Menntamál - 01.03.1954, Blaðsíða 26

20
MENNTAMÁL
mig, og sendi ég honum Patreki mínum í Washington alloft
þakkarskeyti — í huganum — fyrir það.
Ég var alla virka daga frá morgni til kvölds ýmist í
fræðslumálaskrifstofunni eða með deildarstjórum hennar
og trúnaðarmönnum í embættisferðum, heimsótti ýmsar
menningarstofnanir og skóla — æðri sem lægri — o. fl.
Ekki skal hér fjölyrt að sinni um það, er ég sá og heyrði
þessa daga í Nashville. Getið skal þó fáeinna atriða, sem
mér verða minnistæð.
Einn daginn fór ég með fræðslumálastjóranum og fá-
einum fulltrúum hans í „Tennessee State University“. Sá
háskóli er eingöngu fyrir negra. Hann er í miklu áliti og
fjölsóttur. Sumir prófessorarnir eru þekktir menn um öll
Bandaríkin. Vel er að skólanum búið að húsnæði og tækj-
um. Þennan dag átti að heiðra konu, sem er negri, fyrir
forystu og ýmis störf í uppeldismálaklúbb skólans um 25
ára skeið. Hún var kennari við háskólann, mjög hlýleg
og virðuleg í viðmóti.
Mér fannst í fyrstu dálítið einkennilegt að horfa yfir
hópinn, sem fyllti stóran hátíðasal, því að þar sást varla
hvítur maður! Þarna var fólk á öllum aldri — frá ungl-
ingsárum að telja — bæði karlar og konur. Framkoma
fólksins var til fyrirmyndar.
Allmargir prófessorar skólans og gestir voru á leiksvið-
inu — og það var mislitur hópur.
Athöfnin var hátíðleg og fór fram með virðugleik,
hljóðfæraslætti og stuttum ávörpum. Heiðursgesturinn —
frú Sanders heitir hún — var hyllt ákaft af öllum ræðu-
mönnum og eigi sízt af fræðslumálastjórninni.
í Nashville er þekktur kennaraskóli, PEABODY COL-
LEGE. Auk þess sem hann sér um menntun knnara fyrir
almenna skóla, er búa undir háskólanám, er lögð þar
mjög mikil áherzla á ýmiss konar rannsóknir í sambandi
við námsbækur og kennsluaðferðir. Enn fremur eru þar
deildir fyrir þá, er búa vilja sig sérstaklega undir skóla-