Alþýðublað Hafnarfjarðar - 20.04.1993, Blaðsíða 2

2
Alþýðublað Hafnarfjarðar
Sumarhugur á Sólvangsvegi 1
Stórt skref í húsnæðisnæðis-
málum aldraðra í Hafnarfirði
Það var mikið um að vera
hjá Öldrunarsamtökunum
Höfn á sumardaginn fyrsta.
Þá afhenti Byggðaverk húsið
á Sólvangsvegi 1 til Öldrunar-
samtakanna. Það hafði verið
sagt einu og hálfu ári fyrr, að
húsið myndi verða afhent á
þessum degi og 40 íbúðir
þess verða tilbúnar til af-
hendingar. Við það var staðið
með miklum glæsibrag. íbúð-
irnar og húsið allt ber þeim
sem þar hafa komið að verki
fagurt vitni.
Athöfnin hófst úti með því,
að Lúðrasveit Tónlistarskól-
ans lék nokkur lög og síðan
skemmti Karlakórinn Þrestir
með söng. Þá gerði Kristinn
Jörundsson grein fyrir bygg-
ingarsögu hússins og afhenti
síðan Óldrunarsamtökunum
Höfn húsið fyrir hönd bygg-
ingarverktakans Byggða-
verks.
Þegar Hörður Zóphanías-
son formaður Hafnar hafði
tekið við táknrænum lykli úr
hendi Kristins, þakkaði hann
öllum sem þar liöfðu að verki
komið gott verk og góða sam-
vinnu. Hann færði bæjar-
stjóra bestu þakkir fyrir ein-
beittan og drengilegan
stuðning við Öldrunarsam-
tökin Höfn svo og bæjar-
stjórn sem hefði ávallt sýnt
þessum framkvæmdum skiln-
ing og velvilja.
Þessu næst tók bæjarstjóri
Guðmundur Arni Stefánsson
til máls, lýsti ánægju sinni
með hve vel hefði tekist með
þessar framkvæmdir, þær
ættu vel við á ári aldraðra.
Hann þakkaði Byggðaverki
gott verk, óskaði Höfn til
hamingju með áfangann en
væntanlegum íbúum hússins
gleði og farsældar í framtíð-
inni.
Þá gafst fólki sem þarna
var samankomið að skoða í-
búðir í húsinu. Luku menn
þar upp einum munni, hve
vel hefði til tekist með bygg-
inguna og hversu íbúðirnar
væru skemmtilegar og hent-
ugar.
Gestum var boðið í kaffi og
meðlæti að þessu loknu og
hafði Sólvangur lánað
húskynni undir þann þátt há-
tíðarinnar, en Lionsklúbbarn-
ir í Hafnarfirði kostuðu þess-
ar veitingar. Allir klúbbarnir
þrír eru aðilar að Öldrunar-
samtökunum Höfn. A fjórða
hundrað manns nutu þessara
ágætu veitinga, sem þarna
voru fram bornar.
Vigfús Sigurðsson fyrrum
framkvæmdastjóri Drafnar
var sá sem fyrstur festi kaup
á íbúðarrétti í húsinu á Sól-
vangsvegi 1. Hann tók fyrstur
íbúa við lykli að íbúð sinni úr
hendi formanns Hafnar. Vig-
fús flutti við það tækifæri
stutta tölu, þar sem hann
lýsti ánægju sinni með hvern-
ig hefði verið að verkum stað-
ið og flutti þakkir fyrir gott
verk. Ennfremur óskaði hann
að heill og hamingja mætti
fylgja húsinu og íbúum þess í
framtíðinni.
Lovísa Júlíusdóttir, sem
varð til þess að kaupa næst-
fyrsta íbúðarréttinn í húsinu,
flutti frumort kvæði og Þór
Gunnarsson sparisjóðsstjóri
tilkynnti að Sparisjóður Hafn-
arfjarðar hefði ákveðið að
gefa húsgögn í setustofuna á
efstu hæð hússins. I lok kaffi-
drykkkjunnar afhenti Kristján
Guðmundsson framkvæmda-
stjóri Hafnar væntanlegum í-
búum hússins lykla að íbúð-
um sínum.
Sunnuhlíðarsamtökin
sendu forkunnarfagra blóma-
körfu ásamt kveðjum og
heillaóskum í tilefni dagsins,
en formaður þeirra Ásgeir Jó-
hannesson var meðal gesta
þennan dag.
Haukur Helgason skóla-
stjóri stjórnaði hátíðahöldun-
um sem fram fóru úti, en
Magnús Gunnarsson stýrði
jreim hluta samkomunnar
sem fór fram inni.
Strax um kvöldið á sumar-
daginn fyrsta flutti fyrsti íbú-
inn í húsið, síðan einn af öðr-
um næstu daga og eru nú
liðlega helmingur íbúanna
fluttir í íbúðir sínar.
Nú er verið að ganga frá
lóðunum á Sólvangsvegi 1 og
Sólvangsvegi 3 og verður því
verki lokið fyrir 12. júní næst-
komandi.
Starf húsvarðar var auglýst
laust til untsóknar og bárust
63 umsóknir um starfið. Nú
hefur Hulda Karen Ólafsdóttir
sjúkraliði verið ráðin hús-
vörður á Sólvangsvegi 1 og
mun hún taka til starfa 1. júní
næstkomandi.
