Trú - 01.10.1905, Síða 4

6o
T R Ú .
TRU
kemur út einu sinnt í mánuði. Hvert blað kostar 5 aura. Argangur-
inn 50 aura hér á landi. I Ameríku 3 cent hvert blað, en 25 cent ár-
gangurinn. Borgist fyrirfram. Borgun fyrir blaðið sendist í póstávís
unum til S. O. Johnson. Útgefandi og ábyrgðarmaður
Samuel O. Johnson, trúboði.
Reykjavík (P. O.)
ísland.
Smásögur ýmislegs efnis.
IV.
Kom.
Þegar frelsarinn kallar menn, þá byrjar hann ávalt með
því að segja „kom“ eða „komið". En það eru margir, sem
byrja með öðrum hætti.
Það var einu sinni drengur, sem hét Hans. Hann var
ætíð vanur að segja „farðu", eða „farið þið og gerið þetta".
Hann hafði vanizt því í uppvextinum. Það var vanalegt að
segja við hann: „Farðu í kirkju, Hans, farðu á trúboðssam-
komuna, sem á að halda í kvöld“. Avait hljóðaði það svo:
„farðu", en ekki „komdu", af því að þeir sem til hans töl-
uðu, voru ekki sjálfir tneð. En þegar hann ekki vildi fara,
var hann kallaður guðleysingi, letingi og annað því um líkt.
Ekki tók betra við þegar í skólann kom, eða þegar Hans
átti að fara að ganga til prestsins, því altaf var það þetta
sama: „farðu", og „þú skalt fara". Hans þreyttist þessum
sífeldu skipunum, og hann varð yfir höfuð þreyttur á kristin-
dóminum, hann hugsaði að þetta „farðu" tilheyrði honum.
Tíminn leið, og svo kom að því að Hans giftist, en kon-
an var trúuð, og hafði mikla löngun til að þjóna Guði, og
hún var í anda og sannleika Guðs barn. Hún hét María.
Hún vildi svo gjarnan hafa Hans með sér inn í Guðs ríki,
en hún sagði aldrei „farðu", heldur „komdu". Komdu með
í kirkju, Hans, komdu með á þessa samkomu, sem á að
halda í kristnitrúboðsíélagshúsinu í kvöld, ó, korndu með,
Hans, komdu með einungis í þetta sinn. Þannig þrábað hún
Hans á kvöldin, þegar hann kom frá vinnunni. Eitt kvöld