Verði ljós - 01.03.1897, Page 4

36
ur sem fullkomnun hins sanna gyðingdóms og því einnig sem erf-
ingi að öllum hinum andlegu gersemum hins sanna gyðingdóms.
Hann segir aðeins til fuls skilið við hina faríseisku aflögun gyð-
ingdómsins. En grundvöllur als sannarlegs gyðingdóms var þetta
boðorð: Þú átt ekki að hafa aðra guði, en þú átt að til-
biðja drottin, guð þinn, og þjóna honum einum. Þetta
boðorð var skráð óafmáanlegu letri í meðvitund hvers einasta ísra.
elíta og barst úr gyðingdóminum yíir í kristindóminn, staðfest
og skýrt af prjedikun Jesú. Þegar því kristnir menn tilbáðu Jes-
úm, þá liggur það í hlutarins eðli, að þeir álitu hann guðdóm-
lega veru, álitu hann guð. Jóhannes segir það skýlaust: „Orðið
var guð“ og „varð hold“. Það verður og trauðla hrakið, að Páll
kallar Jesúm í Rómverjabrjeflnu (9, 5) „guð yfir öllu, blessaðan
um aldir“. Samkvæmt Matt. 28, 19 á, eptir fyrirmælum Jesú, að
skíra, eins og líka hefir verið gjört frá upphafi kristninnar, í „nafni
föðursins, sonarins og heilags anda“. Þegar sonurinn er hjer
nefndur ásamt föður og anda, og boðið að skíra einnig í hans nafni,
þá er þar af auðsætt, að hann sjálfur vill láta skoða sig sem guð
og hefir verið skoðaður þannig.
Hver var Jesús Kristur?
Svar hins kristna safnaðar er þá þetta: Hann var guð, opin-
beraður í holdinu, guð, sem hafði gjörzt maður, maður, sem var
guð. Það er trú hins kristna safnaðar, að guð hafi opinberazt
sem maður og hafi lifað mannlegu lífi á jörðinni. Þessi trú er
kristindómur.
Það liggur í hlutarins eðli, að mannsandinn hefir ekki látið
hjer staðar numið, heldur reynt að kryfja þetta efni enn nákvæm-
ar. Og það, sem hann þá hefir fyrst spurt um, erþetta: hvernig
— í hvaða skilningi var Jesús guð? Hið nýja tcstamenti hefir
þegar svarað spurningunni. Páll og höfundur Hebreabrjefsins segja,
að það sje sýnileg mynd hins ósýnilega guðs, geisli dýrðar hans,
sem í Jesú sje orðið maður. Um þessa guðsmynd er sagt, að hún
hafi verið fædd, áður en nokkuð var skapað, í henni og fyrir hana
hafi guð skapað alla hluti og fyrir hana viðhaldi hann öllu. Jó-
hannes segir aðallega hið sama, en það, sem Páll nefnir mynd
guðs, nefnir Jóhannes orð guðs eða hugsun. Ofan á þennan fyrsta
vísi kristilegrar heimspeki, scm þannig liggur fyrir í nýja tcsta-
mentinu, hafa hinir grísku kirkjufeður síðan bygt. En starf þeirra
hefir aptur framleitt þrenningarlærdóminn og lærdóminn um hinar
tvær náttúrur Krists, eins og vjer finnum þessa lærdóma í játning-