Næsta verkefni Hafnar
verður væntanlega byrjun á
bygginu þeirra sérbýla sem
gert er ráð fyrir í skipulagi á
Sólvangssvæðinu. í vetur létu
allmargir í ljós áhuga á þeim
og létu skrá sig sem hugsan-
lega kaupendur að slíkum í-
búðum. Verður nú á næst-
unni haldinn fundur með
þeim og kannað hver hugur
fylgir máli. f framhaldi af
þeim fundi verður svo tekin
ákvörðun um framkvæmdir.
Sem sagt, það er áhugi og
sóknarhugur í þeim Hafnar-
mönnum og þeir ákveðnir í
að láta ekki sitt eftir liggja til
þess að framkvæma óskir
aldraðra um uppbyggingu á
Sólvangssvæðinu.
Alþýðublað Hafnarfjarðar
óskar þeim til hamingju með
þennan fyrsta áfanga sinn og
biður þeim gæfu og gengis í
framtíðarverkefnum sínum.
HÉR LÍÐUR OKKUR YNDISLEGA
*
Segja hjónin Guðlaug Guðmundsdóttir og Eiríkur Agústs-
son íbúar í húsi Hafnar við Sólvangsveg
Við á Alþýðublaði Hafnar-
fjarðar lögðum leið okkar nú
á dögunum í hið nýja hús
Hafnar við Sólvangsveg. Þar
gengum við um ganga og var
þar öllu snyrtilega og hagan-
lega fyrirkomið. Og ekki var
hægt annað en að dást að út-
sýninu frá hinum ýmsu hæð-
um hússins en af sjöttu hæð-
inni er það stórkostlegt.
Eftir skoðunarferðina bön-
kum við á dyr á íbúð 206 og
til dyra kemur Guðlaug Guð-
mundsdóttir sem þar býr á-
samt manni sínum Eiríki
Ágústssyni, en þau hjónin
voru með þeim fyrstu að
flytja inn í hús Hafnar og við
spyrjum hvernig þau kunni
við sig á nýja staðnum.
"Hér líður okkur yndislega,
allt er mjög þægilegt og (">llu
haganlega fyrirkomið og
þessi íbúð sem er um 60 fer-
metrar, er mjög rúmgóð og
nýtist alveg sérstaklega vel.
Þá erum við mjög þakklát
þeim mönnum sem staðið
hafa að uppbyggingunni hér,
þeir eiga miklar þakkir skild-
ar," segja þau hjónin sem
hafa komið sér aiveg einstak-
lega vel fyrir í íbúð sinni. Þar
eru bækur mjög áberandi og
segist Eiríkur lesa mjög mikið
og lesi nánast hvað sem er.
Hins vegar er greinilegt að
Guðlaug er handlagin mjög
því víða má sjá útsaum mjög
fallegan eftir hana.
Þau sýna okkur íbúðina og
hvert sem litið er fer snyrti-
mennska í fyrirrúmi. Ibúðin
skiptist í svefnherbergi,
stofu, eldhús, búr og bað og
alls staðar virðist mjög rúm-
gott.
í spjalli við þau hjónin
kemur fam að þau hafa búið í
Hafnarfirði frá |rví 1955 fyrst í
"Rauðu Myllunni" þá nýrri og
síðan að Suðurvangi 14 og nú
ætla þau að njóta ellidagana í
Höfn og láta fara vel um sig
og Eiríkur segist njóta þess
að sitja á svölunum og láta
sólina verma sig og bæði
segjast þau njóta hins fagra
útsýnis úr íbúð sinni.
Við kveðjum þau Guðlaugu
og Eirík og vitum að þarna
líður þeim vel í mjög fallegri
íbúð sem ber yfirbragð
snyrtimennskunnar og hlý-
leikans í alla staði.
Nemendumir Sigurlilja. Ilmur og Guölaugur undir öruggri liand-
leiðslu Alberts Más t Filmum og framköllun
Starfskynning grunnskólanema
Strax að loknum sam-
ræmdu prófunum fóru
nemendur 10. bekkja Víði-
staðaskóla í starfskynn-
ingu.
Tíðindamaður Alþýðu-
blaðs Hafnarfjarðar rakst á
þessa hressu krakka í
starfskynningu hjá Filmum
og framköllun við Strand-
götuna. Ekki var annað að
sjá en að unglingarnir lifðu
sig inn í verk sín og hefðu
gaman og gagn af. Við leit-
uðum upplýsinga um
starfskynninguna hjá Sig-
urði Björgvinssyni árganga-
stjóra unglingadeildar Víði-
staðaskóla. Hann sagði að
um það bil 40 fyrirtæki og
stofnanir í Hafnarfirði og
Reykjavík hefðu tekið þátt í
starfskynningunni. Þar
mætti nefna fæðingardeild
Landsspítalans, hjúkrunar-
heimilið Sólvang, heilsu-
gæsluna ýntis þjónustufyr-
irtæki, iðnfyrirtæki og
fjölmiðlafyrirtæki. Tilgang-
urinn með svona starfs-
kynningu er að gefa ung-
lingunum tækifæri til að
víkka reynsluheim sinn og
kynnast af eigin raun störf-
um, starfsumhverfi og
verkaskiptingu í fyrirtækj-
um og stofnunum. Sigurð-
ur sagði að samstarf skól-
ans og fyrirtækjanna hafi
verið með miklum ágætum
og vildi að lokum koma á
framfæri þakklæti til þeirra
sem tóku þátt í þessum
mikilvæga þætti skóla-
starfsins, sem starfskynn-
ingin er.
Hjónin Guðlaug og Eiríkur í uistlegri íbúð sinni