Vikan - 19.06.1975, Blaðsíða 5
PORTÚGAL
Land baðstranda og blóma
PORTUGAL — land baðstranda og blóma.
Portúgal er frdbrugðið öðrum suðrænum sólarlöndum — bæði
land og þjóð með öðru yfirbragði en Spónn, Frakkland og Italía.
Portúgal ó sér langa og viðburðaríka sögu eins og önnur lönd
ó svipuðum slóðum, og þótt það liggi að Atlantshafinu, telst það
jafnan til Miðjarðarhafssvæðisins, því að það er svo^sunnarlega,
að þar brotna alltaf hlýjar bylgjur ó volgum sandi.
Landið er bæði fjöllótt og vogskorið, svo að skjólsælt er bæði með
ströndum þess og frammi til dala — og milt veðurfar, sem ein-
kennist af hæfilegu vetrarregni og miklu sólfari ó öllum órstímum,
gerir Portúgal að landi blóma og fagurs litskrúðs.
Með þotum SUNNU eru íslendingar nú aðeins 4 tíma að fljúga
fró Keflavík til Lissabon, höfuðborgarinnar, sem hefur oft verið
kölluð borg 1000 lita og getur raunar stótað af 2000 óra sögu. Hún
er tvímælalaust ein fegursta borg Evrópu og stendur ó sjö hæðum
á bóðum bökkuð Tejo-fljóts.
Þótt Lissabon hafi stundum orðið fyrir þungum búsifjum af völd-
um nóttúruhamfara, er þar mikill fjöldi bygginga fró gullöld
Portúgala, sem hófst ( lok Miðalda — með landafundunum miklu,
þegar pófastóllinn úrskurðaði, að konungar Portúgals og Spón-
ar skyldu skipta hinum nýja heimi bróðurlega ó milli sín.
Eins og víðar í Suðurlöndum fer þjóðlífið mjög fram ó götum úti,
og það gildir um Lissabon eins og aðrar suðrænar borgir. Þegar
kvöldar, tekur skemmtanalífið við og það er bæði með alþjóð-
legum og portúgölskum blæ. Veitingastaðir eru margir og hvar-
vetna ríkir gleði og söngur, og dans er oft stiginn af miklu fjöri.
Skammt fró Lissabon eða í aðeins 20 km fjarlægð er frægasti bað-
strandabær landsins — Estoril — sem einnig ó sér meira en 2000
ára sögu eins og höfuðborgin. Við Estoril teygjast sandfjörumar
langt til suðurs og er staðurinn einkum rómaður fyrir tvennt að
auki — fagurt umhverfi og einmuna veðurblíðu.
En Estoril býður ekki aðeins upp á baðströndina frægu. Áratuga
kynni íbúanna af heimsborgurum og skemmtiferðamönnum hafa
hvatt þá til að koma upp fjölbreyttum skemmtistöðum, þar sem
gestir geta notið tilbreytingar jafnt á nóftu sem degi. Þar í borg
er til dæmis eitt glæsilegasa og þekktasta „casino" Evrópu, þar
sem konungbornir menn og olíufursar freista gæfunnár.
SUNNUfarþegar geta valið um, hvort þeir búa í hótelum eða
íbúðum, sem eru á margan hátt skemmtilegri fyrir fjölskyldur —
hjón með börn. Samband við Lissabon er mjög gott og greitt, því
að hraðbraut og rafknúin hraðlest tryggja skjótar og öruggar ferð-
ir á milli. Fararstjórar SUNNU búa í Estoril.
En SUNNUfarþegar geta að sjálfsögðu einnig gist í Lissabon
sjálfri og farið síðan þaðan í ýmsar ferðir með þeim, sem kjósa
heldur að vera á Estoril. í því efni er hver sjálfum sér ráðandi, eins
og gefur að skilja.
Rétt er að geta þess að endingu, að Portúgal telst til hinna ódýrari
ferðamannalanda, og er hægt að gera þar góð kaup af mörgu
tagi— t. d. handunna, þjóðlega listmuni, vefnað, útsaum og víra-
virki úr gulli og silfri, því að þjóðin er í senn listfeng og listelsk
að eðlisfari.