Vikan - 02.05.1946, Side 2

2
VIKAN, nr. 18, 1946
Póstuiinn |~
Kæra Vika mín!
Mig langar til að leita ráða hjá
þér, ég sé, að þú getur hjálpað svo
mörgum. Þú virðist vera næstum al-
vitur.
Ég skal segja þér, að ég hefi alltaf
haft fina og slétta andlitshúð, þang-
að til nú fyrir ekki svo löngu síðan,
að ég tók eftir því að það eru að
koma smá göt í húðina, eins og svita-
holumar víkki svona út, og jafnframt
þomar húðin, svo ég má helzt ekki
þvo mér úr vatni, þá verð ég svo
stirð í framan og flagna. Og langar
mig nú mikið til að vita, hvort þú
getur ekki sagt mér af hverju þetta
muni stafa, og hvað ég eigi að gera.
Þú mátt ekki vísa mér til neinna húð-
sjúkdómalækna, því ég er svo langt
úti á landi, að ég get ekki náð til
þeirra. Svo bið ég þig að fyrirgefa
þetta, og óska eftir að þú birtir þetta
ekki, það er svo óttalega bamalega
vitlaust. Kveð ég þig svo með vin-
semd og virðingu, og óska þér alls
góðs. — Þin
Dollý.
Svar: Við þennan kvilla ber að
forðast allt, sem þurrkar húðina. Bezt
er að þvo sér sem minnst úr vatni
og sápu eða jafnvel láta það alveg
vera um tíma. 1 þess stað er olía eða
„mayonaise“ borið á hömndið. Porð-
ast skal andlitsvötn úr vínanda eða
glyseríni. Á kvöldin er húðin mökuð
úr veiku fitusmyrsli. Ef kalt er í
veðri, er réttara að bera smyrsli á
hömndið einnig á daginn.
(Fegmn og snyrting).
Hjálmar og Hulda.
Okkur hefir upp á síðkastið borizt
óvenjumikið af bréfum, þar sem beð-
ið er um kvæðið „Hjálmar og Hulda“,
en við höfum ekki getað komist að
því enn, hvar það hefir birzt. Við
kimnum að vísu hluta úr því og svo
er um marga, sem við höfum spurt,
af því að kvæði þetta var húsgang-
ur, þegar þeir, sem nú em miðaldra,
voru börn. Af því að við höfum ekki
fundið það enn, spyrjum við nú les-
enduma: Vitið þið, hvar þetta kvæði
er að finna í heild? Við höfum spurt
ykkur áður og það hefir borið árang-
ur.
Elsku, góða Vika!
Viltu nú gera svo vel að gefa mér
upplýsingar um hina frægu kvik-
myndaleikkonu Dorothy Lamour. —
Með margfaldri fyrirfram þökk fyrir
svarið. Lóló.
Svar: Dorothy Lamour er fædd 10.
desember 1914 í New Orleans. Vakti
hún strax mikla eftirtekt í mynda-
samkeppni, sem hún var látin taka
þátt í, þegar hún var fimm ára. Um
tima söng hún með frægri danshljóm-
sveit, en síðan tók hún að leika hjá
„Paramount“-kvikmyndafélaginu og
var fyrsta mynd hennar „Jungle
Princess". Síðustu kvikmjmdir henn-
ar em þessar „Rainbow Island", „The
Road to Utopia“ og „Medal for
Benny“. Dorothy hefir dökkt hár og
blá augu.
Kæra Vika!
Við undirritaðar óskum eftir bréfa-
sambandi, við pilt eða stúlku, ein-
hvers staðar á landinu. Æskilegt að
mynd fylgi bréfi. Með . fyrirfram
þökk.
Emilía J. Baldvinsd. (19—21 árs).
Sigrún Alda Hoffritz (16—20 ára).
Alda Andrésdóttir (18—21 árs). —
Heimilisfang: Bakariið, Selfossi, Ár-
nessýslu.
Kæra Vika!
Viltu svara fyrir mig þessum spum-
ingum: Hvernig hára- og augnalit
hefir Laraine Day? Hvenær og hvar
er Paul Muni fæddur? Hverrar þjóð-
ar er Peter Lorre?
Þín $purul.
Svar: Laraine Day hefir brúnt hár
og blá augu. Paul Muni er fæddur
22. september 1897 í Vin. Peter Lorre
er þýzkur.
BATANAUST H.F.
TEKIN TIL STARFA
Erum nú þegar tilbúnir að taka á land skip.
Framkvœmum báta- og skipasmíði, allskonar
viðgerðir, uppsátur, hreinsun og geymslu.
Vinnan fljótt og vel af hendi leyst, af I. flokks skipasmiðum.
BÁTANAUST H.F.
v/ ELLIÐAÁRVOG. PÓST BOX 341. Símar: 1981, 6630, 6631.
Útgefandi: VIKAN H.F., Reykjavík. — Ritstjóri og ábyrgðarmaður: Jón H. Guðmundsson, Tjamargötu 4, sími 5004, pósthólf 365.