Ægir - 15.08.1968, Blaðsíða 22
280
Æ GIR
einnig skylt að leyfa, að ráðin sé bót á vörugöll-
um, ef unnt er, og skal banni aflétt, er lagfæring
hefur farið fram.
Fiskmatsstjóri úrskurðar, ef ágreiningur rís
vegna fiskmats eða eftirlits, en skjóta má úrskurði
hans um skilning á lögum þessum og reglum
settum samkvæmt þeim til sjávarútvegsmálaráðu-
neytisins.
16. gr.
Nú er fersksíld, saltsíld, lýsi, niðursuðuvörur,
fiskmjöl eða aðrar sjávarafurðir, sem eigi eru
beinlínis háðar eftirliti eða mati Fismmats rík-
isins, seldar samkvæmt sýnishornum, eða afla
þarf um afurðir þessar opinbers gæðavottorðs,
er byggt sé á rannsókn sýnishoma, og skal þá
fiskmatsstjóri fela fiskmatsmanni að framkvæma
sýnishornatöku samkvæmt fyrirmælum rann-
sóknaraðila.
17. gr.
Hver sá, er sekur gerist um brot á lögum þess-
um eða á reglum settum samkvæmt þeim, skal
sæta sektum, og renna sektir í ríkissjóð.
Um mál út af brotum á lögum þessum eða
reglugerðum settum samkvæmt þeim skal fara
að hætti opinberra mála.
18. gr. .
Kostnaður af framkvæmd laga þessara greiðist
úr ríkissjóði.
Til að standa straum af kostnaði af fram-
kvæmd ferskfiskeftirlits skal greiða útflutnings-
gjald af íslenzkum sjávarafurðum (öðrum en
þeim, er koma frá hvalveiðum og selveiðum), e*’
nemi 1 V2°/cc af fob-andvirði þeirra. Skal gjam
þetta reiknað á sama hátt og annað útflutnings-
gjald af sömu vöru og renna í ríkissjóð.
19. gr.
Frá gildistöku laga þessara falla eftirtalin lóg
úr gildi:
Lög nr. 46 5. apríl 1948, um fiskmat og með-
ferð, verkun og útflutnings á fiski.
Lög nr. 42 9. júní 1960, um ferskfiskeftirlit.
Lög nr. 42 19. júní 1933, um vinnslu, verkun
og mat meðalalýsis.
20. gr.
Lög þessi öðlast gildi 1. júlí 1968.
Samþykkt á Alþingi 20. apríl 1968.
Síldar- og hafrannsóknir
Frcimh. af bls. 269.
síldarinnar stöðvaðist hún ekki fyrr en á
Bjarnareyjarsvæðinu. Raunar má ætla, að
hið mikla átumagn í austanverðu Noregs-
hafi hafi einnig átt sinn þátt í að hindra
göngu á Jan Mayen svæðið.
Ástæða er til að ætla, að síldin muni
dveljast á svæðinu vestan Bjarnareyjar
þar.til hún hefur göngu sína suðvestur á
bóginn, á svæðið austur af landinu, síð-
sumars. Ef hin góðu átuskilyrði, sem nú
eru á síldarsvæðinu, haldast þar enn um
sinn er talið líklegt að vesturganga síld-
arinnar hefjist nokkru fyrr en á s.l. sumri.
Síld sú, er nú veiðist á Bjarnareyjar-
svæðinu, er að langmestu leyti 7—9 ára
gömul, en einnig er eitthvað farið að bera
á 4—5 ára síld, sem ekki hefur gætt í
veiðinni áður. Þeir árgangar, er hér um
ræðir, voru samkvæmt lirfurannsóknum
taldir mjög veikir, en í vor bar svo við að
Norðmenn veiddu allmikið magn af þessari
síld úti fyrir Norður-Noregi. Það er þvl
líklegt, að nokkur viðbót komi í stofn-
inn á næstu 1—2 árum.
Heimildarrit:
Jakob Jakobsson og Hjálmar Vilhjálmsson 1967
Síldarleit og síidai'göngur 1966. — Ægir 4-
tbl. — Rvík.
Hjálmar Vilhjálmsson og Unnsteinn Stefánsson
1967 Síldar- og hafrannsóknir fyrri hluta
árs 1967. — Ægir 14. tbl. Rvík.
Rodewald, M. 1967 Recent Vai'iations of North
Atlantic Sea Surface Temperatures (SST)
and the „Type-Tendencies“ of the athmos-
pheric circulation. -—- l.C.N.A.F.’s Red Book,
Part IV. — Dartmouth.
Svend-Aage Malmberg lí)67 a Breytingar á
ástandi sjávar milli íslands og Jan Mayen-
— Ægir 12. tbl. Reykjavík.
Svend-Aage Malmberg 1967 b Ástand sjávar milk
íslands og Jan Mayen í júní 1967. — Ægu'
14. tbl. Rvík.
_ _ rit Fiskifélags Islands. Kemur út hálfsmánaðarlega. Árgangurinn er
/|—< | i I I J kringum 450 síður og kostar 150 kr. Gjalddagi er 1. júlí. Afgreiðslu-
/1 -V 1 1 í\ sími er 10501. Pósthólf 20. Ritstjóri Már Elísson. Prentað í Isafold.