Kvennasmiðjan - 25.10.1985, Side 3

whismk)/.!
■níonan. .
uinnan Kjonn
ívennasmidjunni. Anna Bjarnason, Katrín
jhildur Anna voru hródugar með afrakstur
ít af bás 15 kemur út daglega á meðan sgn-
-ÞG/Kvennasmiðjan: GVA
Mesta vandamálið á þessum árum, þegar
þlaðamenn áttu ekki bíl til að geyma í ferða-
galla til að grípa til, var skótauið. Öfá skipti
mátti maður ganga í grófum stígvélum inn á
fínar samkomur, sem alls ekki var til siðs,
eða ekki síður að lenda í fjörugrjóti við
strandað skip í sjölöðri á háum hælum. Hefur
undirrituð áreiðanlega verið orðin flínkasti
Islendingur í að tipla á háum hælum í hraun-
um, fjörugrjóti eða ís og snjó, jafnvel að
stökkva um borð í skip í slíkum útbúnaði. Og
varð ekki meint af. Þvert á móti. Þykist hafa
uppskorið stórkostlegustu atburðina í lífinu,
eldgos, jöklaferðir og fleiri góð ævintýri.
Ot á við varð ég ekki vör við að manni væri
ver tekið en strákunum — eiginlega þvert á
móti — eða kannski ég hafi bara ekki tekið
eftir því í ákafanum. Vitanlega þurfti maður
eins og aðrir blaðamenn að afla sér trausts
þeirra sem leita þarf til. Þó komu fyrir skond-
in atvik. T.d. þegar síldin kom hér í Faxaflóa
og allt í einu var farið að salta úti á Nesi með
tilheyrandi komu fréttamanna á staðinn.
Framkvæmdastjóri hringdi og bað mig
vinsamlegast að lesa fyrir sig fréttina mína,
sem ég gerði. Löngu seinna tjáði hann mér að
honum hefði ekkert litist á þegar þessi stelpa
kom trítlandi á háum hælum inn í gegn um
blóðvatnið og sullið á gólfinu. Svo kom í ljós
að stelpan var sú eina sem skrifaði um síld
eins og síld. Hann hafði ekki hringt í hina
fréttamennina. Gat ekki vitað að sú á háu
hælunum var eini fréttamaðurinn sem hafði
haft kynni af síld og síldarsöltun — á Hjalt-
eyri á sumrin.
Nú eru nær tveir tugir blaðamanna af
kvenkyninu á Morgunblaðinu. Þær ganga í
ýmis verk á ritstjórninni. Þeim stjórna vitan-
lega karlmenn á öllum vígstöðvum. Með einni
undantekningu þó, í ljósmyndeild. Emilía
Björnsdóttir reynir að hafa stjórn á strákun-
um með myndavélarnar.
-E.Pá
fívennasmidian■
útg. Bás 15
Blaöamannafélag Islands og Félag Bóka-
gerðarmanna.
Ábm.: Þórunn Gestsdóttir og Magdalena
Schram. Verðkr. 10.00.
Prentvinnsla: Prentsmiðja Frjálsrar fjölmiðl-
unar.
Áfram stelpur
„Það er ekki á færi annarra en
okkar sjálfra að koma launamálum
okkar í lag,” sagði Þóra Kristín
Jónsdóttir kennari á útifundinum á
Lækjartorgi í gær.
Allir fimm ræðumennirnir sem
þar töluðu fjölluðu um launamál
kvenna. Einn ræðumanna sagði að
jarðvegurinn væri unninn — til þess
hefðum við notað kvennaáratuginn.
Nú þyrftum við að bera okkur eftir
þjörginni.
vio veroum ao sianaa saman ao nug-
sjónum okkar.
Við verðum að sýna áræði, kraft og
þor.
Við verðum að vinna að því að fá
sömu laun og karlar fyrir sömu
vinnu.
Við verðum að vera samstíga.
Við megum ekki sofna á verðinum.
Við getum, viljum og ætlum.
Þetta má segja að hafi verið rauði
þráðurinn í hvatningarorðum ræðu-
mannanna.
„Guð var að betrumbæta
sköpunarverk sitt, manninn, þegar
hann skapaði konuna,” sagði einn
ræðumanna við góðar undirtektir
fundarmanna.
Geysilegur fjöldi var á úti-
fundinum og stemmningin mikil.
Veðurguöirnir voru konum hlið-
hollir.
Margar heillaóskir bárust konum
á Lækjartorgi, frá konum víðs vegar
um land. Alls staðar hafa konur
haldið hátíðlegan tíu ára kvenna-
frídaginn.
Kvennasmiðjan vill taka undir
hvatningarorð ræðumanna dagsins.
Nú eigum við leikinn. Þar sem á
vantar að konur njóti jafnréttis á við
karla, er það kvennanna að taka til
hendinni. Við getum, viljum og
ætlum. Áfram stelpur. -Þórunn.