Menntamál - 01.03.1954, Blaðsíða 30
24
MENNTAMÁL
sótti Peabody College og kynnti sér þar ýmislegt, er við
kemur bókaútgáfu.
b) Miami á Flórídaskaga.
Sunnudaginn 29. marz fór ég fljúgandi frá Nashville til
Miami. Leiðin lá yfir gróðursælt sléttlendi Missisippi-
dalsins, yfir Mexíkóflóa austanverðan og suður eftir Flór-
ídaskaga. Landslag — og þó aðallega gróðurinn — var
breytilegt. Þótt skuggsýnt — og síðar dimmt — væri
orðið, þegar flogið var yfir Flórídaskagann, sást, að þar
var skóglendi mikið, óteljandi stöðuvötn — flest smá —
og strjálbýlt. Endur fyrir löngu mun skaginn hafa verið
óteljandi kóraleyjar og rif, svipað og enn má sjá vestan-
verðu við hann.
Miami baðaði öll í ljósum, er flugvélin lenti þar síðla
kvölds, og virtist borgin mjög skipulega byggð. Þetta er
líka ein af „yngstu“ borgum Bandaríkjanna. Þó eru íbú-
ar þar nú um hálf milljón, en 1930 voru þeir 147 þúsund.
Fjársterkir menn keyptu fyrir fáum áratugum stóra land-
spildu úti við ströndina, sem að mestu leyti var fen og
kóralrif, þurrkuðu síðan iandið og létu uppmoksturinn
mynda eyjar, byggðu þar stór og glæsileg gistihús, íbúð-
arhús, verzlunarhús o. fl. Þessi hluti borgarinnar nefnist
Miami Beach, og er það nú afar fjölsóttur baðstaður,
einkum frá jólum til páska. Þar er alltaf sumar og sól,
sem vænta má, þar sem Miami er dálítið sunnan við 26.
breiddarbauginn.
Söngmálafulltrúi fræðslumálastjórans í Miami flutti
mig frá flugstöðinni í bæinn, og var mér valinn gisting í
Lindsey Hopkins hóteli, sem er sérstæðasta gistihúsið,
sem ég hef dvalið í um dagana. Það er 15 hæðir, og er í
raun og veru iðnskóli. Á 1.—12. hæð eru kennslustofur og
skrifstofur iðnaðarmála, 13. og 14. hæð gestaherbergi og
sú efsta matsala. Á þremur efstu hæðunum fær fólk, sem
ætlar að starfa á hótelunum í Miami — og víðar — mennt-