Vikan - 20.07.1939, Blaðsíða 8

8
V I K A N
Nr. 29, 1939
ttnn, san kim á irii i Mir-Hiu.
Klæddur að arabiskum sið, reið brezki liðsforinginn, Harold
Ingrams ásamt konu sinni fram og aftur á milli böfðingj-
anna í Hadramaut, ér troðið höfðu illsakir sín á milli öld-
um saman, og reyndi að fá þá til að undirskrifa friðarskuld-
bindingu, með þeim árangri, sem frá segir í þessari grein.
\ 7 inur okkar“ er sú heiðursnafnbót,
95 * sem ættkvíslirnar í Suður-Arabíu
hafa valið velunnara sínum, Harold
Ingrams, sem er mesti áhrifamaður á bak
við tjöldin og ræður mestu allra manna í
Suður-Arabíu eins og sakir standa. Hann
nýtur mikils trausts hinna arabisku ætt-
kvísla, enda talar hann mál þeirra og klæð-
ir sig að þeirra siðum, eins og fyrirrennari
hans Arabíu-Lawrence gerði. Ingrams hefir
unnið svo merkt starf í þágu Arabanna,
að brezka stjórnin sæmdi hann Lawrence-
orðunni nú fyrir skömmu, og er
hann fyrsti maður, sem ber
hana. En að einu leyti hagar
hann verkum sínum gagnkvæmt
við það, sem Lawrence gerði,
því að Lawrence skipulagði her
Arabanna og bauð þeim að berj-
ast fyrir frelsi sínu, en Ingrams
vinnur öllum stundum í þágu
friðarins og reynir að koma á
sáttum milli höfðingjanna og
jafna deilur á friðsaman hátt.
Lawrence fór einn ferða sinna
og vissu hvítir menn fátt um,
hvað hann aðhafðist, en Ingr-
ams hefir alltaf konuna sína
með sér. Hann er maður um fer-
tugt, ljóshærður og bláeygður.
Um hann kvað arabiskur höfð-
ingi einu sinn hafa sagt: „Hann
hefir þau ærlegustu augu, sem
ég hefi séð.“
Það var tilviljun, að Ingrams
tók að sér þetta friðarstarf. Sem
enskur liðsforingi í þjónustu
hersins var hann staddur í Aden
1934, er hann allt í einu fekk
löngun til að fara 1 orlofi sínu,
ásamt konu sinni, inn í suður-
héruð Arabíu, þann landshluta,
sem Hadramaut er nefndur. —
Hadramaut er mestmegnis eyði-
mörk, en þó eru þar nokkur
ræktuð dalverpi, ognokkurtland
er þar ræktanlegt. En íbúarnir
eyða miklum tíma og starfs-
þreki í erjur og vígaferli. Ingr-
ams sá, að Arabar voru sundr-
aðir í mörg hundruð ættkvíslir, er stöðugt
tróðu illsakir hver á hendur öðrum og lifðu
í stöðugum ótta við árásir'. I einstöku
sveitaþorpum kom hann að máli við menn,
sem árum saman höfðu ekki þorað út úr
þorpinu. 1 einu þorpi voru til jafnaðar
drepnir tíu menn á mánuði í skærum við
íbúa nágrannaþorpsins. Sumsstaðar lágu
mikil akurlendi í órækt og niðurníðslu
vegna þess að eigendurnir áræddu ekki að
koma þangað.
Ingrams og kona hans dvöldu í Hadra-
maut miklu lengur en þau höfðu ætlað. Þau
tóku sér ferð á hendur í innsveitir lands-
ins, en þangað hafði enginn hvítur maður
komið áður. Og hvar sem leið þeirra lá,
báðu Arabarnir þau hvarvetna ásjár, og
spurðu, hvort þau gætu ekki komið á friði
og bundið enda á þessar stöðugu skærur
í landinu. Ingrams svaraði því til, að sig
skorti heimild til að taka upp samning við
höfðingja ættkvíslanna og þá, er að skær-
unum stæðu. En hann hvarf aftur til Aden
með þá föstu ákvörðun, að fá leyfi brezku
stjórnarinnar til að reyna að koma á friði
í Hadramaut. Síðan sendi hann skýrslu um
ástandið til nýlendumálaráðuneytisins, og
ennfremur hafði soldáninn af Qu’aiti, einn
af þeim forráðamönnum, er Ingram hafði
átt tal við, sent brezkum yfirvöldum skrif-
lega beiðni um að Ingrams yrði sendur sem
fulltrúi ensku stjórnarinnar til Hadra-
maut. Nýlendumálaráðuneytið varð við
þessari ósk soldánsins, og nokkrum vikum
síðar hvarf Ingrams ásamt konu sinni aft-
ur til Suður-Arabíu.
Nú tók Ingrams til óspilltra málanna.
Hann klæddist sem Arabi, og fylgdi arab-
iskum lifnaðarháttum út í æsar. Hann reið
á úlföldum og múldýrum frá þorpi til
þorps, náði tali af höfðingjunum og reyndi
að telja þá til fylgis við sig og fá þá til að
undirskrifa skuldbindingu um, að þeir
semdu vopnahlé í þrjú ár. Hann kom að
máli við alla forráðamenn ætthvíslanna,
bæði þá, er óskuðu eftir friði, og hina, sem
lifðu á ránum. f hvert skipti sem hann
kom að máli við höfðingja og áhrifamenn
reyndi hann að ganga afsíðis með þeim
Framh. á bls. 21.
Hadramaut-héruðin í Suður-Arabíu
eru mestmegnis eyðimerkur. — En
fram með ströndunum er víða þétt-
býlt og víða fjölmennar borgir. —
Á þessari mynd sjást fyrirmyndir
amerísku skýjakljúfanna, og er það
merkilegt, að nýtízku byggingar-
list skuli raunverulega eiga rót
stna að rekja til Suður-Arabíu.
Harold Ingrams.