér, en segðu
fólki óhræddur, hvað þú sért að
reyna að gera. Það getur hjálpað þér
ótrúlega mikið, því að nú áttu erfitt
Framhald á bls. 2.
Þessi grein er byggð á bók um reykingar, sem út kom
í Bandaríkjunum 1951 og síðan hefur verið endur-
prentuð tíu sinnum. Bókin heitir: SVONA HÆTTIK
MAÐUR AÐ REYKJA. Utgefendurnir halda því fram,
að hún hafi orðið þúsundum manna að liði. I auglýs-
ingum um hana bjóðast þeir til að endurgreiða kaup-
verð hennar hver jum þeim, sem hún ekki hjálpi. Fram
að þessu, segja þeir, hefur færri en tuttugu eintökum
verið skilað.
Gottsveinn Oddsson
ÚRSMIÐUR
Laugavegi 10, gengið inn frá Bergstaðastræti.
13